الازاز الفاميه

**dentanta** · 11-12-2013 09:15 AM

السلام عليكم
الحمد لله انا لسه شاري سيراتو 2011 وكنت عاوز اركب فاميه للازاز وخايف من المرور واللجان وكده ...روحت لواحد بتاع كماليات قالي انا عندي فاميه حراري هو درجته خفيفه جدا جدا وبيقول انه بيمنع سخونية الشمس بس مش بيمنع الشمس وهو ده المطلوب عندي ....بس السؤال اللي انا عاوز اجابته....هل فعلا الفاميه الخفيف ده مش هيعمل مشاكل مع اللجان ....ولما اجي ارخص العربيه في المرور كمان 4 شهور مش هيكلموني عليه؟ وشكرا جزيلا

**moh_elnahas** · 11-12-2013 10:02 AM

اى نوع فيميه فاتح غامق هيعمل مشاكل مع الكماين و مش هينفع ترخص بيه لو فيه فحص
لكن لو حضرتك ظبوطه او حتى امين شرطه خد راحتك و فيم و غيم
معلش كلنا فى الهوا سوا
قانون ساكسونيا

**M.Osama** · 11-12-2013 10:09 AM

مش هينفع تفحص بيه طبعا.. لكن ممكن تعدي من الكماين لو نزلت ال 4 شبابيك وانتا داخل ع الكمين :)

**حاتم سليم** · 11-12-2013 10:26 AM

المشاركة الأصلية كتبت بواسطة M.Osama

ممكن تعدي من الكماين لو نزلت ال 4 شبابيك وانتا داخل ع الكمين :)

طب و الزجاج الأمامى حيعمل فيه إيه ؟؟؟

**meero_boy2000** · 11-12-2013 10:32 AM

في الفحص هيعملك مشاكل وفي الكماين كمان ولو عايز تغامر استني وركبه علي اول السنه احسن عشان شدين حيلهم الايام دي عشان تفقيل القواضي كل سنه وانت طيب

**dentanta** · 11-12-2013 10:50 AM

مشكوووووووووووووور جدا ليكم بجد

**M.Osama** · 11-12-2013 01:38 PM

المشاركة الأصلية كتبت بواسطة حاتم سليم

طب و الزجاج الأمامى حيعمل فيه إيه ؟؟؟ :copy of m-s5:

هوا هيفيم الزجاج الامامي كمان ! ليه ؟

اصلا كدا كدا هيعوق الرؤيه حتي لو ملوش درجة لون بسبب النغبشه الي بتحصل ف الفاميه اثناء تركيبه

**J A G U A R** · 11-12-2013 07:41 PM

افضل حل يا باشا انك تستنى لما ترخص وبعدين تفيم العربيه على طول .. انا عملت كده

**moha4tec** · 12-12-2013 10:44 AM

فى فاميه شفاف بيمنع الشمس و انا رخصت بيه عادى جدا جدا و خدوش بالهم لانه شفاف جدا جدا بلون الازاز يعنى .
و الايام دى كميه لجان مش طبيعيه و كل شويه يوقفنى و يقولى ارفع الازاز و نزل الازاز و كده و رخصك
و لما بيلاقى ستاير كبس و يلاقى الرخصه مثبوت فيها ستاير .بيقولى اتفضل و يدينى الرخص بكل ادب
و انت بترخص نصيحتى ليك رخصها بستاير جانبيه و خلفيه و ركب ستاير كبس و عيش حياتك