عرض للطباعة
يا جماعة الخبر دا انا عرفتة النهاردة بس مش متاكد منة
انا خالى اتصلى بيا النهاردة لقيتة بيقلى الحق طلع رخصة خلال يومين علشان هتبقى 21
هو مدير مبيعاد شركة نسلة فرع الصعيد ولية معارفة فى الشرطة
وعرف الخبر
قلنا نتاكد
ففى واحدة محامية فى اسكندرية اخويا متعرف عليها
فسالها النهاردة
قالتلهم هما بيناقشوا البند دة
واحتمال يتطبق من اول شهر 10
فاى حد عايز يطلع رخصة وعمرة اقل من 21 يروح قبل ما يطبق
ويا جماعة الخبر مش موكدة برضوا
بس انا قلت اقلكم الى عرفتة
ميرسي ليك يا فادي علي الخبر
و ان شاء الله حد من اللي عندهم معلومات عن الموضوع يدخل يفهمنا ده حقيقي و لا اشاعة
و عموما اللي سنه اقل من 21 سنة يروح يطلعها اضمن
ميرسي ليك مرة تانية
بوســـــي
العفو يا بوسىاقتباس:
المشاركة الأصلية كتبت بواسطة bosyfadl
وياريت حط فعلا من الاعضاء يقدر ياكد الخبر يبقى كويس
وطبعا لو فى محامين هنا هنتاكد
وشكرا تانى مرة يا بوسى على ردك
هو الموضوع طلع عليه اشاعات قبل كده كتييييييييييييييييييييييي ير بس انا سألت فى المرور قالولى ان الرخصه الخاصه 18 سنه و الرخصه المهنيه هى اللى 21 سنه بس جايز فعلا زى ما انت بتقول يطبقو الموضوع ده و الله اعلم
انا سمعت الخب ده برده لكن على مواليد 92
ال قبل كده هيطلعها على 18 عادى انا الحمد لله مواليد 90
ده انت قدى على كده يا باشا انا مواليد شهر 2 90
هيا حكاية الرخصة المهنية دى متهيالى موجودة اصلا من التعديل الى فات
انا الى عرفتة على الرخصة الخاصة
وعلى فكرة انا مواليد 8 /89
يا شباب الحوار كله شائعات انا سال رئيس ادارة المرور يعرف ولدي يهني و قالي 18 سنة علشان انا كنت عيز اطلع تصريح و قالي كان زمان بس مفيش تعديل في البند ده خالص ولا حتي تحت المناقشة انا متاكد من الكلام ده
هما تقريبا حيحطوا على مواليد الزلزال بقي :toot:
عموما الموضوع دة أتنشر في جريدة المساء ...وأعتقد انة عادي جدا لان كدة كدة مواليد 89 او90 كدة كدة عدوا ال18 سنة فمينفعش يطبق عليهم قانون بأثر رجعي .
ياريت فعلا يا غالى تتطلع شائعات وبساقتباس:
المشاركة الأصلية كتبت بواسطة Nour_Peugeot
ما انا مواليد 90 برضة :) هانت شهرين و اطلعها يا رب ميغيرو رأيهم لأحسن الواحد لما الظروف بتضطر و بيسوق بتبقى عملية مقلقة جدا !!! :(
انا كنت زيك كده ياباشا لغايه شهر فات الحمد لله علي فكره انا مواليد 8/90اقتباس:
المشاركة الأصلية كتبت بواسطة fahd_628
يا شباب انا برده اتاكدت من كلامي مره تانية بس انا عيز اطمنكم حتي لو الكلام ده هيتبق هيبقي كمان 3 سنين معا احلال التاكسي القديم
يا جماعة.. بالهداوة كده...
مع احترامى للجميع.....
مسألة تحديد سن استخراج رخصة القيادة الخاصة هى من المسائل التى يحددها المشرع فى نصوص قانون المرور نفسه.... والقانون حددها ب 18 عاما... وتعديلها يحتاج إلى تعديل نصوص قانون المرور - اللى لسه متعدل من كام شهر- ......
وهذا التعديل يكون عن طريق مجلس الشعب.. أو بقرار بقانون يصدره رئيس الجمهورية لحين انعقاد الدورة البرلمانية....
والدورة البرلمانية لسة حتبدأ فى شهر نوفمبر (11)...
ولا أعتقد أن رئيس الجمهورية سيتدخل لاصدار قرار بقانون فى شأن تعديل النص الخاص باستخراج هذه الرخصة ليصبح 21 عاما لأن القانون نفسه لسه متعدل فى مناقشات المجلس من كام شهر زى ما قلت.....
كما أننا لم نسمع عن اتجاه النية لاجراء هذا التعديل عقب افتتاح الدورة البرلمانية.....
الخلاصة أننى أعتقد أنه لا يوجد ثمة اتجاه لاجراء مثل هذا التعديل....
