يا جماعة حد عنده معلومات عن التيجو القوة والتقفيل وقطع الغيار
عرض للطباعة
يا جماعة حد عنده معلومات عن التيجو القوة والتقفيل وقطع الغيار
اللى انت عايزة اسأل فيه يا باشا انا بالفعل استلمت التيجو ماشى بيها مشاء الله عليها زى الفل
هي التيجو تقفيل مصري ؟
متهيألي نمساوي أو حاجة كده؟
بس ايه أخبارها ؟ و حضرتك أستلمتها بعد اد ايه ؟ و فيه منها دلوقتي ولا لازم بالحجز ؟ و منين؟
و ايه أخبار البنزين مع حضرتك؟ و أخبار الترخيص كمان؟
اهلا وسهلا يا اصدقاء
وكل سنة وانتم طيبين
بالفعل انا استلمتها وهى بالحجز بتستلم تقريبا بعد شهر او شهر ونصف ... العربية مشاء الله عليها زى الفل التقفيل ممتاز والتبلوه شكله حلو والكراسى قعدتها ممتازة.
التيجو تقفيل مصر وتقفيلها حلو جدا ودة يطمنك علشان نسبة كبيرة من المنتج المصرى زى الزجاج وضفيرة الكهرباء والريدياتير كدة يعنى.
الكراسى جلد طبيعى وطارة الديركسيون جلد طبيعى برضة
حتى الكاست والسى دى من كينوود ولما رحت شركة كينوود فى المهندسين علشان اسأله على حاجة فى التشغيل وسألت على سعرة قالوا انه بــ 1250 جنية .. الحقيقة سى دى تحفة وفى كل الامكانيات اللى ممكن تتخيلها.
استهلاك البنزين عن تجربتى الشخصية اكثر من مرة بتعمل فى الصفيحة (العشرين لتر) من 200 الى 210 كيلو داخل البلد المفروض انها خارج البلد تعمل كل 7,6 لتر = 100 كيلو .
السيارة ثابتة جدا على الارض وفى الملفات مشاء الله عليها وناعمة جدا فى القيادة
الترخيص بتعها 1100 جنيه كل سنه وتقل بنسبة 5% كل عاح لحد لما توصل 200 جنية.
احسن مكان واصدق مكان للحجز هو من عند ابو الفتوح اللى فى كورنيش المعادى جمب الفا ماركت.
الالوان اسود - كحلى - نبيتى - فضى - فيرانى دول اللى انا شفتهم بالفعل مش عارف اذا كان فى الوان تانى ولا لاء.
اعتمد على الله يا باشا إن شاء الله مش هتندم وطبعا الحق احجز علشان تلحق تستلم وعلشان انت عارف الشركات بتعمل ايه بعد لما تبيع اول دفعة بتغليها .. يعنى انا متوقع ان العربية تغلى من خمسة الى سبعة الالاف جنية قريب جدا.
حجمها مناسب جدا والشنطه واسعة جدا والكراسى الخلفية يمكن طيها لاستغلا كامل المساحة وممكن كمان خلع الكراسى الخلفية بكل سهوله لاستخدامها فى اى رحلة للجلوس عليها خارج السيارة.
بالمناسبة انا كنت حاجز الكمودو لكن لما شفت التيجو حجزتها وهرجع ايصال الكمودو.
اه نسيت حاجة .. هى فعلا نمساى بس مجرد انها اقفلت هنا والعربية التيجو انا بالفعل كنت فى روسيا والصين سنة 2006 وشفت العربية ماشية فى الشارع وحتى استغربت وقتها وهى بتنتج من سنة 2005 وثابتة وجودها جدا فى الدول الاخرى.
اعتقد انها اختيار موفق الحمد لله وإن شاء الله هى هتقلب الموازين فى عالم السيارات من مثيلتها.
واسف للتطويل عليكم,,,,,
شكرا يا pink على المعاومات وربنا يباركلك فيها ويحفظها لك.
