مشكله في نفوس البنيأدميــــــن (عايز حل)

**memo_hefnawy** · 10-07-2007 12:13 PM

ولا تتقيل ولا حاجة :)

بس أنا أقصد إنى قبل ما أشوفك عارف عنك من كتابتك و بس غير لما شوفتك طبعا الأمور بتختلف من كلامك ومن إسلوبك و حركاتك بيبان كل واحد الخطوط الرئيسية لشخصيته و إن كان جزأ منها :)

بس إنت مش قولتلى إيه رأيك فى زيدنى ؟ فتحت الموقع ولا؟

**Karim_Monir** · 10-07-2007 01:01 PM

يا جماعة مش نفاق اني اتعامل باكتر من طريقة
لان لازم نعامل الاس علي مقدار عقولهم
واحد اتربى في بيئة مش كويسة وكل يوم يصحى علي خناقات وشتايم ومش بيشوف قدامه غير منطق القوة فقط
لازم تتعامل معاه من منطلق القوة
واحد متدين جدا وماشي على خطى دينة لازم تتعامل معاه من منطلق دينة
واحد مثقف قوي قوي وعقلة متفتح وحساس ممكن تبصلة بصه تحرق دمه من غير ما تنطق
انا كنت بشتغل من وانا في ثانوي من باب الايد البطالة ......
مع اعتراض والدي تماما بس مفيش فايدة-سافرت كل المحافظات في سن صغير شغل مش فسح
كونت خبرات بقيت تاهلني اني اتعامل مع الكبير والصغير
من اول المدير الاقليمي لشركة من اكبر الشركات في الشرق الاوسط لحد عمال النضافة اللي محش يعرف عنهم حاجة
وزي ما الاخت جيوليت قالت مجرد ما مشي من المصنع جيت الادارة العمال بقوا يدورا ويسالوا علي رقم موبايلي ويتصلوا بيا يطمنوا عليا ويقولولي فين ايامك
العمال اللي كانوا مسميني (عزيز بيه الاليط) بس هو الشخص الذى لا تاخذه في الحق لومة لائم يفضل دائما لا غبار علية ومايختلفش عليه اتنين

عذرا للاطالة بس شعرة معاوية دي نتيجة الخبرة والاحتكاك والتاثير والتاثر بالغير

كريم منير

**محمد المشد** · 10-07-2007 01:43 PM

الاخ كريم او عزيز بك الاليط
ياسيدى كلامك مضبوط 100% (يا جماعة مش نفاق اني اتعامل باكتر من طريقة)
لان رسولنا الكريم اشار الى هذا الامر بقولة خاطبوا الناس على قدر عقولهم
اذناً الامر لايعدو اكثر من فن التعامل مع الاخرين لكلاً قدرة وتقديرة ولكن حلوة عزيز بك الاليط ديت - حشاك من الالاطة دا انت كلك ذوقك

**memo_hefnawy** · 10-07-2007 01:55 PM

أنا أخويا أخد معاهم أكثر من كورس قبل كده و همه فعلا ناس كويسين لأبعد الحدود و المحاضريين عندهم كمان مش أى كلام يعنى مش عشان الكورس بسعر رمزى يجيبوا ناس ربع كم لأ بالعكس المحاضريين هناك ممتازيين :) و أماكن الكورسات بتكون متفرقه و منتشرة على حد علمى

**3mr Farrag** · 10-07-2007 02:06 PM

طيب اقول علي مشكله تانيه بس ليه علاقه برضوا نفوس البنيأدمين :(
و هي الناس اللي عديمه الاصل و المصلحنجيه :lol:
بس انا الحمدلله النقطه ديه مظبطها مع البنبادمين

جتلي فتره كده كنت احب اعرف من هب و دب ....كان عندي حوالي 14 سنه و كنت احب اعرف الاختلاف في التفكير بين الناس .....بعدين روحت فجأه كده مابقتش اطيق حد ولا كنت عايز اتعامل من حد...و ده لما اكتشفته بين الناس و هم المصلحنجيه و و مايفتكركش غير لما يكون عايز حاجه....و اللي يفتكر اني بسال عاليه اني عايز منه حاجه و يبطل يكلمني :?

عرفت ان في ناس كيتير بيعتبروا ان الود و السؤال عليه بيعتبروا انك محتاج منه حاجه و هو نفسه بيتعامل مع اي حد بالطريقه ديه.....والاقي ناس كلهم مقضينها مصلحه علي بعض و كلهم عارفين كده :lol:

طبعا هتقولولي بس مش كل الناس كده....بس مع تعاملي مع الناس لقيت ان يجي اكتر من 80%عديموا الاصل

و تحيا للبنأدمين :lol:

**Karim_Monir** · 10-07-2007 04:00 PM

المشاركة الأصلية كتبت بواسطة محمد المشد

الاخ كريم او عزيز بك الاليط

ولكن حلوة عزيز بك الاليط ديت - حشاك من الالاطة دا انت كلك ذوقك

فكرتني والله بايام المصنع
وكنت باسمعها بوداني وانا داخل الصبح
خاصة اني من النوع اللي باروح الشغل يوميا 9 و9:15 مع ان المصنع 8:30 يبدأ
وكنت بستحمل يتخصم من رصيد اجازاتي عشان مبعرفش اصحى بدري
وانا داخل الصبح وهما شغاليان يقولوا عزيز بيه وصل

:lol: :lol: :lol: :lol: :lol: :lol:

وكتر خيرك علي مجاملتك بس انا فعلا مش بعرف اتألط على حد
من تواضع لله رفعه ورسولنا الكريم نهانا عن الكبر والعياذ بالله

===============

أما عن كورسات زيدني حضرت بعض منها في جامع رابعة في عباس العقاد وكانت رائعة بس
حسيت كلامهم نظري او انا اللي كنت عديت المرحلة دي اللي كاتوا بشرحوها وكانت تناسب الشباب الجامعي
مش احنا يلا حسن الختام