معروض عليا النترا 2012 اول فئه اوتوماتيك يعني بدون فتحه سقف وبدون جنوط
العربيه ماشيه 9 الاف كيلو بس
ومافيهاش خربوش
من الاخر العربيه كأنها لسه طالعه من الصاله
ممكن اعرف سعرها يساور كام ع المواصفات دي
عرض للطباعة
معروض عليا النترا 2012 اول فئه اوتوماتيك يعني بدون فتحه سقف وبدون جنوط
العربيه ماشيه 9 الاف كيلو بس
ومافيهاش خربوش
من الاخر العربيه كأنها لسه طالعه من الصاله
ممكن اعرف سعرها يساور كام ع المواصفات دي
الي قالك قالك كام ... هو في حاجة أسمها كده
عموما هيه كان سعرها 120 جديدة "تقريباً" شوف انت السعر المعروض عليك كام وفكر
الراجل قالي 127 وبعدين رجع قالي انا سألت عليها لاقيتها تستاهل 140 الف
كده يبقى شوف رأي الأعضاء متسمعش مني انا بس .... ولو ليك تاجر صحبك اسئلة
ونصيحة عشان انا لبست في حاجة زي دي
أفحص بشـكل هيستيري في العربية عشان انا اشتريت عربية عداد قليل وبعد الفحص مرة واحد ملقتش حاجة
مع الوقت عرفت انها ادعكت
ولو فيها خير ربنا يجبهالك لحد عندك
عموما بالنسبة ليه انا ........... لسة متباعة قدامي عربية نفس الموديل ونفس الفئة عاملة 19 الف بـ 115 اول كلامة
وخلصت 112 تقريباً
شوف باقي الأعضاء واعتبر كلامي ده هوا
ونسيت أقولك .............
لو فعلاً هتدفع الـ 140 انا اسف تبقى بترمي فلوس في الأرض
فكر في الزيرو ولو حتى هتقسط المبلغ الباقي ده وهيكون قليل مش كبير يعني
كيا ريو هاي لاين ..... كيا سيراتو خليجي ... ( لو بتفكر في الكوري )
وشوف الحاجات الي بنفس الفئة السعرية ونقي برحتك
اللون او الموديل او او او او ..
وأشتري نفسك
دا بمناسبة إيه إن شاء الله :oops2:
العربيه أول ما نزلت كان سعرها بالظبط 121,500 يعنى لو باعهالك ب 127 يبقى كسبان فيها بعد ماركبها سنتين
ماعلينا جابها كام مالناش دعوه نفترض انه كسبها هديه
العربيه تمنها النهارده 152 الف موديل 2014 , وفيها Immobilizer و AirBag أساسى ودول لوحدهم يسووا كتير وخصوصا الإيموبليزر بعد إنتشار موضوع السرقه , ال 2012 مفيهاش الكلام دا
يبقى ازاى تستاهل 140 الف :no2:
شكرا اخواني علي الرد
جزاكم الله خيرا
كانت جديده ب 121
ازاى عاوز يبيعها ب 140 ؟
كتيييييير
خليها لحد ماتجيبله الـ 140 الف هههههههههههههههه
يبقى يقابلى :d
لا حول ولا قوة الا بالله السوق المصرى ده عجيب بصراحة .
عربيات زى الفل بتخسر اكتر من نصف السعر و عربيات تانية مع احترامي للكورى اللي اثبت نفسه بس وسائل امان قليلة مفيش ايرباج واي بي اس و شعبنا الجميل بيمجد فيها و يرفع في سعرها يعني الواحد يشترى العربيةب 120 الف و بعدين يقولك دى تجيب 140 ازاي يعني هو عقار ولا دهب مثلا !!في اي بلد في العالمالعربية المستعملة بتنزل الارض الا المحروسة بتزيد و يمكن تزيد عن سعر نفس العربية زيرو. انا مع احترامي اروح اجيب زيرو و اشتري نفسي بفلوسي, اسف علي المقدمة.
انا رأي سعر العربية السوقى بالمواصفات دى في حدود 115 الف 118 الف حسب نضافتها و الكلام ده التوكيل يقولهولك عشان تتأكد من سلامتها.
وانا لو منك اجيب الاكسنت ار بي واركب زيرو بنفس السعر.
تحياتي ليك