كوتش للسيراتو بريدجستون مقاس 225/45/17 اسعار .مواصفات.ملاحيظ

السلام عليكم
غيرت من كمهو اكستا 215/45/17الى بريدجستون تورانزا جى ار 90 مقاس 225/45/17 .
و كنت مشيت على الكمهو الاكستا 27 ال كم فقط و عمل بلالين اسرع و اكبر من الفبريكه كمان هههه.
فقولت لازم اغير المقاس . لانى تعبت من البلالين . بتعمل رجه جمده فى العربيه و صوت عالى و رعشه جامده فى الطاره .
كان قدامى مقاسين عشان استريح
215/50/17 و ندمت انى مركبتهوش .
و التانى 225/45/17 و ده اللى ركبته و معقول الحمد لله .
المهم .الفرق بين المقاس ااقديم و الجديد و الفرق بين نوعين الكوتش .
225/45/17 البريدج .افضل فى .
اقل صوتا .
انعم شىء بسيط فى المطبات و الحفر .

اثبت على الطريق شىء بسيط . فى الملفات و العالى و الواطى فى حتت معينه على الدائرى .
عموما العربيه افضل من الاول و مستريحه اكار مع المقاس ده .

عيوبه . طلعة العربيه مبقتش زى الاول بقدت ابطا شىء بسيط بس ملحوظ بالنسبه لى و لسه هجرب تانى عشان اتاكد .
السحب حسه انه قل سنه بسيطه بس مش متاكد . لسه هجرب تانى .
بالنسبه للارتفاع و كده مش عارف بس نظريا العربيه علؤت نصف سم فقط .
المهم .ان فى السوف انواع كتير مقاس 225/45/17 و المقاس ال50 مكتش موجود . بس دلوقتى بقى متاح و موجود فى كذا مكان .
نصيحه اخويه للى بيدور على حل للبلاين او عاوز يقللها يركب ال 215/50/17 هيبقى مريح جدا و هيقلل نسبه البلالين عن اى مقاس تانى .
كان فى منه كمهو ب 750 تقريبا و كمان هانكوك .
سعر الفرده بريدج my02 قبل الخصم 938 جنيه.مقاس 225/45/17.

سعر الفرده اللى ركبنها بريدجستون تورانزا جى ار 90 .سعرها قبل الخصم .1133 . و اخدت خصم 10 فى الميه .و بقت الفرده ب 1010 .
اخدت ال4فرد ب 4045 و وفرت 450 جنيه تقريبا .
للمعلومه ......
نايل موتورز ليها خصم 5 فى الميه.
البنك الاهلى المصرى و اتصالات و تقريبا حاجه تبع الجيب ليهم 10 فى الميه تخفيض.
فودافون و موبينيل و بعض البنوك التانيه بتاخد خصم من 5 الى 7 فى الميه .
الخصم بتاع البنك الاهلى لاى عميل معاه اى كارت atm مش لازم يكون شغال فى البنك يعنى .
يا رب اكون قدرت اوصل المعلومه صح .
و الله اعلم .اسالكم الدعاء لوالدتى و اطفالى بالشفاء و صلاح الحال .
يا ريت اى حد عنده اى معلومه عن الكوتش او اسعار و اى جديد يفيدنا بتجربته الشخصيه عشان نستفاد كلنا .
الله اعلم .

نسيت اقول ان القرده القديمه الكمهو كانت ب 500جنيه و الجديده بعد الخصم ب 1010جنيه يعنى الضعف .
الفرده القديمه متاكلتش و لكنها عملت بلالين كتير فى العجل كله .
و ربنا يستر فى الجديده

مبروك
وجميل جدا معلومة البنك والخصم دي فعلا هتكون مفيدة
ربنا يباركلك ان شاء الله ..

و عليكم السلام و رحمة الله و بركاته
أنا سألت الشهر اللي فات علي الجي أر 90 البوتانزا كان 1493 جنيه كل ده فرق بين التورانزا و البوتانزا

ايوه فعلا كانت غاليه بسبب سعر الدولار . و لما الدولار نزل بقت ارخص .ناس محترمه بجد
كانت ب 1300 تقريبا . و نزلت و بقت ب 1133 و التخفيض ال 10فى الميه بقت 1010 جنيه .
و ده سعرها الطبيعى .
و على فكره ال جى ار 90 تورانزا يابانى و ليست بوتنزا

اقتباس:

---

المشاركة الأصلية كتبت بواسطة s o p h o s

مبروك
وجميل جدا معلومة البنك والخصم دي فعلا هتكون مفيدة
ربنا يباركلك ان شاء الله ..

