قصة العربيه و القرض
القرض بفائدة 8.5% مخفف : 98 الف جنيه خمس سنين
ثمن السيارة الميجان وقت الشراء : 102 الف جنيه ... كسر زيرو موديل سنه قبل الشراء
فتره الاستخدام 3 سنين
تم صرف 7 الاف جنيه لتحسين السياره قبل بيعها
تم البيع ب 62 الف جنيه ... يتبقى صافى البيع 55 الف جنيه
و المدفوع فى السيارة : 140 الف جنيه
اجمالى الخسارة : 85 الف جنيه
الكلام ده للى عايز يتعلم من غير ما يدفع
عروستي
عمرك ماهتعرف تضحك علي بنك
البنوك في مصر هنا مفترية سواء فايدة او مصاريف ادارية او مصاريف فتح حساب او مصاريف بريدية
يا باشا ربنا يعوض عليك
قلنا كتيير قبل كده ان حوار القسط من البنك خصوصا للعربيات او السلع الاستهلاكيه فاااااااشل بكل المقاييس
العربيه بتستهلك و تمنها بيقل طبعا مع الوقت و حضرتك بتدفع اقساط الفوايد
ده غير مصاريفها العاديه من زيت و صيانات و خلافه و و القسط شغال و اللى بعد الشر بيعمل حوادث دى مصاريف تانيه
تيجى تبيع بعد كده بسعر السوق تلاقى الفرق كبييير لانك بتحسب على المبلغ الكلى بالفوايد زى ما حضرتك كاتب
رأى الشخصى الواحد يبعد عن البنوك بالمشوار و طبعا علشان الشبهه و الحرمانيه
العزاء الوحيد ان العربيه اصبحت ضروره ملحه فى ضل الظروف اللى احنا فيها
ربنا يهدينا للصح و يبعد عننا الحرام
تقبل مرورى
بس غريبه لو افترضنا ان انت مدفعتش مقدم خالص وتمن السياره 102 الف
يبقى 5 سنين * 8.5 = 42.5%
يبقى المفورض الفوائد 43350 جنيه
عندك حق والله
ربنا يعوضك خير عن الي خسرته
ربنا يعوض عليك يا رب
بس اسمحلى الميجان اصلا عربية خسرانة
يعنى لو كنت جبت سيراتو مثلا كانت الخسارة هتبقى اقل بكتير اووى
انت استعملتها 3 سنين ثم دى مستعملة لو عربية سوقها شغال وشارى زيرو كانت هتفرق معاك شوية
قوائد البنك 43 الف
خساره تمن العربيه فى 3 سنين 43 الف .. رغم انى شريها و سعرها اصلا واقع 40 الف فى سنه
مبدا القسط مبدا المضطر
والجديد فرض فى ايام النصب الى احنا عايشين فيها
ومتنسوش انا مقابل الفلوس الى بتتدفع انت اشتريت راحة بالك واتمتعت بالجديد
الى عايز يحسبها بمبدا المكسب والخساره مايشتريش عربيات من اصله ويشوفله اى مصلحه ويقضيها مواصلات لانها بالحساب المادى فقط خسرانه خسرانه
طيب ممكن تشاركنا لو رجع بيك الزمن كنت أتصرفت إزاي أو كنت غيرت أيه ؟ :)
حلو الكلام دااقتباس:
المشاركة الأصلية كتبت بواسطة Ramy_2R
لا حول ولا قوه الا بالله
ء
بشمهندس طارق بكل بساطه يقصد ان العربيه دى كانت زيرو ب 140 الف اتباعت ب55 الف " بعد خصم ال 7 الاف لى صرفها و مستفدش بيهم " بعدها ب 4 سنين يعنى خسرت 85 الف
