شكلها من بره عجبنى قوى و كمان يا واد كورى و موديل 2009 و دفعت فيها كل فلوسى و حأقسط كمان 7 سنين.
بس لقيت دلوقتى ناس كتير بتقول فيها مشاكل. فهل يا ترى دى حاجات تتصلح ولى العربيه مقلب و ما تستاهلش؟؟!!!!!!!!!!!!!!!!!!!:worried:
عرض للطباعة
شكلها من بره عجبنى قوى و كمان يا واد كورى و موديل 2009 و دفعت فيها كل فلوسى و حأقسط كمان 7 سنين.
بس لقيت دلوقتى ناس كتير بتقول فيها مشاكل. فهل يا ترى دى حاجات تتصلح ولى العربيه مقلب و ما تستاهلش؟؟!!!!!!!!!!!!!!!!!!!:worried:
العربية كويسة يا باشا متقلقش منها
بس المهم تحافظ عليها وتهتم بالصيانات الدورية
وربنا يباركلك فيها
أفضل عربية فى فئتها السعرية ومن جميع النواحى
اعتمادية ووسع وضمان وتوكيل وانتشار وشكل واداء محترم
عربية كويسة
و احسنت الاختيار
بس مش 7 سنين تقسيط كتير شوية....
و الف مبروك
الافيو حلوة بس انا جربت اللى هي تقفيلها الكورى و سافرنا بيها و جبنا بيها لحد 160 و كانت ثابتة جدا كمان
يظن الناس بى خيرا وانى لشر الناس ان لم تعفو عنى
مبروك سياره ممتازه
أنا يا سيدى قسكتها تبع بنك ناصر و أنا جايبها من الكمونى فى طنطا
حسبهالى 78400
2000 دفعتهم فى الكمونى للحجز و طلعلى عرض سعر ب 76400
دفعت 27000 فى البنك و بعد كده 836 جنيه لمدة 84 شهر
و الإجراءات فى البنك بسيطه مفردات مرتب و صور بطاقه و رقم تأمينى (للشارى و الضامن) و موافقة جهة العمل على تحويل القسط
:unhappy::jiggy:
الف مبروك
واحسنت الاختيار
طب ياترى المصري اية نظامها هل هي ثابتة و متينة زي التقفيل الكوري ...... ارجو الافادة
هى دلوقتى الافيو السيدان مصرى ولا كورى .
و سعرها كام الهاف اوبشن و الفول اوبشن , و ايه فرق الاوبشن مابينهم ؟
The Aveo sedan that is made in Egypt is not good....el takfeel wehesh......the Aveo HB that is Korean is way better. If you ever travel outside Egypt and you test drive the Aveo sedan outside,you will notice a huge difference in the car versus the sedan from Egypt.......
عربيه جميله والف مبروك
يرزقك الله خيرها ويكفيك شرها
الافيو فى منها كورى وفى منها مصرى
سعر الهاف اوبشن 73000
باور
تكييف
كاست
------------------------------
والفول اوبشن 77000 والكورى فول اوبشن 80000
تكييف
باور
كاسيت
زجاج كهرباء الامامى و
سنتر لوك
ضبط تدريجى للتابلوه
نور فرامل علوى
المقعد الخلفى قابل الطى
عايز اشترى افيو اوتوماتيك بس كورى هل موجود فى مصر
بالزمة دة كلام ............عربية مصري تمنها 80000 وكمان 84000 ....دة سعر السيراتو الكوري100% الجميلة المتسعة جدا ........
الافيو كفاية عليها خالص انها لا تزيد عن 70000 ج.........وهما لما لقوا النوبيرا واللانوس مكسرنيهم في المبيعات راحو اشتروا مصنع دايو وهينتجوا اللانوس و يوقفوا النوبيرا.........ولكن اطمئنوا .......با ملاك الدايو ..هيعملوا شيفرولية لانوس سيئة ورخيصة وبالتالي سيزيد سعر الدايو اللانوس المستعمل الموجود حاليا في السوق..........
