ازاى اعرف مقاس ضغط الهواء في الكاوتش

السلام عليكم

كان بس عندى سؤال على مقاس ضغط الهواء في الكاوتش العربية بيجو308 sw
قريت ان المفروض اعرف من القايم اللى فى باب السائق بس قريت و مفهمتش حاجة

عليكم السلام

الأرقام المكتوبه على قايم الباب بتاعك هتكون فى الغالب بوحدة kilogram per sq. cm (kgf/cm2)

مثلا : 2.1 (kgf/cm2)

الوحده المستعمله عندنا فى مصر (pounds per square inch (psi

انا هقتبس رد من الموضوع الى تحت توقيعى الخاص بظبط هواء الكاوتش
هيفيدك فى طريقة التحويل بين الوحدتين وبالتالى فهم الأرقام

اقتباس:

---

المشاركة الأصلية كتبت بواسطة ehabahmedie

السلام عليكم ورحمة الله وبركاته

خلينا نفهم المكتوب على القايم و نحل المشكلة من جذورها..... أغلب المكتوب على قائم الباب بيبقى بوحدة kilogram per sq. cm لكن الورش عندنا بتتعامل بوحدات (pounds per square inch (psi

وللتحويل بين الوحدتين

1 kilogram per sq. cm (kgf/cm2)= 14.22 pounds per square inch (psi)

يعني اضرب الرقم اللي عندك في 14.22

بالنسبة للبومة مكتوب عليها انها تتظبط على 2 أمامي و 1.8 خلفي يعني تبقى بالتقريب 28 أمامي و 26 خلفي

وأي خدمة

---

وممكن تراجع الموضوع لو حضرتك عاوز معلومات اكتر

http://www.nilemotors.net/Nile/343292-a.html

تقبل تحياتى

هتلاقي في القايم عندك بيقولك فيه ضغط حوالي 2.5 بار(bar) للعربية وهيا مش محملة كتير,
و 2.7 وهيا محملة كتير, يعني كل الأفراد وحمولة الشنطة كاملة.

عند بتاع الكاوتش مش بيزود الكاوتش بالبار (bar)
المكن اللي عند بتوع الكاوتش اللي بيزودو بيه الكاوتش بيحسبها بال (psi)

ال 2.5 بار = 36 عند بتوع الكاوتش,
يعني تروح لبتاع الكاوتش تقوله زود لي الكاوتش علي 36 أو 35

في شوارع مصر عموماً ال 35 وال 36 وهتبقي متعبة ليك في السواقة من كتر المطبات والحفر والنقر,
وكمان هتهلك الكاوتش والعفشة بدري,,

فأحسن ضغط من تجربتي تظبط الكاوتش عليه في مصر هوا 32 ل 30
دا رأيي الشخصي واللي بعمله, لأني لما جربت 35 كان متعب جداً وبيخلي العفشة مش مريحة لأن الطرق عندنا غير أدمية.

ربنا يخليكم لينا
انا دايما بظبط على 30 بس كنت عاوز اعرف لو ده غلط و لا صح
ححاول اترجم اللى مكتوب و اشوف

الشوارع المصريه لاتصلح لاكثر من 30
مع ان استهلاك البنزين فعلا بيكون اكبر
لكن ماباليد حيله