الموضوع: عروسه من الصم والبكم

لأ.

المشاركة الأصلية كتبت بواسطة y a r i s

بص ياعزيزي يا بروف. ياعزيزي اي انسان في الدنيا يتمنى. عروسة لا بتسمع يعني مش هتتنصت عليك وعلى مكالماتك وتقعد تسمع لحماتك وامها قالت لها واختك قالتلي. وعمتك كلمتني. ويوووووووووه يووووه على الدوشه وجع الدماغ ... ولابتتكلم. وتقعد تقلك عاوزة وعاوزة وانتا ومش انتا. يعني يوم ماعوزة تشتكيلك هاتشورلك ... وانتا تشاورلك من هنا ونفض لها من هنا . سيبها تشاور براحتها :)
ههههههههههههههههههه ودي تندرج من ضمن المميزات

بس هيا حته مهمة ان لو حصلك حاجة لا قدر الله وبتنده عليها وهيا في المطبخ ... يبقى قول يارحمن يارحيم عليك ... والنقطة دي بالذات هتحسها لمن تكبر في السن. لان الجواز مش حضن والكلام الي الشباب بتفكر فيه بقدر ماهو اهتمام من الطرفين تلاقي الي بيهتم بيك. لان الانسان محتاج شريك في حياتوا ... وخلي بالك البني ادم في لحظة ممكن يضيع في شربت ميه او ملاقاش حد جمبو يساعدوا في الوقت المناسب
ياسيدي ما تدقش الاعمار بيد الله ولن يصيبنا الا ما كتب الله لنا ثانيا هيجيلنا عيال في المستقبل هيسندونا لما نكبر احنا الاتنين

نقطة اخيرة هل اولادك هيطلعوا ورثين جيناتهم منين وفي الغالب لو المولود بنت بتطلع بجينات عمتها الي هيا اختك ولو. طلع المولد ولد بياخود جينات. اخوها ( ابو نسب ). طبعاً برضو الحته دي في دكاترة يقدروا يفيدونا ويفيدوك اكتر مني ... بس برضو لازم تحطها في الاعتبار غير كده اذا بنت حلال خودها وتوكل على الله حد لاقي عروسة اليومين دول ... السترة افضل من انك تعيش عازب ... وكمل نص دينك وربك بيسهلها ان شاء الله ... وتحياتي ويارب نشرب شرباتك قريب :)

في الغالب اعتقد مش هيطلعوا وراثيين لانهم بيقولوا انها اتولدت سليمه وكانت بتسمع وتتكلم وبعدين سخنت او جالها مرض ونظرا لاهمال اهلها فيها اصيبت بفقدان السمع لكن بردو هسأل واشوف

المشاركة الأصلية كتبت بواسطة ahmed12345678

بغض النظر عن الرأى
فى حاجة مهمة حضرتك مش عارف فكرت فيها ولا مفكرتش
أن فى احتمال كبير ان الاولاد كلهم او بعضهم يكونوا صم وبكم
وممكن بردة ميحصلش
بس الاحتمال الاكبر انه يحصل
فهل عنك إستعداد انك تتقبل الموضوع دة اذا حصل ؟؟؟؟؟
وياريت بردة تستشير أطباء متخصصين فى الموضوع دة
لانى بردة مش طبيب

وهل عندك استعداد انك تعيش عمرك كلة من غير متتكلم مع مراتك كلمة واحدة
ولا هتسمع منها حتى كلمة بحبك
يمكن هتقولهالك بلغة الاشارة بس مش هتسمع حاجة ابدا فهل عندك استعداد انك تتحمل كدة طول عمرك

هل عندك استعداد انك طول عمرك لما تعوز حاجة من مراتك مش هتناديها ابدا
وكل متعوز حاجة منها لازم هتقوم لها كل مرة

الموضوع مش سهل حتى لو كان عند حضرتك اعاقة جسدية
لانك مش متعود تعيش مع اصم او بكم
فما بالك انك هتعيش كدة بقية عمرك
وانا طبعا لا انكر على الصم والبكم حقهم فى الحياة الطبيعية فهم فى النهاية بشر مثلنا وكان ممكن لاى منا ان يكون مثلهم وهذا ليس عيبا منهم لانها خلقة الله ...... ولله فى خلقة شئون
لكن ذلك لا يمنع ان كل انسان ياخد المناسب لية
واذا كان فى حالة حضرتك ان الحياة دى هتناسبك نقول الف مبروك
بس تكون عامل حسابك ومتقبل كل ما ذكرته واكثر منه حتى لا تظلمها معك بدون ذنب
وربنا يوفقك للى فية الخير

فكرت فيها والله يا اخي بس ارجع واقول الحب في القلب مش في اللسان طيب ما كل واحد فينا بيقول بحب النبي ببقه فهل بيعمل بسنه نبيه ؟؟؟

حد عنده فكره عن اسباب فقدان السمع لمجرد سخونه بسيطه ؟؟؟؟؟؟؟

هو اى واحد بيتجوز بتبقى فيه مشاكل بينه وبين مراته ولما يحب الواحد يبكت نفسه هيقعد يقول ما انا غلطان انا المفروض كنت ايام الخطوبه لما حصل الموقف الفلانى كنت سيبتها او اتصرفت كذا

اللى انا اقصده ان الواحد لو اتجوز واحده من الصم والبكم وحابب يبرر لنفسه انه مش سعيد هيقول ده انا مش لاقى حد اتكلم معاه وساعتها يفكر فى الجواز التانى

ده فيه ناس بتبعت مشاكل انه مثلا مؤهل عالى وواخد واحده مؤهل عالى بس مش على مستوى تفكيره وطبعا كلها مبررات

فلو انت تقدر تتعايش مع الوضع ده وتبقى مبسوط يبقى خير وبركه غير كده متظلمش حد معاك

ومتبنيش اختيارك على الجمال لان لو كان الجمال هوه اللى بيدوم كانت هيفاء وهبى متطلقتش