بدء حمله من اوتو ايجيب لتغير ماستر الفرامل

**bahaahssn** · 16-12-2013 12:35 AM

على فكرة يا شباب انا غيرت التيل و الطنابير و الأتنين كاليبرز و ماستر الفرامل امبارح فى الضمان
و ياريت زى ما بننقض نقول اللى ليهم.
هي فعلا جودة التيل و الطنابير سيئة جدا بس مش لدرجة كل 5000 ممكن كل 20000 لو شغلك فى وسط االبلد زى حالاتى و تم تغيرهم فى الضمان عند 15000
و انا دلوقتى 30000 و غيرولى نظام الفرامل كله فى الضمان .
السيارة فعلا فيها عيوب كتير جدا بس هما بيصلحوها الصراحة .ممكن تتعطل عشان قطع الغيار مش متوفرة لكن بيجبوها.
لكن لو رجع بية الزمن مكنتش هشترى اول دفعة زى ما عملت كان ممكن تانى سنة للموديل عشان التعديلات اللى كل شوية يعملوها و معنديش وقت اروح التوكيل كل شهر و نص مرة.
فى المجمل اعتقد انهم عشان يغيروا كل نظام الفرامل يبقى عرفوا العيب منين و جتلهم الجراءة انهم يصلحوا العربيات بكل المبالغ ديه لأن تكلفة تغيير كل الحاجات دية اكتر من 5000ج
بس المشكلة الحقيقة ان مفيش مصارحة علانية بالموضوع زى مبيحصل فى العالم كله للريكول
لاكن كله فى الدرى و طبعا دفعين فلوس كتير للجرايد عشان ميكتبوش عنها.

**dodyam** · 17-12-2013 10:24 AM

هل يتم تغيير الطنابير امامى وخلفى
وهل يتم أيضا تغيير التيل أمامى وخلفى ونوعية التيل الجديد هل مختلفة أم نفس النوعية الرديئة

**medo-312** · 17-12-2013 01:50 PM

متابع

**ebrahim30** · 17-12-2013 03:22 PM

طب ياباشا ياريت تقولينا انطباعك اية بعد التغير و هل الفرامل فرقت و لا هيا هيا

**ahmed452003** · 17-12-2013 03:30 PM

ياريت تفاصيل اكتر والفرق قبل وبعد التغيير

**Batman372** · 17-12-2013 03:38 PM

توكيل نيسان مصر محترم و يستحق كل الاشاده ...

**mhkorayem** · 17-12-2013 11:05 PM

المشاركة الأصلية كتبت بواسطة bahaahssn

بس المشكلة الحقيقة ان مفيش مصارحة علانية بالموضوع زى مبيحصل فى العالم كله للريكول
لاكن كله فى الدرى و طبعا دفعين فلوس كتير للجرايد عشان ميكتبوش عنها.

ما هو ده الغباء بنفسه
ما هما لو أعترفوا ان في مشاكل والناس حست انهم بيحلوها فعلاً مش مجرد كلام هتش وكل واحد وشطارته
كانت كل الناس اللي بتفكر تشتري حاجه تانيه ومقلقه من مشاكل العربيه كانت راجعت نفسها واشترتها وش لانها بالنسبه لكميه الاوبشنز اللي فيها صفقه جيده
بس نقول ايه بقى حتى لما عملوا حاجه كويسه بيعملوها في الخفا زي ميكونوا بيسرقوا

**bahaahssn** · 18-12-2013 10:15 PM

انطباعى بعد التغييرات ديه كلها ان كل مشاكل الصوت اختفت تماما
مكنش عندى مشكلة فى قوة الفرامل هى هى
تم تغيير الأجزاء الأمامىة فقط

**ART_tv90** · 23-12-2013 02:48 AM

فعلا نيسان شركه محترمه .. واوتو ايجبت توكيل محترم جدا
كان عندى مشكله فى التيل والطنابير الامامى صنى 2013 .. تم تغيرهم فى الضمان مع ماستر الفرامل والصاجه الخلفيه .. رغم عدم شكوتى من الصاجه الخلفيه إلا انهم غيروها .. كل ده فى الضمان .. بصراحه كل يوم بيزيد احترامى لنيسان وحاسس انى فعلا احسنت الاختيار .. اكرر شكرى وتقديرى لنيسان مصر واوتو ايجبت واتمنى لهم دوام التقدم والتوفيق

**omar shaker** · 29-12-2013 02:26 AM

انا حجزت ورحت لاوتو ايجيبت الصراحه توكيل محترم جدا جدا وشغلهم كويس احسن من السبع
الشكوى كانت بخصوص ضعف الفرامل وصوت نحر والولاعه اكتشفت انها مش شغاله
تم تغير تيل وطنابير امامي وماستر فرامل علوي
ليا الحق في تغير بليه العجل الخلفي
اصلاح الولاعه

هي عمليه الصيانه طولت شويه بس الموضع كبير واكيد احتاج شغل لانهم بيطلعو يجربو العربيه وبترجع الصيانه تامي
العربيه بس اتوسخت من جوه بس مش مشكله وديتها مشحمه اتنضفت بره وجوه

الحمد لله ثقتي رجعت تاني للعربيه