-
كيا سيراتو و لا اوبترا
انا بعد حيرة شديده فى سيارات قررت اشترى سيارة مانيوال فى حدود 90 الف و كان من ضمن الأختيارات الواجا و صنى و عربيات اخرى
لكن الأن انا محتار اجيب سيراتو مانيوال و لا الأوبترا مانيوال
انا من داخلى شايف سيراتو افضل لكن مضايق انها مش هتجى بمساند رأس و ريموت كنترول و فوانيس شبورة و مرايات كهرباء فياريت اعرف رايكم
-
بص المقارنه دى اتعملت كتير اوى
وانا هاقوللك رأيى عشان انا برضه لما جيت اشترى كنت بقارن بين العربيتين دول
واخترت الاوبترا وهاقوللك ليه
اولا نبص للحاجات اللى هما فيهم زى بعض تقريبا
الاداء والثبات - استهلاك البنزين - التوكيل
بص السيراتو احسن فى انها اقوى ( 121 حصان )
الاوبترا 107 حصان بس ده مش معناه انها ضعيفه
ولو قارنت بعد كدا من كل الجوانب هتلاقى الاوبترا احسن
السعر هو هو تقريبا عشان انت بتقول مانيوال وفى الحاله دى السيراتو هتنقص حاجات كتير زى ما انت قلت
الاوبترا تتميز عنها ب
كماليت زياده - سعر جيد عند اعادة البيع - توافر قطع غيارها وسعرها ارخص - اعلى فى ارتفاعها عن الارض ( بجد ميزه مهمه اوى فى بلدنا ) - اوسع من جوا ( الصالون والشنطه ) - التابلوه اشيك من السيراتو ولايق مع الصالون والانوار اللى جوه بتاعت العدادات وتقفيلها من جوه عامة نضيف اوى والصراحه مكنتش مصدق لما ركبت السيراتو من جوه - التنك 60 لتر فمتحتجش تمون كل شويه
أعتقد ان كل الحاجات دى ترجح كفة الاوبترا بدون تفكير
وعلى فكره انا مش ضد السيراتو بالعكس انا بحبها جدا وكنت هاجيبها والله وكنت متمسك بيها جدا بس لما قارنتها بالاوبترا وحسبتها بالورقه والقلم اخترت الاوبترا
وربنا يوفقك فى الاختيار
وابقى بص على اللينكات دى فيها مقارنات هتفيدك
http://www.nilemotors.net/Nile/showthread.php?t=30006
http://www.nilemotors.net/Nile/showthread.php?t=37533
http://www.nilemotors.net/Nile/showthread.php?t=33569
http://www.nilemotors.net/Nile/showthread.php?t=35661
-
-
انا متشكر ليكم جدا و انا شايف ان الأوبترا كويسه لكن خايف من صاجها و الأطار 14
-
الصاج بتاع الاوبترا مش ضعيف ومش قوى يعنى عادى زى اغلب العربيات الجديده
وبالنسبه للكاوتش 14 انا فعلا حاسس ان قليل عليها 14 وناوى ان شاء الله اجنطها 15
-
رايي السيراتو احدث في التقنيه
واقوي في الاعتماديه
واحلى في الشكل الداخلي
قطع الغيار اعتقد الاوبترا ارخص
Content Relevant URLs by
vBSEO 3.6.0 PL2