انا باختصار عضو معاكوا هنا فى المنتدى بس عملت اكونت جديد علشان اكتب مشاركتى دى
عندى مشاكل كتير جداااا فى حياتى بسبب حاجه واحده هى السبب فيها
عدم التركيز وبسببه طبعا ضعف فى الذاكره رهيييب
وحاسس زى ما يكون الواحد قاعد بيتفرج على فيلم ومش مركز معاه بالظبط هى دى حياتى
مابقتش بحس باى حاجه تماما حاسس ان قلبى مابقاش موجود
حتى لما حاولت اتقرب لربنا حسيت انى مش قادر حتى انى اتواصل معاه زى زمان كان لما بيبقى عندى مشكله كنت بقوم بليل اصلى واشكيله دلوقتى مش عارف اعمل كده
كان بقالى فتره كبيره الصداع مش بيسيبنى خالص على طول عندى صداع بطريقه غريبه
على طول حاسس بالخمول وناى عايز انام ولما اجى انام احس انى مش نايم لا انا صاحى وبتكلم مع حد وفى احداث بتحصل وانا نايم طبعا الكلام دا من جوايا مش بيبان ياعنى انى بتكلم وانا نايم هو زى حلم
على طول ببقى مش عايز اتكلم مع حد واقعد لوحدى او حتى لو اتكلمت مع حد احسس انى معنديش كلام اقوله
وعلى طول سرحان فى حياه كان نفسى اعيشها زى اى شاب ودا اهم الاسباب فى المشكله موضوع السرحان دا
بقيت حاسس انى عايش لمجرد انى اكمل يومى وخلاص من غير اى جديد مبقتش فارقه
وساعات احس انى ببقى هبدا اتهته فى الكلام والكلام يبقى مش مترتب او ومش واضح للى قدامى
معلش اذا كان كلامى مش مترتب اوى بس انا قولته زى مانا حاسه
بقيت حاسس انى ماليش لاومه وحياتى كمان مالهاش لاومه مع ان ربنا كارمنى والحمد لله بحاجات كتير غيرى بيتمناها فى سنى بس باردوا بسبب المشكله دى قاربت على انى اخسر باردوا الحاجات دى
لو دى مشكله عضويه الجا لاى تخصص فى الطب
ولو مشكله نفسيه اعمل فيها ايه ولو حد يعرف دكتور نفسى كويس فى المجال دا يدلنى عليه
لان فعلا حياتى بتنهار بطريقه مش طبيعيه بسبب الموضوع دا