فوائد البنك ملهاش علاقه وكل المقصود ان العربيات الفرنساوى بتخسر جدا جدا عند اعاده بيعها
ياجماعه غلطان الي يقول ان العربيات مشروع خسران ماهو معلش ماتيجش تشتري حاجة بي ازيد من ثمنها وكمان مش مرغوبة في السوق نهائي وقطع غيارها مقرفة وهيا مقرفة وتقولي مصلحة خسرانة الي يقول ان العربيات مصلحة خسرانة يبقا معلش ملفش في السوق امال التجار دول عايشن علي ايه انتا لو تاجر ونقول انك ماكسبتش بتكسب 3الف جنية في تجار بتكسب بي 10الف في عربيات مش سليمة بتكون نصين ومغيرة وملعوب فيها وفي عربيات في سنتين رفعت ازيد من 10 الف جنية علي سبيل المثال
الكيا السيرتو من قيمة 3سنين يعني قول 2010 الهاي لاين كانت 117 الف شوف دلوقتي ال2010 بيعرضوها بكام الفكرة ان الاستاذ تاجر في الخسارة جاب عربية عايزة غير انها مش مرغوبة
تاني شيئ التاجر لما بيكسب بيكون عكسك انتا بتشتري العربية وبتصرف عليها هو بيشتري العربية ومابيحطلهاش مياة من الحنفية حتي واغلب الوقت ماتمشيش لي انها طول ماهيا ماشية هتجوع هتبقا عايزة تاكل
عمومآ انا رائي في العربيات لو معاك فلوس وعايز تحوشها اشتري عربية ولاتشتريش دهب العربية كل سنة سعرها بيرفع اما الدهب فابقا يرخص غير انك هتخسر في المصنعية وانه فيه فصوص وحورات لكن العربية في وقتنا هذا بتحافظ علي ثمن ماكنت اشتريتها بيها
العربيه قسط قرض او بنك او معرض قدام فية فايدة لازم تبقا خسران
الزيرو بردة لما تيجي تبيع لازم تخسر
الموضوع مافهوش شكوى اساسيه من قرض البنك
الموضوع باختصار ... عربيه تمنها زيرو 148 الف ... اشتريتها مستعمله خفيق ب102 الف ... بعتها بعد 3 سنين ب 62 الف... غير خساره القرض
الموضوع واضح و مش كاتبه عشان قسط البنوك
كنت هشتريها برضه ...اقتباس:
المشاركة الأصلية كتبت بواسطة ramy_2r
لانها كانت عربيه ممتعه فى السواقه
بصراحه متزعلش منىاقتباس:
المشاركة الأصلية كتبت بواسطة human
انت غلطان علشان قولت كلام من الاول مش صح
انت جايب العربيه ب 102 وبيعتها ب 62 يعنى خسرت 40 الف فقط
وديه مش خساره دى فلوس انت ركبت بيها العربيه واستفدت بيها
و اى عربيه زيرو لو بيعتها بعد تلات سنين حتى لو بياعه هتخسر فيها مش اقل من 30 الف
يعنى الموضوع قريب
انما لما تحسبها ان تمنها زيرو 148 واتباعت ب 62 فده غلط
اللى اشتراها اول مره دفع 148 وباعها ب 102
انت تحسب من 102 ل 62 فقط
لا طبعااقتباس:
المشاركة الأصلية كتبت بواسطة amr011111
مافيش عرييه بتخسر من 148 الف ل 62 ال فى 4 سنين ...
حضرتك بتحسب على اساس تانى
و بعدين العربيه لما تشتريها مستعمله ... فيه حد بيبقى قابليك حاسب على الخسار الكبيره ...
