كورولا 2014 الشكل الجديد ولا سيراتو 2014 الشكل الجديد
كورولا 2014 الشكل الجديد ولا سيراتو 2014 الشكل الجديد
تقريبا المستوى متقارب .. بس انا بميل للكورولا كرأى
صديقي المواطن
اليوم هو يوم الكورولا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
العربيتين احلى من بعض و انا عجباني السيراتو اكتر
كورولا في رايي
السيراتو أشيك في رأيي... بس لو بيفرق معاك ما بعد الشراء من سمعة واعادة بيع وخلافه يبقى هتلاقي ناس اكتر بكتير بترشح الكورولا...
كورولا طبعا الكورى اهتم بالشكل اكتر من الجودة
لو السيراتو الفئه قبل الاخيره او الهاى لاين يبقى هو ده الاختيار كمية اوبشن مهوله غير كده اقل فئه من دول يبقى كورولا حتى لو مانوال
ما توسّع دايرة الاختيار! أنا شايف إن الفلوينس أحسن من الاتنين دول، والله أعلم.
من الشكل الخرجي الكرولا و من التجهيزات والشكل الداخلي بناءا على تقارير الاعضاء الكرولا واقتبس من كلام صدام ان اليوم هوا يوم الكرولا
الكورولا
السؤال محيرني أنا كمان..بس اجابتي مختلفة عن معظم الإجابات.. ليه؟؟
الكورولا عربية سمعتها كويسة جداً طبعاً مانقدرش نتكلم..بس ليا ملاحظات..
1- الانتيريور بتاع الكورولا 2014..مش عاجبني تماماً..خصوصاً الأبواب..حسين اني راكب بيجو 504 موديل 74 بالضبط..! مش عارف الاحساس ده جالي لوحدي وللا حد تاني لاحظه..؟؟
2- العربية ماعادتش ياباني يا جماعة..و التقفيل برة (سواء جنوب افريقي وللا تركي وللا الكلام ده كله) م زي الياباني..الزراير بتاعت الأوتوبارك و القصة اللي ورا دراع النور دي كلها تقفيلها شكله مش حلو خالص..
3- العيب اللي كان في اكصدامات كوروللا لاشكل اللي فات..اللي قبل ده..اتحل وللا لأ؟؟ أنا كنت باشوف اكصدامات تويوتا كتير "مقطوعة"..!! يعني الاكصدام خبط في حاجة قطعته..و لما سألت قالولي ان الاكصدام وراه فاضي..مفيش مصدات..مفيش فوم ولا علب ولا أي حاجة..مش عارف مدى صحة المعلومة بس اللي انا متأكد منه ان اكصداماتها كانت ورق..!! طيب الموضوع ده لسة زي ما هو؟؟
4- انا شايف قصة الأوتوپارك (إذا اعتبرناها من مميزات فئات معينة من الكوروللا) مش مغرية لأنها في رأيي مش هاتنجح في مصر..بلاعات بقى و طوب و كدة.. :)
في المقابل..الكوري أثبت جدارة في السنوات اللي فاتت (طبعاً مابنقارنش بالياباني..بس فعلاً عربيات كوري كتير مواتيرها حلوة و صاجها معقول و امكانياتها كتيــــــــــــــــــــــ ـر جداً..و أسعارها اهون بكتير من الياباني)
السيراتو عربية رائعة..أعلى فئة فيها (اللي فيها كل حاجة تقريباً) 180 الف..كان في مشاكل شوية يمكن في الموديل القديم..اتمنى انهم يكونوا عدلوها..انما بصراحة ماعنديش عليها ملاحظات..ولا انتيريور ولا اسكتيريور ولا آداء..
بس ياريت يا جماعة لو حد عنده توضيح في المقارنة بين الاتنين مايترددش..لأن في ناس كتير محتارة الحيرة دي بالضبط..كوروللا وللا سيراتو (و طبعاً هنا بنتكلم على هاي لاين أو توب لاين يعني )
بعد التجربه لايام عديده وليس كارأي من بعيد لا بعد تجربه لايام عديده السيراتو افضل
كورولا
خد بالك برضو ثبات الكوروﻻ اعلي و عوامل الامان اعلي لوجود نظام الثبات الالكتروني esp و trc اللي مش موجودين في السيراتو.
انا عارف ان شهادتي هيكون مشكوك فيها بما اني منسق قسم تويوتا و معايا كوروﻻ 2014 ، بس بدون تحيز كنت عملت مقارنة تفصيلية مبين كوروﻻ و سيراتو 2014 و ده بقي علي ارض الواقع و مفيهوش تحيز ، و اتمني انك تطلع منها بكل المعلومات اللي تقدر تحدد بيها انت عاوز ايه :
http://www.nilemotors.net/Nile/404031-2014-2014-a.html
لا طبعا شهادتك مش مجروحة ولا حاجة..ده بالعكس كونك منسق قسم تويوتا يخليني اخد منك المعلومة ثقة تماما..