س:إيه علاقة الصين بالعربية لو هى نمساوى والتقفيل مصرى؟
بص يا باشا ... العربية أصلا صينى والموتور نمساوى
جزاك الله خيرا ، فعلا انا استفدت جداً:thumbsup:
العفو على اية .. انت تأمر يا باشا
لسه شايفها النهارده وجري علي الكمبيوتر فتحت موقع نايل موتورز وانا متشوق اقري تعليقكم عليها العربيه بجد يا جماعة في منتهي الروعه والجمال انا كنت هحجز الديهاتسون التريوس واحد الاصدقاء قالي روح شوفها بصراحة غيرت كل المقايس العربيه واسعه وتقفل محترم وكماليات عاليه جدا قالولي السعر 108 الف جنيه طبعا السعر معقول جدا ده بالنسبة ال2*4 وفتيس اتوماتيك وقابل للتعديل اثناء القياده لمانيول بس المسؤل عن المبيعات قالي انك هتضطر ترجع اتوماتيك تاني عشان المرشيدير وقالي كمان انها كبالن مش دفع خلفي الصاج بتاعها متين جدا واتنين ايرباج وفرامل ايه بي اس وتكيف تاتش ومساعدين خدمه شاقة استفدت اكتر من تقيمكم ليها وقررت اشتريها ان شاء الله
ممكن لو حد عارف يقول لى السيارة التيجو اللى سعرها 115 الف دى 4x4 ولا لأ؟
وموتورها وكماليتها ايه ياترى؟ ولو حد جربها ياريت لو مافيش تعب عليه يقيمها تقييم كامل مثل التقييم الممتاز اللى تفضل الاستاذ PinkFloyd بنشره عن الموديل اللى سعره 108 ألف، ولكم جميعا خالص شكرى، وتمنياتى لهذا المنتدى الرائع مزيد من التوفيق.
:k49:
lawyer باشا
تاف مبروك عليك مقدما ... مشاء الله عليها مش هتندم ... انا سيقها بقالى شهر تقريبا وجميلة قوى على الطريق والمنحنيات.
اشكرك يا بينك واتمني تبلغنا باخبارها اول باول خاصة اني لسه متردد من اقوال بعض الناس ان موتورها ضعيف وانها تقيلها سيء بالمناسبة انا كنت عايز اعرف اخبار الاتوماتيك ايه يا تري تمام ولا مش مضمون عشان صيني يعني اجيب المانيول افضل؟
وياريت تبلغنا اخبار مركز الخدمة والصيانة
يا باشا العفو انت تأمر
والله يا باشا انا شايف ان موتورها زى الفل وحلو قوى على البودى بتاعها وسحبها رائع جدا بالرغم من انى مركب معايا ناس ومركب كمان الاكصدامات الحديد الامامية والخلفية والجوانب وكل دى احمال على الموتور لكنى لم احس بأى تأثير على الموتور مطلقا .. على فكرة انا شفت واحت معدى من جمبى وسيقها وكان بيعمل عمايل وبيعمل غرز على الطريق بجد انا فضلت اتفرج عليه بالرغم من انى مش بحب الغرز.
بالنسبة للتقفيل هو مش سيئ وكمان مش حلو قوى مقارنة بالماركات الكبيرة لكن مقارنة بالصينى هى ممتازة .. يا باشا عربية فيها كل اللى انت عايزة بــ 95 الف جنية.
طبعا انا انصحك بالمنيوال لان اللى انا شفتها فى الصين واللى شفتها فى روسيا كانوا منيوال .. الحقيقة معرفش الاتوماتك اخبارة ايه لكن خليك فى المضمون احسن.
بالنسبة لمركز الخدمة والصيانة الحقيقة انا مش فاضى اروح لكو هحاول على نهاية الاسبوع او اول الاسبوع القادم إن شاء الله افضى نفسى واروح.
