الموضوع: عروسه من الصم والبكم

المشاركة الأصلية كتبت بواسطة xander2010_evo

بصراحة موضوع صعب أووي دي حاجة المفروض تستفي قلبك فيها أولآ وتصلي صلاة إستخارة وتروح تشوفها وتحاول تتكلم معاها -معرفش إزاي بقي بلغة الإشارة مثلآ - وتحاول تفهم دماغها وتشوف هل مناسبك ليك أولآ كزوجة ولا لأ هل هتقدر تتحمل إعاقتها ولا لأ وإخترع في دماغك شوية مواقف وشوف هتتصرف إزاي
وفكر فالمستقبل .. الأولاد هل ممكن لاقدر الله يورثوا أي أعاقة منها
هتكلم بصراحة شوية بعد إذنك .. إنتا ممكن تكون وجهة نظرك كـ "شاب" إنك بتدور علي أي واحدة أقل إعاقة ممكنة -معرفش والله تفكيرك إيه بالظبط دي حاجة إنتا حر فيها وده حقك بس لازم تراعي الإنسانة إللي هتعيش معاك .. عارف إن حضرتك هتقوللي بحب الناس المكافحة وإللي بيتحدوا أي حاجة
فعلا ااا انا كنت بدور على معاقه زيي بس مش لقيت المواصفات اللي انا عايزها + اننا احنا الاتنين هنبقى عاله على بعض لازما واحد فينا يكمل التاني انا هحتاج واحده صحتها كويسه وتقدر تخدمني وكذالك بالنسبه للبنت المعاقه محتاجه شاب سوي علشان يقدر يسد العجز من ناحيتها فأنا شايف ان الاعاقه السمعيه انسب ليا بنسبه كبيرة عن الجسديه منها هتقدر تقوم بكللللل واجبات المنزل + انها هتكون عندها اعاقه زيي بس من ناحيه تانيه ومحدش فينا يستنقص التاني وبسسسس
بس بعد ما قريت الموضوع جالي إحساس إن حضرتك مش مناسب ليها .. وده مش تقليل من حضرتك لاسمح الله بل بالعكس .. إنتا ممكن تكون أفضل واحد إتقدمتلها فعلآ .. بس بامانة أنا جالي إحساس إنك مش مقدرها .. أنا مش قصدي أسيء الظن في حضرتك لا سمح الله بس ممكن تكون طريقة سردك للموضوع كان فيها إختلاف شوية .. وبردو مينفعش تحكم عليها من غير ماتشوفها وتكلمها -ومتحكمش بالجمال فالموضوع ده خاااااالص -
صلي إستخارة وروح شوفها وإتكلم معاها وإعرف دماغها وأقعد مع نفسك لوحدك وقرر
أسأل الله أن يرزقك بزوجة صالحة تعينك على أمر دينك ودنياك

سيبك من الاحساس ممكن الواحد فينا يخطيء في طريقه سرده لموضوع ما او مقال ما دون ان يقصد الاستهزاء او السخريه من طرف اخر قد يراه من وجهه نظره استهزاء
بس مشكلتي اني واثق من نفسي زياده عن اللزوم ومش بزعل خالص لما حد بيتريق عليا على سبيل الهزار فعلشان كده تلاقيني بتكلم بلهجه حاده شويه مش في الموضوع ده بس لاء في كل معاملاتي مع الناس حاد وجاف شويه بس حنين في نفس الوقت لدرجه كبيرة جداااا
ولو انا مش مقدرها وبتكبر مكنتش فكرت فيها من اساسه لاني انا شخصيا واجهت مواقف مماثله
لما واحده بتشوفلي عروسه وتيجي تقولها فيه عريس معاق وقبل ما تكمل مواصفاتي تقولها بس بس مش عايزه معاقين فكل واحد/واحده عنده/عندها مبدأ (وهي دي الفكرة)

المشاركة الأصلية كتبت بواسطة saddam

صديقي المواطن
سلمت وسلم رأسك
ولكن قولا واحدا
مشاركتك هذه عززت نظريتي وللأسف لم تخيب ظني وعلمت أني على حق والبنت أفضل حالا من دونك والعلم عند الله وأرجوك أرجوك أرجوك راجع نفسك فطريقة كلامك وتفكيرك جارحة وغير مراعية لشعور الآخرين وسأعلمك خدعة بسيطة في الحياة تعلمتها منذ طفولتي وهي إنك لو حبيت متظلمش حد أبدا فحط نفسك مكانه وأنا أستحلفك بالله لو كنت أنت والد الفتاة أو هي حتى أختك أو قريبة لك أو لنفترض أن الله لم ينجها منك وكنت قد تزوجتها أكنت تقبل أن يتكلم عليها أحد بأسلوب المزح والضحك واﻹستهزاء وعرض عوقها وما أبتلاها الله به على الناس بهذا اﻷسلوب الساخر فإن كنت ترضى فهذا شأنك أما أنا فغيرتي على هذه الفتاة وأنا لا أعرفها فلا تسمح لي أن أسكت عن أقل ما أستطيع تقديمه لها أو لك وهو نصيحة وإن كانت النصيحة ستجعلك تكرهني وتربي عداوات بيننا ولكن ثق يا صديقي المواطن راجع نفسك فإسلوبك في الحياة والكلام غير مبرر وإعاقتك لا تبيح لك التحدث بإستهزاء إلى الناس وأنا لا أعرفك ولكن قرائتي لتعليقاتك وإن كانت قليلة توحي لي أنك كنت إنسانا مدللا نظرا لحالتك الخاصة
صديقي المواطن
الزواج رباط مقدس وهو إكمال لنصف الدين واﻹستشارة في هذه المواضيع لها أهلها وإن عرضته علينا فنحن نشكر ثقتك بنا ولكن يجب أن يكون الطرح جادا وليس هزليا وليس مبنيا أنك آية الله العظمى وأن الفتاة لن يأتيها أفضل منك فهل إطلعت الغيب ونحن لا نعلم وخذها مني متزوج وعنده أولاد ويعرف حدوده ويصونها ويرعى الله فيها حتى وإن لم يحبها أفضل من عازب مثلك حتى قبل أن يتزوجها يتصور أنه يمن عليها وأنه أفضل منها ولك أن تتعظ أن هكذا إنسانة طريقها إلى الجنة أقرب من طريقي وطريقك وعلى قولة رسول الله صلى الله عليه وسلم يحشر المرء مع من يحب
فأنت كنت ستحشر معها في الجنة ومن يدري إكراما لها
ولكن الحمد لله إنك لسه بتؤمن باﻹستخارة والله أرسل لك إشارة اﻹبتعاد عنها رحمة ورأفة بهذه الفتاة المسكينة
صديقي المواطن أرجوك لا تزعل مني فأنت كإنسان فأنا أجلك وأقدرك وأحترمك ولكن قولة الحق يجب أن تقال وإعتبرني أخ لك فلم يفت أوان أن تراجع وتعيد النظر في حياتك فكلنا عيوب وعورات المهم أن تكون النية حاضرة لنصلح من أنفسنا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

+1
ارفعلك القبعة يا استاذ صدام.