---

الله يبارك فيك . و مشكور .
اه الخصم مفيد جدا الصراحه

اقتباس:

---

المشاركة الأصلية كتبت بواسطة HOSSAM99

و عليكم السلام و رحمة الله و بركاته
أنا سألت الشهر اللي فات علي الجي أر 90 البوتانزا كان 1493 جنيه كل ده فرق بين التورانزا و البوتانزا

---

و عليكم السلام .
حضرتك التورانزا غيررالبوتنزا
التورانزا فرده طريه بتاعة مشى فى المدينه و كده و تنفع فى السفر المريح
اللى هى الجى ار 90
اما البوتنزا دى فؤده سبور انشف و ثباتها عالى جدا و اسم النقشه الحاليه ادرينالين 02 و my02 و سعر الاولى هيعد ال 1350 مستريح فى ال 17 و سعر التانيه 938 جنيه .
و الله اعلم
و انت سالت عند مين قالك السعر ده لو تاجر عادى اكيد هيقولك السعر القديم لان هو اشتراها غاليه او نقشه تانيه .لان فى نقشات تانيه اغلى بتوصل ل 2000فى الفرده الرن فلات بتاعه البى ام .
و الله اعلم

مبروك ياباشا

وربنا يشفى والدتك وأولادك ويصلح حالهم وحال الجميع يارب ان شاء الله

أنا سألت عند فرع بريدج شارع مراد في أول شهر 11
و الفرده كانت جي أر 90 (متأكد) مش فاكر تورانزا و لا بوتانزا و كان المقاس 17-215-45 بالتحديد
علي العموم أنا مش عايز المقاس ده
عايز أمل أختراع هاخلي الأمامي مقاس الفابرريكه و الخالفي هاعرضه
يعني هيبقي أمامي 17-215-50 و الخلفي 17-225-(و نشوف البروفايل هايبقي أيه)
للعلم الكلام مش لسراتو الكلام علي مازدا 6

نسيت صحيح ..مبروك الكاوتش الجديد

انا لسه مغير كمان ل بريدحستون تورنزا gr 90 بس مقاس 16/55/205 الفرده ب 813 بالتركيب من فرع عمارات العبور وجسيت بفرق جامد.
الف مبروك عليك وربنا يبركلك فيها ويشفي والدتك واولادك

ألف مبروك الكاوتش ..... إختيار جيد إن شاء الله.

Sent from my GT-N7100 using Forum Runner

ثمك المداس فى التورانزا 7ملى عشان كده عمرها اطول و ثمك البوتنزا الادرينالين 5.5ملى عشان كده عمرها اقصر شاسيه المداس فى التورانزا اقل و نقشتها مختلفه و مسارات الميه فيها 4 و اكبر عشان كده صوتها اهدى و انعم من التورانزا .
البوتنزا الشاسيه الملامس للارض اعرض و مسارات تفريغ الميه 3 عشان كده ثباتها افضل بكتير جدا . بس انشف و ثباتها اعلى .
و الله اعلم .

انا مش عارف احكم على الفرده و الا المقاس
بس الحدفه بتاعة فواصل الكبارى فى ملف قلت شويه عن الاول اعتقد بسبب المقاس اعرض
التماسك مع الامطار الغزيره بتاعة الايام دى افضل من الكمهو الاكستا بس الكمهو كان زى الفل فى المطر و الله ذبس انا لسه مجريت و لا قرصت اصلا و ماشى هادى جدا عشان المطر و كده

اقتباس:

---

المشاركة الأصلية كتبت بواسطة hosam_optrawy

مبروك ياباشا

وربنا يشفى والدتك وأولادك ويصلح حالهم وحال الجميع يارب ان شاء الله

---

الله يبارك فيك .و الف شكر على الدعاء . و منور الموضوع .هتنزل بالسلامه امتى عشان نشوفك

اقتباس:

---

المشاركة الأصلية كتبت بواسطة hossam99

أنا سألت عند فرع بريدج شارع مراد في أول شهر 11
و الفرده كانت جي أر 90 (متأكد) مش فاكر تورانزا و لا بوتانزا و كان المقاس 17-215-45 بالتحديد
علي العموم أنا مش عايز المقاس ده
عايز أمل أختراع هاخلي الأمامي مقاس الفابرريكه و الخالفي هاعرضه
يعني هيبقي أمامي 17-215-50 و الخلفي 17-225-(و نشوف البروفايل هايبقي أيه)
للعلم الكلام مش لسراتو الكلام علي مازدا 6

---

مفيش 215/50/17 فى بريدج ستون صلا انا سالت عليه
بس انت عاوز تعمل كده ليه فى المازدا مع ان المفروض ثباتها محترم
و عفشه مريحه
لما تعرض المقاس الخلفى التعويم هيقل اللى هو oversteer بس ال understeer هيزيد
و الفرامل مش عارف ادائها هيتغير للاحسن و الا الاسوء
انا كنت عاوز اعمل زيك بس خفت الصراحه

اقتباس:

---

المشاركة الأصلية كتبت بواسطة hossam99

نسيت صحيح ..مبروك الكاوتش الجديد

---

الله يبارك فى حضرتك

اقتباس:

---

المشاركة الأصلية كتبت بواسطة dr.moh.kemo

انا لسه مغير كمان ل بريدحستون تورنزا gr 90 بس مقاس 16/55/205 الفرده ب 813 بالتركيب من فرع عمارات العبور وجسيت بفرق جامد.
الف مبروك عليك وربنا يبركلك فيها ويشفي والدتك واولادك

---

الله يبارك فيك
و مبروك على الكوتش و الف شكر على الدعاء

اقتباس:

---

المشاركة الأصلية كتبت بواسطة dr.m_baz

ألف مبروك الكاوتش ..... إختيار جيد إن شاء الله.

