سؤال فى تعديل فيكترا b1 الى b2

السلام عليكم يا شباب ..

فى حاجه جت فى بالى و عاوز اعرف تنفع ولا لأ

هو ممكن بدل ما نغير اكصدامات قدام وورا نرش الحته السودا (الفيبره) اللى فى أول الاكصدام تحت الفوانيس علطول دى و شكرا ولا هيبقى عك ؟ او حتى ينفع تتشال و تتمعجن مثلا وتترش بحيث تبقى نفس سمك باقى الاكصدام ولا ماينفعش ؟

بالمناسبه بقا ... باكتات الابواب بتكون هى هى بس مرشوشه ويتحط عليها GLS مثلا ولا دى ايه موضوعها ؟

طبعا الفوانيس هى اللى plug & play ومفيهاش لعب ولا كلام..

وياريت اسعار الحاجات دى بقا بالمره :) معلش تقلت عليكم :fun_10_9_134[1]: ملناش غير بعض

السلام عليكم ورحمه الله وبركاته

بص ياغالى باذن الله العبد لله بقاله اكتر من شهرين بشد عربيه اوبل فيكترا b2 من الالف للياء بمعنى الكلمه تمام وبحكم خبرتى الضعيفه جدا قصاد وحوش المنتدى هنا هقول اللى اعرفه ولو فيه حاجه اكيد هما هيعدلوا على كلامى لانهم اهل خبره بجد
اولا- لايجوز نهائى وبتاتا ان اكصدامات فيكترا b تركب على فيكترا b2 لان ده شكل وده شكل تانى خالص ولا يمكن تعديلهم نهائى
ثانيا- اى عربيه فى الدنيا وخصوصا فيكترا الاساس فيها 2 اكصدام تمام واربع فوانيس جداد تلاقى العربيه واقفه قدامك عدله كده حته واحده من الاخر وحش
ثالثا- ودى وجهه نظرى عشان عربيتك تفضل معاك جميله عالطول ابعد عن اى معجون فى اى قطعه فى العربيه ودايما استبدل قديم بجديد تعيش معاك العمر وتلاقيها دايما جديده وعدله
رابعا- معلش لو تقدر دايما تجيب حاجتك كلها استيراد وابعد عن الجديد لان بجد الاستيراد حاجه تانيه خالص

نخش بقى ع المفيد الاسعـــــــــــــــــار مع العلم انى بجيب من اسكندريه والطاق عندكم طاقيين عندنا هذا للعلم
1- اكصدام امامى فيكترا b2 جديد ب 275 جنيه تايوان بدون الشنب التحتانى وده بيرسم العربيه وعلى فكره الشنب ده مش موجود غير اصلى gm ب 500 جنيه لوحده - ايطالى جديد ب 850 جنيه - استيراد ب 1250 جنيه كامل مكمل بالفوجات بالشنب التحتانى بالفوم اللى تحتيه والفوم مهم جدا لانه بيعدل الاكصدامات اوعك تستهتر بيه
2- اكصدام خلفى فيكترا b2 جديد ب 325 بدون القطعه الفبر اللى تحت دى ولو عوزتها قولى انا عندى واحده زياده (بدون مقابل ) لانك هتدوخ عليها ومش هتلاقيها - ايطالى 850 - استيراد 900 جنيه كامل مكمل بالفوم برضه والجريده اللى تحت دى
3- فوانيس امامى ماركه ديبو 220 الفانوس - استيراد ب 350 الفانوس بالماتور بتاعه - اصلى فاليو جديد ب 550 بدون ماتور
4- فوانيس خلفى ماركه ديبو الواحد ب 150 جنيه - استيراد الواحد ب 250 جنيه - على فكره انا دورت عند بتوع الاستيراد لقيت الخلفى فى كل العربيات متغير ماركه ديبو جاى من بره كده وعلى فكره الديبو محترم جدا جدا جدا
5- طبات للاكصدام الامامى فى حاله الجديد عشان الفوجات 2 طبه ب 60 جنيه فيهم فتحه مدوره كده عشان الفوجات المدوره مش البيضاوى
6- فوجات جديده ديبو مدوره مش بيضاوى الاتنين ب 220 محترمين اوى
7- 4 جرايد للفيكترا b2 استيراد ب 300 جنيه


