لو عمرك اقل من 21 سنة الحق طلع رخصة الشهر دة

**fahd_628** · 21-09-2008 02:43 AM

ما انا مواليد 90 برضة :) هانت شهرين و اطلعها يا رب ميغيرو رأيهم لأحسن الواحد لما الظروف بتضطر و بيسوق بتبقى عملية مقلقة جدا !!! :(

**islambana** · 21-09-2008 04:33 AM

المشاركة الأصلية كتبت بواسطة fahd_628

ما انا مواليد 90 برضة :) هانت شهرين و اطلعها يا رب ميغيرو رأيهم لأحسن الواحد لما الظروف بتضطر و بيسوق بتبقى عملية مقلقة جدا !!! :(

انا كنت زيك كده ياباشا لغايه شهر فات الحمد لله علي فكره انا مواليد 8/90

**Nour_Peugeot** · 21-09-2008 05:27 AM

يا شباب انا برده اتاكدت من كلامي مره تانية بس انا عيز اطمنكم حتي لو الكلام ده هيتبق هيبقي كمان 3 سنين معا احلال التاكسي القديم

**yehia** · 21-09-2008 06:37 AM

يا جماعة.. بالهداوة كده...
مع احترامى للجميع.....
مسألة تحديد سن استخراج رخصة القيادة الخاصة هى من المسائل التى يحددها المشرع فى نصوص قانون المرور نفسه.... والقانون حددها ب 18 عاما... وتعديلها يحتاج إلى تعديل نصوص قانون المرور - اللى لسه متعدل من كام شهر- ......
وهذا التعديل يكون عن طريق مجلس الشعب.. أو بقرار بقانون يصدره رئيس الجمهورية لحين انعقاد الدورة البرلمانية....
والدورة البرلمانية لسة حتبدأ فى شهر نوفمبر (11)...
ولا أعتقد أن رئيس الجمهورية سيتدخل لاصدار قرار بقانون فى شأن تعديل النص الخاص باستخراج هذه الرخصة ليصبح 21 عاما لأن القانون نفسه لسه متعدل فى مناقشات المجلس من كام شهر زى ما قلت.....
كما أننا لم نسمع عن اتجاه النية لاجراء هذا التعديل عقب افتتاح الدورة البرلمانية.....
الخلاصة أننى أعتقد أنه لا يوجد ثمة اتجاه لاجراء مثل هذا التعديل....
والله أعلم :)

**Nour_Peugeot** · 21-09-2008 08:02 AM

بظبت كده يا باشا ده الي انا عيز اوسلهلكم هههههههههه

**sab3aawy** · 21-09-2008 10:35 AM

معتقدش ان الكلام ده منطقى او له معنى خاصة ان ان الاشاعة دى سمعتها اكتر من 10 مرات على مدى حياتى

الا اذا كانت الحكومة الحالية بتفكر تدخل جينيس ريكورد

علشان تبقى السعودية هى الدولة الوحيدة اللى بتمنع النساء من حقهم فى قيادة مركباتهم
ومصر هى الدولة الوحيدة اللى بتمنع من دون 21 سنة من حقه فى قايدة سيارته (مع ان فى دول كتير جدا بيسمحوا من 16 سنة، وطبعا احنا عارفين ان الطفل المصرى -باعتباره اذكى طفل فى العالم- ميقدرش يعمل اللى بيعمله الطفل الغربى اللى عنده 16 سنة غير لما يتم-المصرى-21 سنة)

**Mido80** · 21-09-2008 11:36 AM

طب معلش هي الفكرة اية من ان السن يكون اقل من 21 سنة او اكتر؟؟ يا ريت حد يوضحلي

**sab3aawy** · 21-09-2008 11:51 AM

المشاركة الأصلية كتبت بواسطة Mido80

طب معلش هي الفكرة اية من ان السن يكون اقل من 21 سنة او اكتر؟؟ يا ريت حد يوضحلي

فكرة السن هى فكرة تقدير المسئولية والعواقب المترتبة على ممارسة اى فعل

وحيث ان السيارة اداة، من شأنها -اذا استخدمت بشكل خاطئ-ان تتلف الملكيات ، وتصيب وتقتل الأشخاص ، فبالتالى لابد من التحديد الصحيح لعمر من يقود السيارة ، لتقليل احتمال الاستخدام الأرعن الذى قد يسفر عن خسائر فى الممتلكات والأرواح

فى كثير من دول العالم وخصوصا فى نصف الكرة الغربى، يسمح للأفراد بيقيادة المركبات منذ سن 16 سنة مع تحديد حجم المركبة و/أو سعتها اللترية بحد معين لا يتجاوزه الفرد حتى سن 18 ، وفى بعض الدول التى يسمح فيها بالقيادة منذ سن 16، يتم تحديد السعة اللترية للمركبة حتى سن 21 سنة ،وفى بعض الدول الأخرى يتم تحديد سن القيادة ب18 سنة مع السماح للفرد بقيادة جميع انواع المركبات الخاصة منذ هذا السن

لكن منع القيادة حتى 21 سنة ده موضوع معداش عليا