على العموم ... كلامى واضح ... و فيه ناس فاهمه قصى ايه
طب و اللى اشتراها كاش ب 120 الف و باعها ب 65 الف مع حساب ان قيمة ال 120 الف من 5 سنين تعدى دلوقتى 150 الف
القصه مش فى البنك ولا فى القسط لمشكله فى العربيات اللى سعرها بيقل بغباء زى الميجان لكن لو عربيه اعادة بيعها كويس يبقى انت اللى بتعوض فرق البنك بأستخدامك للعربيه فترة القرض
معظم العربيات بتخسر احنا كان معانا السوبارو ب١٤٠ جديد غير ١٨ فوائد البنك غير قطع الغيار المولعة وفي الاخر بعناها ب٨٠ الف. بالعافيةاقتباس:
المشاركة الأصلية كتبت بواسطة human
٢ الغرض من التقسيط توفر فلوسك في حاجة تانيه وعلي فكرة في أوروبا قليل جداً الكاش معظم اللي هنالك تقسيطبدون مقدم والفائدة ١ او اقل
والدي حسبها انو لو اجر او قضاها مواصلات اقل حاجة ٣٠٠٠ فهوا بدل ميحطهم في إيجار او مواصلات يحطمه في قسط العربية
اللي حصل انك جبتها و هي في عز المصيبة بتاعتها بتاعة الفتيس اللي وقعت سمعتها في الارض و معاها سعرها في السوق
لو بصيت هتلاقي عربيتك نفسها لحد دلوقت ما تزال ب62 الف رغم انك بايعها من سنتين تقريبا
مش عارف اقول لك ايه
نصيب
العربية سلعة مستهلكة
انت ركبتها واستعملتها
مينفعش تقول انا كنت جايبها بكذا وبعتها بكذا وخسرت فى تمنها
لانك ببساطة ركبت العربية بالتمن اللى انت بتقول عليه خسارة
طبعا فوائد البنوك على العربيات مبالغ فيها تماما
الافضل ان الواحد يعمل كذا جمعية طويلة ويقبض الأول ويشترى العربية على قده
اسمح لي طريقة الحساب خطأ
ثمن العربية كاش 102 ألف
ثمن البيع 62 ألف
الخسارة 40 ألف ،
يطرح من هذه الخسارة مقابل استخدام لمدة 3 سنوات ، متوسط استخدام السنة 5000 = 15000
صافي الخسارة 25000
أما فوائد البنوك ، دي مقابل التمويل وليس لها علاقة بالسيارة أو نوعها وحرام تحملها عليها
وأما مصاريف التحسين ، لا تحسب أيضا ، لأنها مقابل استخدامك للسيارة مثل البنزين والزيوت والفلاتر ، كلها لا تحسب
أما الخسارة الحقيقية هي أن 102000 من ثلاث سنوات لا تقارن ب 62000 الآن لارتفاع الاسعار والتضخم الذي يزيد عن 12% سنويا
والحقيقة أن 62000 بأسعار اليوم تعادل 31000 من ثلاث سنوات مضت ، يعني كأنك استرديت 31000 جنيه فقط من نقودك بنفس قيمة النقود عند الشراء
تحياتي
+1111111111اقتباس:
المشاركة الأصلية كتبت بواسطة beshoyyy
بشكل عام ياجماعه كله بيخسر باستثناء الكورولا واى عربيه تم شرائها قبل الزياده الاخيره دول هما شواذ القاعده
والميجان والفرنساوى بشكل عام شواذ القاعده فى المبالغه فى الخساره وان كانت المعادله دى حتتغير مع الفلورانس الجديده وال 301 على ما اعتقد
ومحدش يقولى الموديل الفولانى والعلانى شوفو الالنترا والانسر الى هما جوهرة السوق الهاى لاين بتاعهم كانو بكام ودلوقتى بيتباعو بكام واحسبوها بالنسبه المئويه حتلاقو الفروق بسيطه
تحياتى
ربنا يعوض عليك
باختصاراقتباس:
المشاركة الأصلية كتبت بواسطة J A G U A R
باشا هي د لغة السوق اللي ما برحمش حد ...
يا تركب عربات بياعة بس ما تعتبرش مدلع نفسك أوي ودي أقل خسارة ...
يا أما تركب العربيه اللي أنت حاببها وتستحمل خسارة الفلوس ...
شكرا لنقل التجربه عشان كل واحد يحسبها كويس ويبقي متخيل الأرقام الفعليه إيه ...
جزاك الله خيرا ...
الرينو بتخسر كتير في البيع
كلام سيادتك صحيح في حالة الشراء زيرواقتباس:
المشاركة الأصلية كتبت بواسطة mo7a_mo7a
ولكن واضح ان الاخ الزميل اشتراها مستعملة بعد الموديل بسنة
ولكنه لجا للبنوك ، وما أدراك ما البنوك ، اختراع يهودي