اشتريت صني 2006 مستعمل بحالة جيده ومبسوط بيها جدا الحمد لله:36_2_55[1]::36_2_55[1]:
بس أنا عاوز أشيك عليها ككل وأعملها مجموعة صيانات علشان تريحني ف المشي بعد كده وعلشان أضمن ان مفيش حاجه فيها تبوظ بسرعه
تنصحوني بايه؟؟
اشتريت صني 2006 مستعمل بحالة جيده ومبسوط بيها جدا الحمد لله:36_2_55[1]::36_2_55[1]:
بس أنا عاوز أشيك عليها ككل وأعملها مجموعة صيانات علشان تريحني ف المشي بعد كده وعلشان أضمن ان مفيش حاجه فيها تبوظ بسرعه
تنصحوني بايه؟؟
فلاتر وزيوت وسيور ...تنظيف مسطرة الرشاشات..نتروجين للعجل..فحص للعفشة وتغيير اللازم...
الف مبروك العربية وربنا يديك خيرها ويكفيك شرها..بالنسبة للصيانة فانت تشوف ميكانيكي كويس وتغير سير كاتينة وتشوف بلي الشداد وكراسي الماتور والجوانات لو فيه ترشيح..و تغير طقم سيور التكييف والباور والدينامو وطبعا طقم بوجيهات جديدة وتغير مية الريادتير لمية خضرا نوع نظيف وطبيعي تغير زيت الماتور طبعا علشان تبدأ تحسب الكيلوات علي حسابك انت..ماتنساش تبص علي بقية الزيوت يعني زيت الفرامل زيت الباور ولو كانت اوتو يبقي تغير زيت الاوتو وتشوف فلتر الفتيس لو محتاج تغيير او تنظيف ولو مكانتش اوتو يبقي تشوف اذا كان محتاج تكمل زيت الفتيس..ماتنساش تغير كمان فلتر البنزين..ده كله هتعمله وانت عند الميكانيكي وكمان تكشف علي الرشاشات..بعد كده تشوف اطارات العربية اذا كانت محتاجة تتغير او تتزود او حالتها العامة ايه..روح للكهربائي وخليه يعمل تشيك علي شحن الدينامو ولو محتاجة انذار ركبلها..وانتظر رد باقي الاعضاء وان شاء الله يكون فيه افادة اكبر..
الف مليون مبروك ربنا يديك خيرها و يكفيك شرها بس يارت تقولى اشترتها بكام علشان انا برضو بدور على نيسان تكون فى حدود من 60 الى 65 اتو
عايز نصيحتى لوجه الله ؟
إللى إنت مفروض تعمله إنك حاتروح لميكانيكى علشان يكشف على العربية من ناحية الميكانيكا .. وكهربائى علشان يكشف على الكهرباء وميكانيكى عفشة علشان يكشف على نظام التعليق بالكامل
بس كل إللى فات ده حايكلفك وقت وفلوس وياعالم إذا كان إللى حاتروحله حايعمل الصح وللا لأ..
نصيحتى ....
توجه إلى أحد مراكز الخدمة المعتمدة لنيسان ( أنا شخصيا أتعامل مع "أوتو إيجيبت" بأبو رواش أو "السبع أوتوموتيف" بزهراء المعادى )
الناس دى محترمة وفاهمه شغلها كويس ولو فيه مسمار مش راكب فى مكانه أو أى حاجة ناقصة حايعملوا لك تقرير شامل مكتوب عن السيارة ويقولولك أى ملاحظات عليها وممكن يعملوا لك تقرير عن الموتور
طبعا قبل ماتروح الأفضل إنك تتصل بمركز الخدمة علشان تعرف تكلفة التقرير وتحجز موعد للكشف
(أعتقد إن تقرير الميكانيكا بيتكلف 150 جنيه وتقرير الكهرباء مثله)
وفى الآخر لك الحرية إنك تعمل العربية عندهم أو تأخذ التقرير وتعمل إللى محتاجاه العربية عند أى حد تثق به
ربنا يباركلك ويوفقك للخير
وتقبل تحياتى ،،،
سير كاتينة اييييييييييييية , مابيتغيرش سير الكاتينة
ياباشا انا اسف انا معرفش اذا كان بيتغير فيها سير كاتينة ولا لأ لكن انا اتكلمت عموما عن اي صيانة في عربية شاريها مستعملة واللي المفروض انه بيتم فيها الخطوات دي
الف مليون مبروك وربنا يديك خيرها ويكفيك شرها ماشاء الله العربية دي عربية جميلة ومحترمة ربنا يباركلك فيها يارب
الف مبروك
لازم تعمل الصيانه ميكانيكه وعفشة وكهربا
أشكركم شكرا جزيلا علي التفاعل والمشاركه وده مش جديد علي أحلي قسم ف أحلي منتدي ف الدنيا
أشكر كل من قدم لي معلومه مفيده
أنا رحت النهارده غيرت زيت فتيس وموتور (كانوا ضايعييييييين)
وعديت علي ميكانيكي معرفة صديقي
كشفلي عليها وقاللي مش محتاجه غير فلتر بنزين وفلتر هوا ولو عاوز تغير سيور وطفم دينامو ماشي بس ممكن تمشي عليهم شويه (ايه رايكم ؟؟ )
وعملت ترصيص وظبط زوايا وضغط اطارات
شكرا جزيلا مره تانيه
وللعلم أنا جايبها من سوق الجمعه ب 65000 جنيه عامل 120000 كيلو والعربيه بكافة كمالياتها
جايبها ب 65000 من سوق الجمعه (بس البائع طلع معرفة بالصدفه) عامله 120000 كيلواقتباس:
المشاركة الأصلية كتبت بواسطة hamza mahmoud
وراشه بره وفابرقه بالداخل ومعاها كل كماليات فئتها
كانت مرور الدراسه ونقلتها ف يومين
النيسان ما بيتغيرلهاش فلتر بنزين بتيجى الطرمبة بالكامل الفلتر بيتغير لل1300 سى سى بس
بجد؟؟؟!!!اقتباس:
المشاركة الأصلية كتبت بواسطة tarekmomo
طب ولو الفلتر بايظ نعمل ايه
وسعر الطرمبه بالكامل كام لأن عربيتي 10600 س س
الف مبروك