فى رأيى ... لما توصل الأفيوا لفئة الــ80 الف يبقى اوبترا افضل و لو مانيوال..كدا دخلنا فئة سعرية تانية..
صح ولا أية؟
السلام عليكم
ممكن تديني أي كونتاكت تيع البنك لأني عايز أمشي نفس المشوار بس مش عارف أبدأ
منين؟
جزاك الله خيراً
الف مبروك يا كاركشانجي - قولنا مميزاتها وعيوبها بعد ما ركبتها ؟ اخوك علي حسين
الشكل القديم منها 2006 احسن من الموديلات الحديثة
وطبعا كوري مش تقفيل مصري ياحلو
اعتقد الموديلات 2007 -2008 تقفيل مصري وانا لا اثق في شغل المصريين اليومين دول
لغايه دلوقتى محدش قادر يحكم على العربيه مع العلم انا اشتريت
افيو 2009 من شهرين وعامله 400 ك ولكن كل صحابه بيقولوا
ان سعر العربيه غالى لدرجه انى كرهت اركب العربيه من كتر الكلام والله اعلم هما حكموا ازاى على العربيه على العموم الحمد لله وقدر الله ما شاء فعل
على فكره نسيت اقول ان الموديل 2009 كورى
:dontudear::dontudear::dontudear::dontudear:
مبروكانا صاحبى معاه و مبسوط منها
و فعلا احسن اختيار فى الفئه ديه
يعنى انت قدامك الصينى والفيرنا
طبعا ديه كمجمل احسن
انا هجبها برضوا من عند الكموني وبنك ناصر ممكن تديني رقمك اكلمك عشان عاوز اسئلك عن حبت حاجات ؟؟؟
ضروري اوي معلش :)
انا هجبها برضوا من عند الكموني وبنك ناصر ممكن تديني رقمك اكلمك عشان عاوز اسئلك عن حبت حاجات ؟؟؟
ضروري اوي معلش :)
اولا الف مبروك ياجميل
بس ياريت تقول ازاى قسطها على سبع سنين
الى اعرفو ان اكتر حاجة خمس سنين
والنسبة بتوصل فى الخمس سنين لخمسين فى المية
معنى كدة ان النسبة معاك ممكن توصل ل 70%
مبروك عليك عربية تحفة..........
الحمد لله تعالى
استلمت افيو كامله اتوماتيك امبارح من منصور شيفورليه المهندسين
دفعت نص الثمن والباقى على سنتين بفائده 10% سنويا على باقى الثمن وهو 40500 ج عشان الان هناك تخفيض ثلاثه الاف يعنى من 84000 الى 81000
الشركه محترمه جدا الاجراءات بسيطه المعامله كويسه جدا
بالنسبه للعربيه طبعا شيك جدا - عاليه - اوتوماتيك جميل - تكييف تمام-العفشه بتدب شويه بس مش مشكله لانها بتحسسك انك راكب عربيه قويه ولكن تفسيرى لذلك ان العربيه عاليه والمساعد ممكن يكون قصير - واسعه جدا والسعر بعد التخفيض اصبح منافس جدا ( 81000 ) - التقفيل كويس جدا
الحمد لله ماكنتش محتاج اكثر من ذلك
اتمنى للجميع التوفيق
كلمه حق انا استفدت من المنتدى جدا جدا وسأظل استفاد لذلك شكرا لكل اعضاء المنتدى ولكل القائمين على ادارته
rorogogo
ربنا يباركلك فيها إن شاء الله ولو إنها جت متأخرة شوية
هي دي تقفيل مصري ولا كوري وهل الكوري صحيح بينزل مانيوال بس؟
والله على سعرها والي نفسو يركب زيرو تبقة كويسة
هي عربيه كويسه بس العفشه ناشفه
انا شايف الجين 2 افضل وفي خيارات تانية بردوا
مجرد راي