بس انا فعلا باتكلم على اساس اللي شفته عند البرجسي..مشعل..بالصدفة العربيتين كانوا جنب بعض..فرق الانتيريور كبير جدا خصوصا في الأبواب..الكونسول بتاع الكوروللا تحفة..انما باقي الانتيريور ماعجبنيش خالص..
طيب بالمناسبة بقى..السؤال اللي جاي هايساعد جدا في اتخاذ القرار..
اخبار قطع الغيار ايه؟؟؟ و الكاتينا في الكوروللا ايه؟؟؟
معلش اعذرني اني باسأل اسئلة قد تكون قديمة شوية..بس باحاول استفيد من خبرات حضرتك و الاعضاء هنا..بصراحة ملاحظ مستوى معلومات و المام بتفاصيل بشكل رائع..اسمحولنا نستفيد من المعلومات دي :)
بعد محضرتك قريت المقارنة التفصيلية، اعتقد حضرتك ممكن تكون كونت انطباعك عن العربيتين بنسبة 90%
بالنسبة لسير الكاتينة في الكوروﻻ فهو جنزير ايوة جنزير بعكس السيراتو اللي هو كاوتش زي اي سير كاتينة و ده معناه انه بيتكشف عليه بعد 100 الف كم يحتاج يتغير و لا ﻷ و في الغالب مش بيحتاج و الكلام ده موجود من زمان في تويوتا كوروﻻ يمكن من 2010، و نفس الكلام بالنسبة للبوجيهات مش بتتغير قبل 100 الف كم ايه رأيك في الاعتمادية.
بالنسبة لقطع الغيار فحاليا كلها مش موجودة لكن اللي موجود مش هتلاقيه رخيص ﻷن العربية نازلة مكملتش 5 شهور و كل قطع الغيار المتواجدة حاليا مشحونة جوي فعشان كدة غالية بس مع الوقت هتقل جامد و ترجع سعرها الطبيعي لمل تتشحن بحري لكن هما بيلجؤا للجوي عشان اسرع و الستوك مش مكفي.
اديك مثال اول مجبت كوروﻻ 2011 اول منزلت كان الفانوس ب 4800 جنيه تخيل ! لكن دلوقتي عارف بكام ب 1200 جنيه عشان عملو ستوك .
اما بالنسبة لاسعار قطع غيار الكوروﻻ و اسعار الصيانات كمان بالتفصيل عشان تطمن انا عملت موضوع ليها وانا من وجهة نظرى و تعاملي مع توكيل هيونداي مثلا شايف الاسعار مقارنة بالتوكيلات التانية جيدة جدا .
يعني فلتر الزيت 70 و فلتر الهوا 120 التيل الامامي 500 و الخلفي 320 كنت بغيرهم في الكروز باكتر من كدة في مقار اللي في الدقي.
http://www.nilemotors.net/Nile/408043-2014.html
يا صاحبي اكتر الناس بتتكلم من غير ذكر السبب
خليك في الكورولا اوسع وشكلها تحفة شفها على الواقع بس بلون ابيض او فضي اجملهم على الإطلاق
فيها esc ومش موجود في السيراتو دا غير تعدد الايرباجز وخاصية الاوتوبارك ودا كله بردو مش في السيراتو
ارشحلك التويوتا لهذه الاسباب ... في امان الله
كورولا
كورولا 2014 .. بس الفئه التانيه هي الفئه الرابحه ..
السيراتو الهاي لاين هي الفئه الرابجه ..
بالتوفيق
انا ارشحلك ........... الكورولا .......... للاسباب الاتيه
1- كاتينه جنزير (اقل صيانه)
2- بوجيهات طويلة المدي (اقل صيانه)
3- فتيس cvt (موفر بنزين)
4- خاصية التحكم فى السحب vtc
5- الراكن التلقائي
6- الثبات الالكتروني (موجود فى السيراتو الهاي لاين فقط)
تتميز السيراتو ............. فتة سقف
بالتوفيق
تقريبا دخل عليا الامر
فى نفس المعرض دخلت العربيتين
لا وجه. للمقارنه ،، لا للاوبشنز ولا للشكل ،، نظام الثبات الالكتروني فوق كل شيء ،، التويوتا تكتسح
الكورولا
طبعا فى المقدمة
كورولا 2014:Copy of m-s5: