معاناه مواطن مصرى المصالح الحكومية لامتى !!!
بسم الله الرحمن الرحيم
السلام عليكم ورحمه الله وبركاته
بدون مقدمات كلنا عارفين المصالح الحكومية ووقفتها بس النهاردة كانت زيادة شوية
بدا الموضوع انى عايز اغير محل الاقامة علشان ارخص هنا وارتاح من مشوار السفر كل فترة
نزلت من البيت عند المرور اللى جنبى وفيه القسم والسجل دخلت قالى هنا البطايق 15 يوم مفيش مستعجل عايزها مستعجل روح العباسية قلت مش مشكلة
طيب قولى انا لما اجى المرور اللى هنا اللى جنب البيت قالى لا انت مش هنا يا استاذ انت هتبقى فى مرور الشروق يا راجل متقولش كده عيب ده جنب البيت اروح 30 كيلو لمرور تانى امال ده بتاع اية يا عم قالى بتاع مصر الجديدة :fun_10_9_134[1]:
وبدات المغامرة وروحت العباسية املى الاستمارة واقف فى الطابور على لحم بطنى من الساعه واحده واخيرا الساعه 5.30 اكون مخلص وطبعا كلنا اتعرفنا على بعض فى الوقفة والبرد روقنا والمطاره كان ليها دور كبير فى الجو العائلى اللى احنا فيه
السؤال بقى لحد امتى هنفضل نتعامل معاملة الحيوانات
http://3.bp.blogspot.com/-qwbEY6Kf8P...0/70618627.jpg