مهزله بكل المقاييس
الله يكون فى عون الناس اللى اتحجزت على الطريق ده
عرض للطباعة
مهزله بكل المقاييس
الله يكون فى عون الناس اللى اتحجزت على الطريق ده
ايه الجديد
طبعا مع اتفاقي ان ده فعل غير سليم ومشهد عادي من مشاهد الفوضي اللي احنا بنعيشها سواء قبل او بعد 2011
لاكن بنظره موضوعيه شويه
تسمحوا تقولولي ايه الفرق المره ديه بين ان الطريق الزراعي مقفول عشان حفله لصافيناز
وبين عشرات المرات اللي بيتقفل فيها الطريق الساحلي او طريق السخنه عشان حفله لمنير او لدياب او تامر او كارول
كله في الهيافه وكله سلوك فوضوي
اللي ينتقد ينتقد السلوك كله
بلاش الانتقائيه لو سمحتم
«صافيناز» تتسبب في غرامة 50 ألف جنيه على أحد المولات بالقليوبية
أصدر المهندس محمد عبد الظاهر، محافظ القليوبية، قرارا بتوقيع غرامة مالية قدرها 50 ألف جنيه على أحد المولات الشهيرة (ع.ت) مع إنذاره بالغلق، بسبب تنظيمه حفل توزيع جوائز بحضور الراقصة صافيناز، ما تسبب في تعطيل حركة المرور بالطريق الزراعي ببنها، لمدة 7 ساعات متواصلة.
كان المول الشهير نظم حفل توزيع جوائز بمشاركة صافيناز، تسبب في تكدس للسيارات على الاتجاهين، وتوقف حركة المرور.
كما أصدر المحافظ قرارا بتحرير مخالفات ضد جميع السيارات التي انتظرت على الطريق السريع.
يا شباب الكلام ده انا متأكد منه :
البهوات اصحاب الخبر ده مفبركينه : الهانم دى ماكانتش هناك اصلا.. اللى جه الحفلة دى : 2 مطربين شعبيين : واحد مغمور مش فاكر اسمه و الثانى طارق الشيخ و ده مطلعش المسرح علشان الناس زهقت عليهم علشان الجو الثلج. فلغوا فقرته
بالنسبة للمرور : البهوات كانوا واقفين و لا كانوا بيعملوا حاجة ... الزحمة بدأت من الساعة 4 العصر و هما بعتين موتوسيكل مرور واحد بس اللى كان واقف ينظم .. و لما الدنيا قلبت مجوش قبل الساعة 9 ..
لا يصح عمل مول تجاري على طريق القاهرة اسكندرية الزراعي
الطريق بيكون واقف لوحده من غير مولات
ولكن تعمل إيه في المحليات التي سمحت لهذا المول بالبناء على مساحة كبيرة من أجود وأخصب الاراضي الزراعية
مشهد من مشاهد غياب الدولة لك الله يا مصر تفتقدى للرجال امثال عبد الناصر انصاف الرجال هم من يحكموا
والله أنا والدي كان هنالك أمبارح وكان طالع من القاهرة الساعة٤ ووقف في الزحمة ٣ سعات وبعدين لف من علي الصحراوي ورجع الساعة ٢ الفجر. وربنا ينتقم من مول العابد واللي جايلينو والمشكلة ان بعد كل دا مفيض حاجة هتتغير ( وبكرة تشوفو مصر)
وربنا لو حصل ده في بلد تاني لكانت الحكومة كلها اتشالت تاني يوم الصبح .