فيه حاجه بقى انت ناسيها باب الشنطه الخلفى لازم يتغير لان الشكل غير الشكل وده ماعرفش سعره بس اعتقد ب 1500 جنيه استيراد وعلى ما اظن كده تبقى عربيتك بقت b2 بدون تعديل او عك



اسف جدا جدا جدا للاطاله بس انا حبيت افيد بس

برنس كبيييييييييير يا هيثم باشا والله .. ايه ياكبير الحلاوه دى ؟!

انا فعلا نسيت باب الشنطه !! ازاى مافتكرتوش !؟

واحنا مستنيين تقريرك المتين بعد ماتخلص شد العربيه على خير بإذن الله .. انت سقطتلها موتور كمان و كده ولا الشكل بس ؟
سؤال كمان .. الحته الفيبر اللى كنت باتكلم عليها (اللى فى الاكصدامات بتاعت البى 1)دى لو لونها متغير و مجرب شويه .. دى فى الرش بتتعمل ازاى عشان تطلع مطفيه ولا بتتغير ولا ايه ؟
وشكرا ليك انت فعلا جبت الخلاصه ..

الاكصدامات ممكن تبديلهم سواء بى1 او بى2

بص يامعالى الباشا عربيتى فيكترا b2 أصلا بس انا أخدتها من ناس مركونه بقالها ٦ سنين ع الارض ففيها حجات ياما اوى اللى غيرتها واللى ظبطتها ورشتها كلها الحمد لله انما هيا ماتورها أصلا ٢٠٠٠ سى سى والحمد لله تمت على خير عقبالك

نسيتوا العتب الرياضي الجانبي؟؟

اقتباس:

---

المشاركة الأصلية كتبت بواسطة فادى محمد

نسيتوا العتب الرياضي الجانبي؟؟

---

ومرايات ال 2 اكبر من ال 1
والشبكة النيكل
والجنوط ال 15
وفرش الابواب
ولوحة العدادات :)

وطالما العربية 1.6 يبقى البوية الميتاليك :)))

اقتباس:

---

المشاركة الأصلية كتبت بواسطة فادى محمد

نسيتوا العتب الرياضي الجانبي؟؟

---

اقتباس:

---

المشاركة الأصلية كتبت بواسطة ENG\AHMED

ومرايات ال 2 اكبر من ال 1
والشبكة النيكل
والجنوط ال 15
وفرش الابواب
ولوحة العدادات :)

وطالما العربية 1.6 يبقى البوية الميتاليك :)))

---

دا الموضوع كبير :oops2:
المرايات تصدقو انى عمرى مااخدت بالى من موضوع اكبر واصغر دا !
بس ايه الفرق فى فرش الابواب ولوحه العدادات مابين بى 1 وبى 2؟!

فرش الابواب جلد طبيعي وتفصيلته تحفه فنيه
العدادات ماكس سبيد 260 كم مش 220
في حجات كتييييير جدا عاوزه موضوع لوحدها..
دور في المواضيع القديمه هتلاقي كل اللي انت عاوزه

انا كنت فاكر ان العدادات 260 والفرش الجلد فى السى دى اكس بس مش ال 1600 اوتو كمان ؟

اقتباس:

---

المشاركة الأصلية كتبت بواسطة m7nsh

انا كنت فاكر ان العدادات 260 والفرش الجلد فى السى دى اكس بس مش ال 1600 اوتو كمان ؟

---

العدادات 260 والفرش الجلد فى السى دى اكس بس وفعلا مش موجودين فى ال 1600 اوتو دى حقيقة:fun_10_9_134[1]:

الفرش الجلد والعدادات ال 260 فى ال cdx
العادية الفرش مش جلد بس مختلف عن البى 1 , مش قطيفة
والعدادات شاشة الكيلومتر مختلفة وفيها نور اشارة يمين وشمال مش واحدة للناحيتين زى البى 1