السلام عليكم
النهاردة محفظتي وقعت مني وكان فيها رخصة القيادة بتاعتي ورخصة العربية
ايه الاجراءات اللي اعملها
مع العلم ان رخصة العربية باسم الراجل اللي انا شاريها منه وانا معايا توكيل .. ارجو الرد عشان الموضوع ده مضايقني و قالقني جدا :(
عرض للطباعة
السلام عليكم
النهاردة محفظتي وقعت مني وكان فيها رخصة القيادة بتاعتي ورخصة العربية
ايه الاجراءات اللي اعملها
مع العلم ان رخصة العربية باسم الراجل اللي انا شاريها منه وانا معايا توكيل .. ارجو الرد عشان الموضوع ده مضايقني و قالقني جدا :(
اول حاجة اللى اعرفه تعمل مذكرة فى القسم بالفقد واتمنى من احد الاعضاء يساعدك فى الاجراءات اللى بعد كده
صديقي المواطن
ولا أي مشاكل تروح القسم عندك تعمل مذكرة فقد رخصة قيادة ومذكرة لرخصة العربية
تطلع عالمرور بتاعك تطلع رخصة قيادتك اﻷول وحتاخد يوم وطبعا حيقولولك هات شهادة مخالفات
ثم ثاني يوم تاخد مذكرة فقد رخصة العربية والتوكيل بس بكون فيه التعامل مع المرور وتروح تجيب شهادة مخالفات وتطلع رخصة جديدة بشرط تكون الرخصة سارية لو مش سارية حتجدد ولو عليها فحص حتفحص وبرضو حتاخد يوم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
شكرا جدا على اهتمامكم .. وانا فعلا رحت عملت مذكرة الفقد النهاردة وان شاء الله اطلع على المرور بكرة وربنا يسهل
خللى بالك لو التوكيل مفيهوش التعامل مع المرور ..يبقى هتحتاج صاحب العربية الاولانى اللى الرخصة باسمه ..ولو حظك حلو ممكن يوافقوا بصورة بطاقة منه
انا رحت المرور النهاردة قالولي مينفعش تاخد اي اجراءات الا لما يعدي اسبوع على عمل مذكرة الفقد ... احلى حاجة بقى ان بعد ما مشيت في ناس ولاد حلال جابولي المحفظة .. الحمدلله