بخصوص نوبيرا 1 98

**Ahmadhamza84** · 12-12-2013 10:34 PM

المشاركة الأصلية كتبت بواسطة mmamdouh

تفرق ايه عن عربيتك عشان تزيد 10 الاف جنية فى السعر؟؟

mmamdouh

أولا عربيتي كانت بموتور تالف ...
ثانيا عربيتي موديل 97
ثالثا عربيتي كانت محتاجة مصاريف ...
يعني مثلا : أنا اشتريت 4 فرد كاويتش
اشتريت طلمبة ميه وراديتير وغيرت السيور كلها والكتينة ببليتها ... يعني تقريبا صرفت قرابة 8 الاف جنيه مع الوقت اللي ضاع ...
فأعتقد 40 ألف متوسط سعر كويس ... زود ألف ونقص ألف يبقى ممتاز ...
عربيتي الميزة اللي ريحتني فيها اني صلحت الحاجات بالتقسيط ... يعني اشتريت شورت بلوك وعمرت الموتور واشتريت فردتين كوتش زيرو بعدها بشهر غيرت السيور ... بعدها بشهر ... غيرت الكتينة مع طلمبة الميه
بعدها بشهر غيرت الراديتيروفردتين كوتش خلفي ...
فمحستش بالفلوس قوي ...

**Ahmadhamza84** · 12-12-2013 10:38 PM

خلي بالك يا ممدوح بك كاتب الموضوع قال السيارة مش محتاجة مصاريف

**Ahmadhamza84** · 12-12-2013 10:49 PM

المشاركة الأصلية كتبت بواسطة mido12989

هى العربية محتاجة فرش عشان فرشها متبهدل و فيها شويه حاجات فاصلة و التكييف عايز يتشحن و كمان عايزه نقل ملكية عشان هى معوقين
هو طالب 37
لو خلصتها على كام يبقى كويس

بص ياباشا ...
على حسب ... هل حضرتك ليك سكة مع الصنايعية كويس ولا لا ؟!!!
لكن حتى لو ليك سكة فأعتقد 37 كتير على عربية محتاجة شغل ...
أنا برضو مش خبير قوي بس يتهيألي العربية دي لو حالة ممتازة مش محتاجة مصاريف يبقى 40 سعر كويس ...
شوف أنت بقى المصاريف اللي هتصرفها عليها كام مع تعب الصنايعية واخصم من الأربعين وأنت تعرف السعر المناسب ... حط في دماغك ان في حاجات كدة كدة هتغيرها لأنك مش عارف اللي قبلك حاطط ايه ... زي الكتينة مثلا ... أنت مش عارف اللي قبلك حطه امتى ولا حاطه نوع ايه ولا أي حاجة ...
أنت بقى بتقول التكييف مثلا في مشكلة ... احتمال تلبس في طقم اصلاح يعدي ال 500 جنيه
أو تلبس في شجرة !
الصالون متبهدل أنا ماعنديش أي فكرة عن أسعار السروجي والحاجات دي لأن ماليش خبرة فلازم تسأل حد بيفهم تشوف هيكلف كام ...
لكن إجمالا : العربية النوبيرا 1 حلوة وحمالة قسية :)

**mido12989** · 13-12-2013 12:58 AM

هى العربية ممكن تحتاج مصاريف الف جنيه او الف و نص و انا ناوى مدفعش اكتر من 35 الف بس هو لسه عامل عمره و مجدد العفشة فمش هتحتاج مصاريف مكنة و لا عفشة لكن المصاريف كلها على الفرش و شحن التكييف و تظبيط رفايع و هننقل ملكية؟
فهل كده كويس و هل 35 الف كويس و هل لو اتمسك على 36 اوافق و لا اتمسك على 35 لانى كنت نويت افركش لو موافقش على 35 الف

**Ahmadhamza84** · 13-12-2013 02:52 PM

المشاركة الأصلية كتبت بواسطة mido12989

هى العربية ممكن تحتاج مصاريف الف جنيه او الف و نص و انا ناوى مدفعش اكتر من 35 الف بس هو لسه عامل عمره و مجدد العفشة فمش هتحتاج مصاريف مكنة و لا عفشة لكن المصاريف كلها على الفرش و شحن التكييف و تظبيط رفايع و هننقل ملكية؟
فهل كده كويس و هل 35 الف كويس و هل لو اتمسك على 36 اوافق و لا اتمسك على 35 لانى كنت نويت افركش لو موافقش على 35 الف

بص ياباشا :
أنا مستريح مع العربية وماواجهتش أي مشاكل عويصة فيها ومافيش قطع غيار ناقصة ...لكن قصة السعر وايه بكام ... فالمهندس ممدوح خبرته أعلى مني بمراحل ...
لأن أنا ممكن يكون اتضحك عليا ....
بس على حد معلوماتي وخبرتي الشخصية إن لو العربية فعلا هتكلفك المبلغ اللي أنت بتقوله ف 36 سعر كويس ..