عرض للطباعة
السلام عليكم ورحمه الله وبركاته
تحيه طيبه الى جميع الاعضاء
وشكرا لكل القائمين على ذلك الموقع الرائع
ياجماعه انا الناس هتجنينى خلاص بعد ما استقرات على السياره البيجو301 وتقريبا كنت رايح احجز قعدوا يقولولى العربيه قطع غيارها غاليه والتوكيل بينفخ والفرنساوى فى اعادة البيع سعره فى الارض مع العلم انا مطلع على التقارير كلها اللى على العربيه ديه على الموقع وبصراحه انا مقتنع بيها اوى مع سعرها والامكانيات اللى فيها مقارنة بالكورى اللى بعد سنتين شكرا ....برجاء الافاده لانى عاوز احجز.
صديقي المواطن
قولا واحدا إن إتخذت قرارا فلا تجعل الشك والتخلخل والضعف وسماع كلام اﻵخرين والقلق أسلحتك فأنت بذلك لن تكون من الفالحين وستكون من المذبذبين
وكل ما سقته من كلام الناس أعلاه كله صحيح ولكن في التسعينات والثمانينات وبداية اﻷلفينات ولا ينطبق هذا الكلام جملة وتفصيلا على بيجو 301 وأساسا البيجو 301 قاربت مبيعاتها أن تهزم إلانترا وسيراتو وخلال عام 2014 ستدحرهم جميعا وستتربع على قائمة المبيعات وده كله خير ليك وحيسرع بوصول قطع الغيار التايواني العظيمة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
كان فيه حد عرض شوية من اسعار قطع غيار العربية
الاسعار اللي هو عرضها معقولة اوي اوي بالنسبة للعربيات اللي في الفئة السعرية دي
ال 301 هى افضل سيارة فى فئتها السعرية ولا تقارن بالكورى وانتشارها ممتاز بالنسبة لسيارة عمرها 5 شهور فقط فى السوق نصيحة لو مقرر انك تجيبها الحق روح احجز لأنها مش موجودة بالمعارض والحجز بتاعها 3 شهور من كثرة الحجز عليها فهى صفقة رابحة بكل المقاييس مقابل الثمن سواء اول فئه او هاى لاين بالنسبة لقطع الغيار تعتبر جيدة بالنسبة للفئة السعرية للسيارة وانتشار السيارة معناه ان هيكون ليها قطع غيار بالسوق