امثلة لفروق الاسعار بين 2012 و2014 واكتر شركة استغلت الظروف

**K.Ossama** · 11-12-2013 10:41 PM

عالم حرامية كلهم
بس كيا الحقيقة.........ولا بلاش

**raedegypt** · 11-12-2013 10:52 PM

المشاركة الأصلية كتبت بواسطة psycholain

كورولا 2014 شكل جديد برضو وتبدا من 162500 مانيوال

السعر 60 الف ريال فى السعوديه

**Ahmed TRAVCO** · 12-12-2013 12:16 AM

المشاركة الأصلية كتبت بواسطة drcobra

شركة تويوتا زودت فى موديل زى الكورولا 8,000 جنية
موديل 2013 كانت اعلى فئة بتنزل بـ167 ووصلت في النهاية -ومع الهوجة- لـ183 (فرق 16 ألف جنيه في نفس الموديل)... ولو سألت دلوقتي هتلاقي ان 2013 -لو موجودة- واصلة للـ190 ألف!!!!!

وشركة زى سوباروا زودت على موديل امبيريزا 10.000 جنية فقط
ده على سبيل المدح؟؟ طيب ايه السبب انها تزيد 10 آلاف يعني؟؟؟ طبعا طبعا قياسا بالأسعار التانية هي من العربيات النادرة اللي تستحق سعرها... بس برضه ايه الحكمة انها تنط 10 آلاف فجأة ونقول كمان انها محترمة علشان زودت -فقط- 10 آلاف؟؟؟؟

نيجى للاوروبى

رينو مثلا زودت على موديل فلونس 18.000 جنية بالرغم من التعديلات على الموديل
برة مصر مفيش حاجة اسمها هزود السعر علشان فيه تعديلات في الفتيس والعدادات بقت ديجيتال!!!! العربية فئة معينة والمفروض يبقى "توبها" قد كدة كسعر وما تزيدش عنه بحيث لا تقترب من الفئات الأعلى ولا تقترب منها عربيات الفئات الأقل... بس هي جت على الرينو يعني؟؟؟ مش مهم!!

انا شايف ان موديل زى الامبيريزا احترم المستهلك
يلية مثلا التويوتا
أمال موديل زي الشارك يبقى ايه اذا كان الهايلاين في 2008 سعره 158 وفي 2010 يا دوب طلع للـ163 والسنة اللي فاتت يا دوب بـ167؟؟؟ وبعدين ازاي أساسا الكورولا الجديدة بتتباع في السعودية بـ60 ألف ريال -زي الشارك برضه- وتلاقيها هنا واصلة لـ210 ألف؟؟؟ وبلاش حكاية الـ7 ايرباجز اللي في اعلى فئة لأن اللي بـ60 ألف ريال دي فيها 8 ايرباجز!!!!

أضيف كمان... المازدا -رغم قلة مبيعاتها وندرة انتشارها- سعرها للبيزلاين وصل لـ160 (كان بينزل بـ130 قبل كده) والهايلاين تقريبا بـ190 (كانت بـ158 برضه)!!!!!!!

الموضوع كله سرقة X سرقة... بس بدرجات

**drcobra** · 12-12-2013 10:11 AM

يا باشا الشارك لا غبار عليها ومن وجهة نظرى هى والبجو 301 الصفقة الافضل فى الفئة السعرية دى

اما بالنسبة للسوباروا انا مش بمدحها ولا حاجة ولا عمرى سوقتها ولا عايز اجيبها دى ملاحظة فقط ان الزيادات ممكن تكون معقولة بسبب زيادة الدولار وعوامل تانية منقدرش نهملها

انا قلت موديل زى الكورولا المانيوال زاد بالرغم من تغير الشكل كامل وموديل زى الفلونس عمل فيس ليفت كلام حضرتك صحيح ان دى فئة معينة تغير الشكل المفروض ميزودش السعر

فى النهاية انا هدفى كلة هو معرفة المسخرة اللى احنا فيها والسرقة اللى احنا فيها والمساعدة فى اختيار افضل شركة من حيث احترام السوق المصرى كشركة وكوكيل

**شريف** · 12-12-2013 10:12 AM

فيرنا الاوتو بقت ب 92 الف بدل 75 و اية استلام بعد شهر

**drcobra** · 12-12-2013 08:30 PM

المشاركة الأصلية كتبت بواسطة شريف

فيرنا الاوتو بقت ب 92 الف بدل 75 و اية استلام بعد شهر

الله

**S O P H O S** · 17-12-2013 04:44 PM

كل الشركات غلت
ونظام الفلوس عندنا
بيخلينا ندفع فوق ثمن العربية 60 %

**Batman372** · 17-12-2013 05:07 PM

كله استغل الظروف بلا استثناء ... خصوصا الكورى ...
حتى المجمع فى مصر مثل مرسيدس سى 200 كانت ب 380 و بقت اليوم ب 420 ..
و كذلك ال e200 كانت ب 468 و اليوم ب 528 !!
تحياتى ..

**شاهين - بنز** · 17-12-2013 07:05 PM

السيات ليون إللي محترمة جدا جدا جدا الصراحة وكمان جدا
العربية الشكل القديم كان وصل ل ١٨٥ ألف والشكل الجديد كليا بشاسيه ومتور وحجم جديد ب ١٦٠ ألف جنيه !!!!