Sent from my gt-n7100 using forum runner

---

الله يبارك فيك و ربنا يكرم فى موضوع البلالين

اقتباس:

---

المشاركة الأصلية كتبت بواسطة moha4tec

مفيش 215/50/17 فى بريدج ستون صلا انا سالت عليه
بس انت عاوز تعمل كده ليه فى المازدا مع ان المفروض ثباتها محترم
و عفشه مريحه
لما تعرض المقاس الخلفى التعويم هيقل اللى هو oversteer بس ال understeer هيزيد
و الفرامل مش عارف ادائها هيتغير للاحسن و الا الاسوء
انا كنت عاوز اعمل زيك بس خفت الصراحه

---

أنا أتأكدت النهارده إنها كانت تورانزا و كان المقاس بروفايل 45 عرض 215
أنا الحمد لله مفيش مشكلة عندي في ثبات العربيه حتي مع الكاوتش اللي كانت مركونه به فترة كبيره (مشقق من البروفايل) و لا نشفان و لا أي شئ و لا عومان
و هو جوديير
أنا قولت أعرض خلفي فقط و بلاش أمامي علشان السحب لكن مش هاتفرق أصلا في السحب مع العربيه دي
أنا هاعمل زيك و هاوحد المقاس حتي علشان الروتيشن فيما بعد يطلع مظبوط
و هاجيب 225-45 (كان نفسي في 50)
لكن عايز أعرف الخصم ال10 في الميه كان خاص بإيه
معلش دوشتك

اقتباس:

---

المشاركة الأصلية كتبت بواسطة moha4tec

الله يبارك فيك .و الف شكر على الدعاء . و منور الموضوع .هتنزل بالسلامه امتى عشان نشوفك

---

فى الصيف الجاى على رمضان كدا ان شاء الله لو لينا عمر , أشوفك على خير ياباشا

اقتباس:

---

المشاركة الأصلية كتبت بواسطة hossam99

أنا أتأكدت النهارده إنها كانت تورانزا و كان المقاس بروفايل 45 عرض 215
أنا الحمد لله مفيش مشكلة عندي في ثبات العربيه حتي مع الكاوتش اللي كانت مركونه به فترة كبيره (مشقق من البروفايل) و لا نشفان و لا أي شئ و لا عومان
و هو جوديير
أنا قولت أعرض خلفي فقط و بلاش أمامي علشان السحب لكن مش هاتفرق أصلا في السحب مع العربيه دي
أنا هاعمل زيك و هاوحد المقاس حتي علشان الروتيشن فيما بعد يطلع مظبوط
و هاجيب 225-45 (كان نفسي في 50)
لكن عايز أعرف الخصم ال10 في الميه كان خاص بإيه
معلش دوشتك

---

لو ليك اى حساب او اى كارت atm او غيره تبع البنك الاهلى او شغال فى اتصالات
نايل موتورز بتاخد خصم 5 % لو معاك الاستيكر

فى 50 بس ماركات تانيه زى الكمهو شفته بعينى فى الرحاب و شفته راكب على سيراتو فى توكيل القطاميه

تقرير مبدئى .
العربيه بقت انعم فى المطبات العاديه و المكسر .و بقت اثبت و افضل فى مطبات الهواء و الاسفلت المتعرج العالى و الواطى .
من الاخر العربيه مستريحه اكتر .و انا بقيت مطمن و انا بجرى بالعربيه الحمد لله .و صوت الكوتش منخفض عن الكمهو بكتير .
اما عن السحب و الطلعه و استهلاك البنزين .اعتقد النتيجه سلبيه بس لسه هنضف البوابه و حساس الايدل و اشوف بعدها .
و الله اعلم .

كمان الفرامل بقت افضل و الايه بى اس مبقاش يشتغل كتير زى الكوتش القديم .
و البور بقى انعم حاجه بسيطه فى الركنه و بقى ماسك نفسه على السرعات .
حاسس ان الكوتش ده اخف على علبة الدركسيون من الكمهو .

فعلا البريدجستون افضل من الكمهو فى البلالين كمان .
و الله اعلم .

اهم حاجه فى اختيار الكوتش هو تاريخ انتاج حديث و يا سلام لو مكملش شهر او شهرين هيبقى 100%