شكر يا استاذ / pinkl والف شكر علي المعلومات القيمة انا ناوي فعلا علي المانيول وبدال محضرتك مبسوط منها انا متفائل خير فيها ويارب يوفقني فيها سؤال تاني مع اني عارف اني طولت عليك
اخبار عفشتها ايه متحمله المطبات وناعمة ولا بتهبد عاليه عن الارض والمطبات وبتشتغل ببنزين نوعه ايه خاصة اني مقيم في محافظة غير القاهرة ومعندناش بنزين 95 لكن عندنا 92 والاهم اخبار التكيف بتاعها وبلد صنع الماتور انا عارف اني دوشتك وياريت تقولنا عملت بيها كام كيلو واخبرها ايه ربنا يباركلك فيها ويديك خيرها ويكفيك شرها والف شكر لتعاونك
lawyer2006 باشا
صباح الفل .. يا باشا ادوشنى وطول عليا وملكش دعوة. :)
إن شاء الله ربنا يوفق وتجبها على خير ويكفيك شرها ويباركلك فيها.
انشاء ا لله الماينوال هتعجبك قوى
بتشتغل ببنزين 92 لا تقلق
التكيف بتعها ثلاجة مشاء الله عليه
انا تقريبا داخل على 2000 كيلو
العفشة بتعتها بالنسبة لعربية فور باى فور تعتبر ممتازة يعنى المطبات البسيطة مش هتحس بيها لكن طبعا المطبات الكبيرة هتحس بيها ودة طبيعى فى اى عربية لكن الهبدة بسيطة.
العفو على ايه اى سؤال تحت امركم
We can found no word to thank you Mr. Pink, as you supplied alot of useful information.
Again thanks and wish you all the best.
Kind Regards
يا شباب العربيه بدأت تنتشر بشكل ملحوظ عندتا فى أسكندريه
انا شوفت منها كتير
ربنا يبارك للجميع
و عقبالنا لما تنزل ال 1600 ان شاء الله
لو تكرمتم لو حد عرف اى معلومه عنها ضرورى يبلغنا
جزاكم الله خيرا
لو حد اشترا التيجو جديد يقول يا أخوانا !!!
فى ناس كتير أوى مستنيين 1600 سىسى ويوفر فى التراخيص اولا والبنزين ثانيا
ولكن :
ده رأيى الشخصى السطحى:
التيجو وزنها تقيل شوية
فلو 1600 سىسى هيكون يادوبك مظبوط عليها
فإن 2000 سىسىسيكون مريح للماكنه وللفتيس وللسيارة وخاصة مع التكييف والأوزان (الأفراد والشنطة الكبيرة) ...!!
فما هو رأيكم ...؟؟؟؟
الاخ الفاضل mga747
كلامك يا باشا صح الصح ودة اللى خلانى مترددش فى شراء الـ 2000 سى سى وعلى فكرة العربية يا جماعة ممتازة والله ومش انا لوحدى اللى بقول كدة كل الناس اللى اشتروها مبسوطين بيها قوى وبعدين استهلاك البنزين بتعها داخل البلد ممتاز يعنى السيارة بتعمل من 200 الى 210 كيلو فى الصفيحة (20 لتر) داخل البلد يعنى مشاء الله عليه.
