الموضوع: ايهما تفضل سماعات بيضاوي بايونير كينوود سوني

رايي الشخصي

البايونير احلي تربل و بيزه ناعمه لذيذه

الكينوود و الكلاريون

بيزه شديده بس ناشفه و تربل حاد (صوته اعلي من البايونير بس مش ناعم)

السوني اكس بود
بيزه مكتومه رايقه و تربل وسط (ناعم شويه و صوته واضح برضه بس مش في حلاوة البايونير)

و علي فكره مصطلح دبل بيز Double Bass ده غلط و مالوش اساس من الصحه الاسم الصح دابل باس Double Pass يعني مسار مزدوج و ده لان السماعات دي فيها دائرة كروس اوفر و بيخرج منها وصله مباشرة للتويترات بتاعتها علشان كده البيز بيبقي جامد و التربل واضح و قوي و بتبقي غاليه و علشان الدائرة دي فيها ملف مقاومه بينصح الجميع انها تركب علي جي ام (امبليفير يعني) علشان الملف ده بيبقي حمل علي IC الصوت بتاع الكاسيت في حاله تركيبها علي الكاسيت مباشرة و كمان طبعا لأن معظم خرج الكاسيتات بيبقي 40 - 50 وات بالكتير غير الجي ام اللي ممكن يكون في حدود 100 - 150 وات

أهم حاجه في السماعات تشوف الـ RMS بتاعها سيبك من القوي القصوي بتاعتها لان دي تحذير فقط عن اكبر جهد بيستحمله الملف بتاعها و كل ما كان الـ RMS يعني وات التشغيل الطبيعي بتاعها اعلي هتبقي احسن