عرض للطباعة
السلام عليكم و رحمة الله و بركاته
مشكلة جديدة في العربية ( بيجو 405 هاف انجيكشن موديل 92 )
لما بادور العربية الصبح بتطلع دخنة سودة و الموتور بيتهز و الشكمان صوته بيبقى عالي
و أول لما العربية تسخن كل الأعراض دي بتزول و العربية بتتظبط
يا ترى المشكلة ممكن تكون من أيه ؟
و شكرا جزيلا
الهاف انجيكشن متعب فى العربيه دى
تنظيف الهاف انجكشن مع ظبط الاحتراق
أنا شاكك أكتر في حساس المية .. هاجرب كام حاجة كدة و ربنا يسهل
ياريت تقولنا النتيجة لأن عندى نفس القصة وشاكك فى حساس الكولانت برضوا
اقتباس:
المشاركة الأصلية كتبت بواسطة eng\ahmed
و الله يا باشا أنا اشتغلت على حساس درجة حرارة الهوا و كان عندي واحد في مانيفولد قديم ركبته مكان الجديد .. في الأول ما حصلش تغيير .. بس بعد ما هزيت الفيشة بتاعته و ضغطت عليها الدنيا اتظبطت و الشكمان جاب مية
بس تاني يوم الصبح اللي هو انهارده الصبح رجعت ريما لعادتها القديمة و الدخنة السودا رجعت مع الدوارة و العربية باردة
فانا شاكك دلوقت في فيشة الحساس
لما اوصل لحاجة ان شاء الله هاكتب هنا
ايه حساس درجة الهوا ؟؟
Inlet air temperature sensorاقتباس:
المشاركة الأصلية كتبت بواسطة ENG\AHMED
الحمد لله المشكلة اتحلت و الميكانيكي قاللي ان السبب كان منظم ضغط البنزين .. غيرناه بواحد في بوابة قديمة كانت عندي .. المنظم كان بيدخل بنزين كتير أزيد من اللازم فطبعا مابيتحرقش و بيطلع في شكل دخنة سودا و العربية باردة و لما العربية بتسخن ما بتظهرش الدخنة دي
الف مبروك ياباشا
ايه اللى خلاه يشك فى منظم الضغط؟؟ لان الاعراض دى متشابهة مع حساس الكولانت
هل العربية كانت مسجلة حاجة على الكومبيوتر؟
على فكرة يارحالة المشكلة دى فى معظم الأحيان بتبقى من جلد الصباب
تقريبا عشان البوابة كان عليها بنزين كتير و تقريبا كان جاي من المنظم للأسف كان عندي مشوار اضطرني ماكونش واقف معاه و هو شغال - مع اني باحب دايما أقف على ايد الصنايعي و هو شغال - و بالنسبة للكولنت سينسور انا كنت فكيته بالليل و صنفرته نضفت كل الفيش و ساعتها المشكلة اتحلت انما الصبح كانت المشكلة ظهرت تانياقتباس:
المشاركة الأصلية كتبت بواسطة eng\ahmed
بس يا باشا أعتقد ان جلد الصباب يسبب دخنة بيضا على أساس انه بيسرب زيت و الزيت لما يتحرق يطلع على هيئة دخنة بيضااقتباس:
المشاركة الأصلية كتبت بواسطة amer_aboamer
موضوع تنضيف الحساسات عملتها قبل كدة برضوا ظبطت نوعا ما يوم ولا اتنين ورجعت تانىاقتباس:
المشاركة الأصلية كتبت بواسطة badry78
عموما اشوف موضوع ال pressure regulator يمكن يطلع السبب
طب يا استاذ بدرى اخبار استهلاك البنزين قبل حل المشكله ايه ؟
أصل انا تقريبا عندى المشكله دى لما بدور العربيه الصبح وأقرص بنزين هيا واقفه بيطلع دخان اسود لكن لو مش قارص مش بيطلع الحمدلله مع العلم انى عندى مشكله مجننانى ومجننه الصنايعيه وبتخلينى اشد فى شعر راسى وهيا استهلاك البنزين عربيتى الجيب شيروكى 93 اربعه سلندر تخيل فى الزحمه الصفيحه بتعمل 50 كيلو وساعات أقل وعلى فكره مش زحمه اوى يعنى مش زى فى القاهره وكوبرى اكتوبر لا الزحمه اللى بمشى فيها تعتبر رحمه جنب زحمة القاهره
غيرت فلتر وغيرت رشاشات وغيرت بوجيهات وظبط الكهرباء وبرده مفيش فايده لحد ما زهقت وقررت اتعايش مع الوضع الحالى لحد ما السنه الجايه قبل الفحص نبقى نعمل نص عمره ونشوف هل الموتور فيه مشكله مع ان العربيه بسم الله ماشاء الله سحبها ممتاز بس بيتهيألى مفيش حاجه باقيه غير الموتور او بقى يكون حد بيسرق البنزين من العربيه :(
أنا أسف يا باشا لتأخري في الرد بس لسة شايف تعليقك انهاردهاقتباس:
المشاركة الأصلية كتبت بواسطة a raafat
أنا استهلاك البنزين كان زايد قوي عندي لحد ما المشكلة اتحلت