أيه رأيكم يا شباب أشتري سوبارو أمبريزا 2014 ولا ستروين c4 2014
عرض للطباعة
أيه رأيكم يا شباب أشتري سوبارو أمبريزا 2014 ولا ستروين c4 2014
الامبريزا تتفوق على كل المنافسين فى الفئة السعرية دى عشان الثبات و الـ fwd لو مش فارق معاك موضوع الـ fwd ده يبقى c4 اختيار مناسب موتور اقوى و شكل و اوبشنز و ثباتها لا يستهان به برضو
امبريزا
الدفع الرباعى اسمه : AWD (All Wheel Drive انما اللى انت كاتبه fwd (forward wheel drive
السوبارو افضل من السيتروين : ميكانيكا , عفشة و ثبات , خامات تعيش , اسعار الصيانة (السوبارو اقل بالتوكيلات) , توكيل ابو غالى افضل بكتيييييييييييير عن عز العرب بمراحل ( تعاملات و امانة عن تجربة)
السيتروين افضل شوية من حيث الكماليات و شكل التابلوه الداخلى ... انما السوبارو 2014 كمالياتها ممتازة عكس الموديلات السابقة..
نصيحة السوبارو عربية تستاهل ثمنها بأمانة : عربية هتعيش معاك العمر و مش هتفتح بقها..
موضوع سعر اعادة البيع : العربيتين بيخسروا فى سعرهم ... بس لما تركب السوبارو صدقنى مش هتفكر تبيعها ابدا
أنا من عشاق السوبارو لكن سعرها بقا 180 الف في فئه الهاي لاين و الستروين فيها اوبشن و كماليات اعلا و ب 170 الف و انا محتار حيرة السنين ..... ايه رايكم
انا معاك طبعا فى كلامك ,, بس الفرق صدقنى يستاهل ... و لو الميزانية هتقيدك : موديل الامبريزا اللى قبل الهاى لاين : ميفرقش كتير عنه :اوتوماتيك برضه و الفرق جنط 16 بدل 17 .. الايرباج 2 بدل 6 أو 8 ... و كام حاجة بسيطة مش فرق جوهرى و فرق السعر هيخليك تجيبها ...
بس يا استاذي انا كنت بقارن زيك بين نفس العربيتين , و بصراحه العربيتين حاجه هايله بسم الله ما شاء الله و هتحس انك راكب عربيه بكل جنيه دفعته فيها , بس كل واحده في رأي تتميز عن الثانيه في حاجات يعني السوباروا فخامه جدا و برستيج لا يقل عن كانك راكب بي ام , ثبات ممتاز , عفشه هايله فور باي فور مش هتلاقيها في اي سيدان , تكنلوجيا البوكسنج انجين في الماتور حاجه مميزه للسوباروا و طبعا التكيف الياباني بالذات في صيف بلدنا , السي فور بقى عربيه شبابي جدا لو حضرتك مش متجوز او اسرتك صغيره يبقي مفيهاش مشكله هتحسسك بالقوه و الأنطلاق السريع اوبشنز اكثر من السوباروا و تابلوه و عدادات ديجتل حاجه دلع الدلع يعني , عفشه كويسه مش بنفس جوده السوبارو بس كويسه و التكيف بردو اكيد مش زي الياباني لكن كويس , التوكيلين مظنش في فارق كبير بنهم لأن معظم الشكاوي من عز العرب في البروتون مش في الستروين , انت بتقارن بين عربيتن ممتازين و صدقني ان شاء الله اين كان قرارك فانت الكسبان بس لو هتميل اكثر للسي فور القي نظره كده على الميجان الهاتش باك - انا معرفش بلد تصنيها ايه الصراحه - بس عربيه فيها الأوبشنز قريبه من السي فور و التعاون بين نيسان و رينو يخلي الماتور مش بعيد اوي عن الياباني , بس بجد احجز تجربه قياده للأمبريزا و حس بنفسك بالفخامه و انت قاعد جوه العربيه , وبعدين انا كنت اعرف ان الهاي لاين في الأمبريزا 170 و التوب لاين هو ال 185 هو حصل تغير في الأسعار ولا ايه ؟؟
ربنا يوفقك في اختيار العربيه الأنسب
السوبارو افضل بس المشكله فى قطع الغيار الغاليه
اميل للسوبارو كرأي فقط