والله أعلم :)
بظبت كده يا باشا ده الي انا عيز اوسلهلكم هههههههههه
معتقدش ان الكلام ده منطقى او له معنى خاصة ان ان الاشاعة دى سمعتها اكتر من 10 مرات على مدى حياتى
الا اذا كانت الحكومة الحالية بتفكر تدخل جينيس ريكورد
علشان تبقى السعودية هى الدولة الوحيدة اللى بتمنع النساء من حقهم فى قيادة مركباتهم
ومصر هى الدولة الوحيدة اللى بتمنع من دون 21 سنة من حقه فى قايدة سيارته (مع ان فى دول كتير جدا بيسمحوا من 16 سنة، وطبعا احنا عارفين ان الطفل المصرى -باعتباره اذكى طفل فى العالم- ميقدرش يعمل اللى بيعمله الطفل الغربى اللى عنده 16 سنة غير لما يتم-المصرى-21 سنة)
طب معلش هي الفكرة اية من ان السن يكون اقل من 21 سنة او اكتر؟؟ يا ريت حد يوضحلي
فكرة السن هى فكرة تقدير المسئولية والعواقب المترتبة على ممارسة اى فعلاقتباس:
المشاركة الأصلية كتبت بواسطة Mido80
وحيث ان السيارة اداة، من شأنها -اذا استخدمت بشكل خاطئ-ان تتلف الملكيات ، وتصيب وتقتل الأشخاص ، فبالتالى لابد من التحديد الصحيح لعمر من يقود السيارة ، لتقليل احتمال الاستخدام الأرعن الذى قد يسفر عن خسائر فى الممتلكات والأرواح
فى كثير من دول العالم وخصوصا فى نصف الكرة الغربى، يسمح للأفراد بيقيادة المركبات منذ سن 16 سنة مع تحديد حجم المركبة و/أو سعتها اللترية بحد معين لا يتجاوزه الفرد حتى سن 18 ، وفى بعض الدول التى يسمح فيها بالقيادة منذ سن 16، يتم تحديد السعة اللترية للمركبة حتى سن 21 سنة ،وفى بعض الدول الأخرى يتم تحديد سن القيادة ب18 سنة مع السماح للفرد بقيادة جميع انواع المركبات الخاصة منذ هذا السن
لكن منع القيادة حتى 21 سنة ده موضوع معداش عليا
كل سنة بتطلع الاشاعه دي
وبيقولو بيتم المناقشة فيها
الكلام دا يقلق اللي معندهومش رخص:tt2::tt2::tt2:
اعتقد دى اشاعه لانى سمعتها برده كتير
بس برده شكرا يا استاذ فادى على النصيحه
انا الحمد لله مواليد 1/89
انا شايف الموضوع ابسط من كده بكتيرررررررررررررررررررر
لان الي هو اقل من 21 سنة وعايز يطلع رخصة مش محتاج حد ينبهه لانه بيحسبها باليوم فكرتوني بأيام زمان :) ..
والي عدى عدى والي معاه رخصة خلاص ..
وبعدين مش هيقفلوا باب رزق كبير زي مصاريف مدرسة القيادة وتحت الترابيزة وفوق الترابيزة وتحت الملف وفوق الملف والامتحان والذي منه .. دي ميزانية :)
وحتى لو خلوها من 35 سنة حتى ..
فيه تصريح كوسة بدمعة .. بيرفع السن من سنتين إلى 21 سنه ;)
شكرا للتنبيه وجزاك الله خير
ياريت فعلا تبقى اشاعة زى كل مرة
انا الى خلانى اقلقك ان زى ما قلتلكم سالنا محامينا وقالوا بيناقشوا وكلام فاضى
اداريهم على حسب كلامكم بيشتغلونا :002:
يا ريت يطبق
علي الاقل مش كل واحد فرحان بابنه اللي دخل كليه
ينزل يشتري له عربيه و يمشي يرازي في مخاليق ربنا
لان معظم و ليس كل الشباب في السن دا ماعندوش اي تقدير للمسئوليه .
بصراحه أغلب شباب مصر فعلا يستحقها من سن 20 سنه عالأقل عشان يبقى يقدر يتحمل مسئولية ,, أنا يوم ماجه على ال18 مطلعتهاش طلعتها من كام يوم عشان أبقى أوعى وأكتر درايه ودلوقتي عندي 20 سنه
طيب يا شباب انا عندي 17 سنة و في حلجةللرخصة علشان بقالي 4 سنين بسوق منغير رخصة و نفسي امشي مطمن بقي
يا نهار ابيض 21 سنة ؟؟؟؟ظ
دا فى امريكا 16 سنة والرخصة تبقى فى جيب الواحد !
هههههههههههههه
حكومة عجيييييييييبة !
احسن، يا ريت بجد تبقى على 21 سنة.
يا شباب الاشاعه دى كل يومين تلاته تطلع علشان الناس تجرى تعمل الرخص و طبعا الامتحان محدش بينجح فيه ولازم اللى عايز رخصه يدفع المعلوم و المجهول كمان للسيد المسئول اللى هيطلع الرخصه و كل سنه وانتوا طيبين العيد قرب امال هيجيبوا لبس العيد منين .
مدش بيمشى برخص دلوقتى ... دى موضة قديمة حتى :d
الخبر دا بجد ياجماعة ولا اية؟؟