عرض للطباعة
السادة الافاضل عايز احجز 301 وطبعا انتو عارفين الضغط على العربية دى عامل ازاى وشايف ناس بقالها 3 شهور حاجزة ولسة مستلمتش .
وخايف احجز ولما استلم على شهر 4 ان شاء الله هيكون موديل 2015 قرب ينزل .
فكنت عايز اعرف من حضراتكم ..... ميعاد نزول موديل 2015
..... هل السعر ممكن يزيد جامد
...... هل من المتوقع معالجة مشاكل وعيوب 2014 ( النتشة .. اماكن التخزين .. وحدة الرفع )
شكرا
موضوع النتشة اتعالج خلاص بتنزيل ابديت للسوفت وير في التوكيل في اول صيانة 2500اقتباس:
المشاركة الأصلية كتبت بواسطة alaasalam
ومعتقدش انهم هيغيرو ديزاين العربية سواء داخلي او خارجي في موديل 2015 ... لسة العربية ملحقتش
يا راجل 2015 ايه اللى بتكلم عليها هى 2014 لحقت ولا الحجوزات اللى عليها لسه خلصت لما يغيرو فى العربية الحجوزات من شهر 9 لسة فى ناس مستلمتش اعتقد ان العربية مش هيغيرو فيها حاجه فيها نهائى هتبقى مجرد الورق بس بدل 2014 يبقى 2015
طيب حد عارف موديل 2015 هينزل فى اى شهر ؟
وهل ممتوقع السعر هيزيد كتير ؟
حتى لو عايز تجيب موديل 2015 ده ميمنعش من انك تحجز دلوقتى و تبقا تأجل التسليم بعدين
و ده يديك حق الاولويه فى الاستلام و انت الكسبان
ماعتقدش ان حاجة هيتغير فى الشكل من برة او من جوة الا هتبقى حاجات بسيطة جدا وتبقى داخليا متفرقش من الاخر
بالنسبة للسعر سياسة الشركة الجديدة تقول ميزيدش لانها نازلة بيها ومنزلها سعرها فى كل مكان علشان تاخد السوق ده جنب
التانى بيقولك اى عربية ناجحة سعرها بيزيد بس هيبقى فرق بسيط يعنى مش فوق ال 5 الاف بالكتير وبالتوفيق
ردود ممتازة, :tumb:
قلتو كل اللي كنت عايز أقوله, الله ينور علي الأسود.
يعنى اتوكل على الله واحجز ومش هندم؟
استغفر الله العظيماقتباس:
المشاركة الأصلية كتبت بواسطة alaasalam
ياباشا اعمل صلاة استخاره ولو قلبك ارتاح روح احجز
لكن هتندم او لا دى حاجه فى علم الغيب الله اعلم
و ان شاء الله مش هتندم
السيارات الاوروبي بتنزل موديل السنة الجديدة في نصف شهر 10 و اخر 11 يعني لو عايز تحجز احجز و الحق
اللي اعرفه انها مش هتنزل قبل شهر ٩ المعلومة دي من صديق في التوكيل
طيب ممكن تسال صاحبك اللى فى التوكيل عن السعر من المتوقع هيزيد كام؟