حد عنده معلومات عن التيجو Tiggo 4X2

**Mr_MoMo** · 18-07-2009 05:38 AM

يا غم فيت ايه بقولك عن معايا وحش اسمو ليبيرتي !!!!!!!!!!!!!1 تقولي فيت!!!!!!!!!!!!!!!!!!!!!! و بعدين انا باعت لي استاذ بنك علشان عندو العربيه اساسا , انت بتترد الرد البايخ دا ليه ؟

**Mr_MoMo** · 18-07-2009 05:41 AM

بنك كان معاى ليبيرتي و جاب تيجو , و انا عايز اعرف ايه الجديد معاة بين الاتنين , يعني هو اكتر واحد ممكن يفدني , بس هو مش رادي يعبرني

**Eng.Sameh** · 18-07-2009 07:23 AM

يا جماعة دي راي زميل لينا في المنتدى .. حبيت بس احطه عشان للأسف الناس بتتخدع بالكماليات اللي حتى مبتعمرش ... واحنا في مصر بنجيب الفلوس بطلوع العين فحرام نرميها في حاجة متستاهلش ...
المهم دي مشاركة اخونا العزيز

المشاركة الأصلية كتبت بواسطة frfor

لله احزر من شرائها
1- الدوكو بتاع السياره خفيف للغايه لدرجة انه بيتجرح من التلميع بفوطه عاديه
2- التكييف ضعيف للغايه لازم اشغله على اعلى درجه علشان تحس بفرق
3-بعد 300 كيلو بدأت لمبة abs تنور بدون سبب وتختفى بدون سبب كذلك لمبة 4*4
4- الغيار الاول اللى مفروض يكون اقوى عزم فى السياره ضعيف مش عارف ليه
5-الابواب الخلفيه بتعلق وصعبة الفتح
6- الابواب من الداخل بدأت تقشر استخدام شهر واحد
7- اماكن الوسائد الهوائيه فى التابلوه بعد ركن العربيه كام يوم فى الشمس اصبحت لينه خامة التابلوه سيئه
8- لمبة الفرامل الخلفيه احترقت بعد حوالى 40 يوم
9- استهلاك البنزين مع تشغيل التكييف عالى
اشتريتها ب 115 وبعدين خفت كل القصص دى بعد استخدام شهرين طيب بعد سنتين ايه اللى حيصل والله العظيم دللت عليها اللى يقول لى مابشتغلش ابدا فى الصينى واللى يقول جبتها ليه واللى يقول ماتساويش الا 80000 بالله عليكم عربيه جبتها ب 115 فى اقل من شهرين تجيب 80000 المهم بعد صلاه و دعاء و بالعافيه جابت 92000 وبعتها وخلصت والحمد لله والله العظيم هذه تجربتى الشخصيه واقول النصيحه لله

وده لينك الموضوع اللي فيه المشاركة
https://www.nilemotors.net/Nile/53258-tiggo-4x4.html

**Hegazio** · 19-07-2009 10:37 AM

والله نظرة موضوعية ( و أنا ناوي أشتري واحدة 1600 بس مستني يمكن الاوتوماتيك تنزل قريب )
انا عارف ان فيه عيوب تقفيل .. لكن فيه فرق سعر جبار
يعني ماأنا ممكن أظبط كل اللي مضايقني في عيوب التقفيل و مايكلفش 4 الاف جنيه
و كده كده أول ما أشتريها حأغير طقم اللمبات كله بفيليبس .. و كلها حاجات بسيطة و أحسنلك
ال 1600 مثلا الياباني في نفس الفئة أغلي 50000 جنيه !!! و الله ما يستاهل هذا الفرق ابدا
أما بالنسبة لباقي عيوب الأخ فوق .. فعفوا :
التكييف أفضل من التيريوس الياباني مثلا ( و السبب السربنتينه الأفضل و المروحة بتاعتة )
استهلاك البنزين لن يصل لأفضل أداء بعد 5000 كيلو

**Hegazio** · 19-07-2009 10:53 AM

بالمناسبة !!
العضو frfor له مشاركة وحيــده .. دخل سب في التيجو و مشي !!!!
للدرجة دي فيه ناس بتعمل المستحيل عشان تحارب الصيني كأنه قتلله قتيل !!!
ياأخي تولع العربيات اللي تخلي الواحد يبيع أمانته

**Hosam_Optrawy** · 19-07-2009 05:05 PM

العربيه تعتبر كويسه بالنسبه لتمنها

يعنى على أد فلوسها

بس فى حاجه لما عرفتها ضايقتنى

التوكيل بتاعها

انا اعرف اتنين عشان يعملوا الصيانه

بيصلوا الفجر ويطلعوا على أبو رواش

عشان يلحقوا دورهم

ليه العذاب ده ؟

**hesham_soaida** · 25-07-2009 07:49 PM

انا اعرف اتنين عشان يعملوا الصيانه

بيصلوا الفجر ويطلعوا على أبو رواش

عشان يلحقوا دورهم

ليه العذاب ده ؟

اعتقد ان هناك الان فروع كتيرة للصيانة, منها مثلا فرعين تبع ابوغالي