الموضوع: محتاج مساعده يا رجاله

قدامي سوبارو امبريزا 2008 كامله عمله 64000 الف ك رشه رفرف فقط صيانه منتظمه مطلوب 88الف ممكن تخلص 83 الف بصراحه انا معرفش حاجه عن العربيه عيوبها ايه ولا مميزاتها لو ممكن حد يقولي عيوبها ايه و اكشف على ايه بالتحديد ولا اصرف نظر و اخبار الفتيس ايه بالتحديد

عربيه تحفه بس فكر في سعر اعادة البيع

المشاركة الأصلية كتبت بواسطة darktemplar1

قدامي سوبارو امبريزا 2008 كامله عمله 64000 الف ك رشه رفرف فقط صيانه منتظمه مطلوب 88الف ممكن تخلص 83 الف بصراحه انا معرفش حاجه عن العربيه عيوبها ايه ولا مميزاتها لو ممكن حد يقولي عيوبها ايه و اكشف على ايه بالتحديد ولا اصرف نظر و اخبار الفتيس ايه بالتحديد

المشاركة الأصلية كتبت بواسطة eng . Megoo

عربيه تحفه بس فكر في سعر اعادة البيع

اولا : لميجو : سعر اعادة البيع !!!! ما هى بالفعل هتتباع له مستعملة يعنى سعرها واقع بالفعل فبالتالى مش هيخسر فيها لما يجى يبيعها تانى ... العربية دى سعرها كان زيرو ب 140000 ج المانيوال و الأوتو ب 149 و الهاى لاين 8 اير باج ب 155000...

بالنسبة لصاحب الموضوع:
العربية دى كويسة جدا ... لو هية الهاى لاين : 8 اير باج . يبقى السعر ده حلو جدا عليها (85000 - 88000) لو الأوتو العادية تبقى (82000 الى 84000) لو مانيوال (78000 الى 80000)

عموما : لازم تكشف على العربية بالوكيل و هو هجيبلك قرارها .. و ثانى حاجة تشوف اذا كان حصل للعربية دى مشكلة فالطنابير ( لأن بعض موديلات 2008 ظهر فيها مشكلة بالطنابير و التوكيل كان حلها يا اما انه كان بيخرطها أو بيغيرها) المشكلة دى ظهرت فى كام عربية مش كل 2008 .. فشوف اذا كان ظهر فيها العيب ده و اتعمل ايه ( لو اتعمل خراطة للطنابير يبقى نزل 4000 كمان من سعرها علشان يفضل يتغيروا طبعا)
عموما التوكيل هيجيبلك كل حاجة عنها فى الكشف..

العربية ممتازة عموما : موتورها اقتصادى و قوى .. الثبات طبعا لا كلام عليه ,, العفشة بتاعتها ناعمة شوية عن الموديلات اللى قبل كده ..
بصراحة العربية متسيبهاش لو نظيفة و متصانة
الفتيس :
فيها حلو و السبورت فيه استجابته حلوه.

شكرا للرجاله بالنسبه للعفشه انا كان معايه مازدا 2011 و كانت نشفه هل فى اختلاف فى السوبارو بالنسبه للسوبارو وطيه جدا زى ما بسمع يعنى متنفعش لمصر و سمعت ان دهان العربيه مش بيستحمل و و بيطفى بسرعه

المشاركة الأصلية كتبت بواسطة darktemplar1

شكرا للرجاله بالنسبه للعفشه انا كان معايه مازدا 2011 و كانت نشفه هل فى اختلاف فى السوبارو بالنسبه للسوبارو وطيه جدا زى ما بسمع يعنى متنفعش لمصر و سمعت ان دهان العربيه مش بيستحمل و و بيطفى بسرعه

بجد ضحكتنى يا راجل ... انا مش بتريق عليك بس بضحك على ان اشاعات السوق المصرى وصلت لكده .....
اولا السوبارو ارتفاعها عن الارض يساوى المازدا 3 و اعلى من الهوندا سيفيك الجديدة ب 1 سم ... فطبعا اللى يقولك متنفعش لمصر قوله ميسوقش عربيات اصلا فى مصر ...... عفشة السوبارو و نظام الدفع الرباعى : ده هو اللى مينفعش غير فى مصر.

ثانيا : موضوع الدهان : السوبارو دهانها افضل نوع دهان يابانى و لا ينافسه بامانة غير الألمانى ... امشى بالشارع و لو شوفت عربية سوبارو واحد لونها بايظ يبقى ليك الكلام .... يا راجل ده العربيات الكورى و الصينى بيجوا يشيلوا الورق اللى عليها بيطلع اللون معاه و عن تجربة فى عربية : سيراتو و لوجان و صينى ام 12 .....
بص متسمعش لاشاعات السوق المصرى ... متاخدش اى معلومة عن شئ فى مصر الا من اللى جرب الحاجة بنفسه .. دى نصيحتى ليك علشان مترجعش و تندم ..
السوبارو دهانها زى اى عربية محترمة : دهان محترم .. بس يجب المحافظة عليه زى اى عربية تانية : يعنى كل 6 شهور أو سنة يحتاج الى عمل شمع لو بتركنها بالشمس ... او كل 3 الى 4 سنين لو بتركن بجراج و بتغطيها ..

[QUOTعليslamsubaru;3875330336]بجد ضحكتنى يا راجل ... انا مش بتريق عليك بس بضحك على ان اشاعات السوق المصرى وصلت لكده .....
اولا السوبارو ارتفاعها عن الارض يساوى المازدا 3 و اعلى من الهوندا سيفيك الجديدة ب 1 سم ... فطبعا اللى يقولك متنفعش لمصر قوله ميسوقش عربيات اصلا فى مصر ...... عفشة السوبارو و نظام الدفع الرباعى : ده هو اللى مينفعش غير فى مصر.

ثانيا : موضوع الدهان : السوبارو دهانها افضل نوع دهان يابانى و لا ينافسه بامانة غير الألمانى ... امشى بالشارع و لو شوفت عربية سوبارو واحد لونها بايظ يبقى ليك الكلام .... يا راجل ده العربيات الكورى و الصينى بيجوا يشيلوا الورق اللى عليها بيطلع اللون معاه و عن تجربة فى عربية : سيراتو و لوجان و صينى ام 12 .....
بص متسمعش لاشاعات السوق المصرى ... متاخدش اى معلومة عن شئ فى مصر الا من اللى جرب الحاجة بنفسه .. دى نصيحتى ليك علشان مترجعش و تندم ..
السوبارو دهانها زى اى عربية محترمة : دهان محترم .. بس يجب المحافظة عليه زى اى عربية تانية : يعنى كل 6 شهور أو سنة يحتاج الى عمل شمع لو بتركنها بالشمس ... او كل 3 الى 4 سنين لو بتركن بجراج و بتغطيها ..[/QUOTE]

شكرا علي النصيحه بس هو دا إلى سمعتوا عموما انا هجرب العربيه و هحكم بنفسي

المشاركة الأصلية كتبت بواسطة crazydeepman

وانا بقولك انا بسمع ( بسمع ) ان ماتورها ال 1500 ضعيف في الجري والسحب وانا فتيسها بيسخن معا السرعات العاليه لفتره طويله ولازم تقلل السرعه ساعتها

الكلام اللى حضرتك بتقوله فيه جزء صح بس مش دقيق .. الموضوع علشان سمعته فمنقول ليك غلط:
بص هى العربيه اه 1500 و الموتور مش ضعيف و لا حاجة كل الفكرة ان الموتور بيوزع قوته على 4 عجلات مش 2 زى باقى العربيات فده بياخد منه قوة علشان يطلع العربية .. فالعربية طلعتها بطيئة شوية بس علشان العربية دى معدل انضغاطها 1:10 فبالتالى عزمها بيزيد بعد متجيب 60 كم ,, فبالتالى بعد 60 العربية سحبها عالى جدا و عن تجربة .. يعنى لو بتشد مع عربية مثلا زى السيراتو : ممكن يطلع منك بحاجة بسيطة فالأول و بعد كده هتجيبه و تعديه بسهولة .. بس عموما العربية على السرعات العالية ثابتة جدا و ده بيديك اداء اعلى من أى عربية.
موضوع ان الفتيس بيسخن ده مش صح .. الموديل ده مظهرش فيه اى عيب بالفتيس ... اللى تقصده و اللى اتنقلك غلط هو : موديل 2013 أول ما نزل كان بيحصل فيه انك لما تجيب 170كم بينور لمبة زيت الفتيس و ده كان عيب بالسوفت وير بتاع كمبيوتر العربية مش عيب بالفتيس ( يعنى اللمبة كانت بتنور غلط مش الفتيس بيسخن) و المشكلة دى تم ارسالها لسوبارو يابان و تم ارسال السوفت الجديد للعربية و تم حل المشكلة و التوكيل وضع السوفت الجديد بكل العربيات اللى اتباعت بمصر و الجديد بينزل بالسوفت الجديد .. و الناس اللى كانت واجهة المشكلة دى دلوقتى بيجيبوا 200 بالعربية و مفيش مشكلة .. الموضوع ده موجود هنا فالمثبتات تقريبا .

تحياتى