العربيه دي حتستحملني ولا لا يا جدعاااااااااااااااااااااا ن؟
هى عربية ممتازة و بفكر أجيب واحدة أن شاء الله لما ربنا ييسر
ال 1600 مالهاش منافس تقريبا لان التريوس فى فرق فى السعر بينهم حوالى 40000 و التيجو أكبر و أوبشنز أكتر بكتير
توكل على الله كل الى جابها بيشكر فيها جدا
يا جدعان انا غبي في السواقه !!!!!!!!!!!!! التجو بتستحمل الغباء ولا عايزة حد يدلعها !!!!!!!!!!!!!!!!!!!!!!!!11؟؟؟؟؟؟؟؟؟؟؟؟ ؟؟
1600 نزلت وسعرها بيقولوا 80000 مانيوال
الموتور نمساوي و العفشة ياباني و الصاج تسعه ملي و الفرش كلة جلد طبيعي و جميع الكماليات و موفرة بنزين و بتسحب
و من الاخر بسعر ارخص من اي عربيات في السوق
عايزين اية تاني
طبعا احسن عربية في مصر
يا غم فيت ايه بقولك عن معايا وحش اسمو ليبيرتي !!!!!!!!!!!!!1 تقولي فيت!!!!!!!!!!!!!!!!!!!!!! و بعدين انا باعت لي استاذ بنك علشان عندو العربيه اساسا , انت بتترد الرد البايخ دا ليه ؟
بنك كان معاى ليبيرتي و جاب تيجو , و انا عايز اعرف ايه الجديد معاة بين الاتنين , يعني هو اكتر واحد ممكن يفدني , بس هو مش رادي يعبرني
يا جماعة دي راي زميل لينا في المنتدى .. حبيت بس احطه عشان للأسف الناس بتتخدع بالكماليات اللي حتى مبتعمرش ... واحنا في مصر بنجيب الفلوس بطلوع العين فحرام نرميها في حاجة متستاهلش ...
المهم دي مشاركة اخونا العزيز
وده لينك الموضوع اللي فيه المشاركة
https://www.nilemotors.net/Nile/53258-tiggo-4x4.html
والله نظرة موضوعية ( و أنا ناوي أشتري واحدة 1600 بس مستني يمكن الاوتوماتيك تنزل قريب )
انا عارف ان فيه عيوب تقفيل .. لكن فيه فرق سعر جبار
يعني ماأنا ممكن أظبط كل اللي مضايقني في عيوب التقفيل و مايكلفش 4 الاف جنيه
و كده كده أول ما أشتريها حأغير طقم اللمبات كله بفيليبس .. و كلها حاجات بسيطة و أحسنلك
ال 1600 مثلا الياباني في نفس الفئة أغلي 50000 جنيه !!! و الله ما يستاهل هذا الفرق ابدا
أما بالنسبة لباقي عيوب الأخ فوق .. فعفوا :
التكييف أفضل من التيريوس الياباني مثلا ( و السبب السربنتينه الأفضل و المروحة بتاعتة )
استهلاك البنزين لن يصل لأفضل أداء بعد 5000 كيلو
بالمناسبة !!
العضو frfor له مشاركة وحيــده .. دخل سب في التيجو و مشي:U_thin1[1]: !!!!
للدرجة دي فيه ناس بتعمل المستحيل عشان تحارب الصيني كأنه قتلله قتيل :I_angr1[1]: !!!
ياأخي تولع العربيات اللي تخلي الواحد يبيع أمانته:mahf(5):
العربيه تعتبر كويسه بالنسبه لتمنها
يعنى على أد فلوسها
بس فى حاجه لما عرفتها ضايقتنى
التوكيل بتاعها
انا اعرف اتنين عشان يعملوا الصيانه
بيصلوا الفجر ويطلعوا على أبو رواش
عشان يلحقوا دورهم
ليه العذاب ده ؟
شكرا علي المعلومات دي ياباشا
( و أنا ناوي أشتري واحدة 1600 بس مستني يمكن الاوتوماتيك تنزل قريب )
اعتقد ان الاوتوماتيك لن ينزل في ال 1600 لان الصين ماعملتهاش والسيارة تصنع من 2005. وحتي لو نزلت انصحك بالمانوال لان الاوتوماتيك علي ال 1600 مع وزن السيارة سوف يكون هناك مشكلة في السحب
انا اعرف اتنين عشان يعملوا الصيانه
بيصلوا الفجر ويطلعوا على أبو رواش
عشان يلحقوا دورهم
ليه العذاب ده ؟
اعتقد ان هناك الان فروع كتيرة للصيانة, منها مثلا فرعين تبع ابوغالي
فعلا فروع صيانة اسبيرانزا كترت دلوقتى ومش لازم تروح الفرع الرئيسى الا لما تكون فى مشكلة عويصة ومش عارف يحلها فروع الصيانة