يعني لغي ال 2000 سي سي وخلاها 1800 و شال منها البصمة والشاشة ده ايه الذكاء ده العربية بقت فاضية اكتر من الاول لاتعليق
عرض للطباعة
يا جماعة هو لازم يعمل كدة ف السعودية والسبب
ان لو نزل كل الكماليات دى والسعة اللترية 2000 س س يبقى ضرب سوق الافلون والاوريون والكامرى
الى عايز يعلى ف الكماليات يعلى بالموديل لموديل تانى ودى سياسة بيع ولولا كدة كان باع كورولا بس
عكسنا تماما ... الخيار المتاح هو الكورولا او اقل وهو اليارس
فمفيش مقارنة خالص ... ربحت كورولا مصر
حبيبى انت يا بش مهندس
كلام حضرتك صح ، وبالنسبة لي الكلام ده يبقى كويس جدا واشتري المطور وانا مغمض
المشكلة ان بتوع الوكالة معندهمش فكرة عن الموضوع ده خالص ولسه بيبيعوا بالاسعار والمواصفات السابقة ولما بقول لمندوب المبيعات ان الكلام على الموقع اختلف اتفاجأ وقالي موقعنا احنا طب ممكن تبعت لي اللينكات
الله المستعان حاسس انهم تايهين والتوكيل متوهم اكثر ‘ العربية نازلة بقالها اسبوع بس والمواصفات اختلفت تماما والاسعار نزلت وبقت ارخص من الموديل اللي قابله ، والاغرب ان المعارض غلت سعر ال 2013
مش عارف هل الناس ما أقبلتش علي الشكل الجديد والا ايه اللي حصل
أنا فكرت كتير في الموضوع دا
نزلت امبارح شفتها وجربتها
بصراحة التقفيل معجبنيش وتويوتا مستهبلة خالص
1- الأبواب خفيفة جدا وبتتهز مع القفل والفتح...حاسس اني ماسك باب 128
2- الشكل الداخلي اتغير شوية للأحسن بس مع استخدام خامات رديئة جدا...المسند اللي في النص بيتحرك مش ثابت والرف اللي تحت المسند أي كلام والسند قماش مش جلد
3- التكييف مانيوال زي القديم بالظبط
4- الشنطة لازم ترزعها أكتر من مرة عشان تتقفل ولما تيجي تفتحها تترفع مرة واحدة وتعمل صوت لأنها بتخبط وهي راجعة
5- عاوزين يقلدوا هوندا فعاملين لمبة Eco لما تكون سايق سواقة هادية عشان يعني تقولك إنك بتوفر بنزين واللمبة تطفي لو سقت سواقة رياضية
6- صوت الإزاز وهو بينزل واضح أوي
7- تقفيل كسوة الباب من الداخل وحش جدا ... البلاستيك كله بيتحرك في مكانه لما تهزه بايدك
8- مبيركبوش كروز كنترول
9- بيركب بلوتوث وباركنج سنسورز اللي مش موجودين في اي فئة بيركبوهم ب 1300 درهم
اللي هم أصلا بقوا ينزلوا في عربيات تانية ممكن في فئة تانية مثلا
10- أعتقد إحساس القيادة فيها متغيرش كتير عن موديل 2013 وبس فالحين يقولوا all new corolla
11- زودوا keyless entry و push start button وطالعين بيه السما أكنه إختراع مش موجود غير في الكورولا
بصراحة عربية معجبتنيش خالص ومكنتش متوقع إنها تكون كدا بس طبعا فيها مميزات زي اي عربية تويوتا وهي الإعتمادية وسعر إعادة البيع
بس متهيألي هتنزل بيها مصر هتحس إنها فقيرة أوي قدام مثيلاتها في مصر
حد بقي من اللي معاه كورولا 2014 في مصر يقولنا ايه تعليقه علي النقاط السابقة
مش عارف شفت المشاركة دي ولا لأ في موضوع الفلونس
تخيل لسه مجرب الكامري ومعجبتنيش في السواقة ولكن في الأوبشن حلوة أوي وفيها كل حاجةاقتباس:
فيه عندك فورد فوكاس لو عايز عربية تنزل بيها مصر وإسال بردو في قسم فورد
بصراحة عجبتني بس لسه مسوقتهاش...مشكلتها هنا في الامارات إن اللي بتنزل بمكنة 1.6 مفيهاش كروز كونترول بس غير كدا عربية جامدة أحسن من الكورولا
أنا قلتلك بعض النقاط اللي معجبتنيش في موضوعك في قسم تويوتا
من الأخر لو عايز عربية محترمة تنزل بيها مصر
بي إم 316i غالية بس محترمة أوي أوي - الأفضل
* الباقي (بدون ترتيب)
فولفو s60 - غالية شوية بس موتور وبودي قوي وكماليات أعلي من بي إم بس بنفس سعر ال بي إم
فورد فوكاس - سعر حلو بس لسه مسوقتهاش
أوبل أسترا (بس معجبنيش الجير بتاعها...فيه ديلاي في الشيفت مش عارف مشكلته ايه)
هوندا سيفيك 1.6 لو عندك في السعودية تبقي تمام...عجباني جدا وسعرها معقول (موجودة في الامارات 1.8 بس)
وبردو الباب بيرج لما تيجي تقفله...غريبة أوي تويوتا دي
عندي نفس المشكله في الكرورولا ٢٠١٤
بفكر اشتريها و برضه حيران ؟؟؟
يا باشا الحيرة ده شئ عادي ربنا يهيء لك الخير
انا امبارح روحت اتفرجت علي الكرولا وعلى الفلوينس علشان اخذ قرار نهائي وبصراحة الفلوينس عجبتني في كل حاجة المواصفات والسعر والارتفاع عن الارض ، وفي الاخر لقتيني روحت حجزت الكرولا مع اني مش مقتنع بس تحس ان فيه حاجة شداك هناك ، لأ واللي زاد وغطا ان اليوم كلموني وقالوا ان اللون اللؤلؤي اللي انا حاجزة ممكن يتأخر شوية في الميناء فعصرت على نفسي لمونة وقلتله هات الفضي بس خلصني قبل ما ارجع في كلامي انا اصلا بتلكك
الله المستعان ، ربنا يهدي كل حيران