قربت على صيانه ال 100000 كم وعاوز اعرف ايه اللى بيتم تغييرة وايه اللى بيتبص عليه فقط واذا محتاج تغيير بيتغير او لا
هوندا سيفيك 2010
عرض للطباعة
قربت على صيانه ال 100000 كم وعاوز اعرف ايه اللى بيتم تغييرة وايه اللى بيتبص عليه فقط واذا محتاج تغيير بيتغير او لا
هوندا سيفيك 2010
صيانة ال ١٠٠ بتغير بوجيهات, سير مجموعة, فلتر بنزين, مياة ريدياتير, زيت باكم,
وتبص على الفلاتر هوا وتكييف لو محتاجين يتغيرو وتربط عفشة
هو ده اللى انا فاكرو دلوقتى لو فى حاجة تانية عندنا هنا العمالقة هيقولولك لو فى حاجة زيادة
متابع بشده عشان خلاص قربت اوصل للميه
عاوزين شويه تفاعل كل اللى يفتكر حاجه يبلغنى انا حغير وخايف اتفاجأ بمبلغ ضخم
وعاوز كمان سمكرى كويس علشان العربيه مش راشه برة وعاوز اعمل حته فى الباب على البارد
صباح الفل على أحلى منتدى
الهونداويه نايمين نوم التنين
لسه مفيش عمالقه بيردو علينا
وهل اروح التوكيل ولا ممكن اروح لميكانيكى فى الحرفيين ترشحولى
متااابع بششدة
تجربتى بعد مارحت التوكيل
اولا الناس هناك بتفك وتركب زى الحلاوة بمعنا حتى من غير مايشوف المسامير فين اصلا
حافظين مش بيتعلمو زى بقيه الميكانيكيه
ثانيا المعامله كويسه جدا
تم تغيير زيت الموتور والفتيس بيتغير كل 40000 وانا غيرته هناك بردو وبيركبو وردة جديدة للطبه بتاعته ب10 جنيه سعر الطبه واشتريت من هناك كلبس بلاستيك اللى بيركب فى الفبر اللى جوة الكبوت ب10 جنيه الواحدة
وزيت الفتيس العلبه ب99 جنيه اشتريت 3 علب
وغيرت ترموستات الكوعه بالمياة للرديياتير ب 700 تقريبا لان المياة ب300 جنيه بس حكايه غير اللى موجودة فى موبيل
لان اللى فى موبيل بتكون حاميه شويه انما اللى عندهم مكتوبه فى الكتالوج بتاع العربيه مواصفات معينه وتم تغيير سير المجموعه سعرة 600 جنيه فقط
وبكرة ب300 جنيه وغسلو العربيه بعد ما خلصو والحقيقه الواحد مبسوط جدا من الصيانه بتاعه امبارح دى
انا كنت خايف جدا
بالمناسبه المفروض بنغير البوجيهات لكن انا كنت مغيرها من 50000 وهيه بتقعد 100000
وعلى فكرة لو حد عاوز يعمل الصيانه بتاعه ال 100000 كلها هناك سعرها حوالى 3560 جنيه قطع غيار ومصنعيات وكل حاجه هوة طبعا رقم لكن بيخلصو كل حاجه وبيكشفو كمان على العربيه كهرباء وانوار وعفشه وتيل فرامل وكل حاجه
ارجو اكون افدتكم زى ما بتفيدونى