هى تغيير إضاءة وللا تغيير دهان؟
عرض للطباعة
هى تغيير إضاءة وللا تغيير دهان؟
أكيد بتهزر برج إيفل مرة واحدة.
الإضائة دي فن مدام كدة كدة حنتفشخر و ندفع يبقى نعمل الصح أو بلاه أحسن و أوفر البلد مش لاقية العيش.
على فكرة الإضائه البيضاء دي زى النجوم تتلألأ و ده طبعا مش باين في الصورة.
http://www.postimage.org/aV1X3ror.jpg
أكبر مشكلتين عندنا في موضوع الانشائات هي اننا بنعمل الحاجة اللي مش بتحتاج صيانة علشان الصيانة دهية صعبة ومحتاجة فن وساعة ما بنيجي نعملها مش بنعرف نعملها بما يرضي الله وبيطلع المنشأ أسوأ مما كان..
والمشكلة الثانية إننا لما بنيجي نصمم حاجة بنسترخص في التصميم وبتبدأ الفهلوة المصرية تشتغل في التصميم .. ونيجي نصرف أكثر من اللازم على الهيافات وعلى مظاهر الإفتتاح ..
ونيجي في المستقبل نصرف أضعاف أضعاف اللي كنا هنصرفه على مصمم محترم لما ييجي المبنى ويبقى شكله مقرف..
وهضربلكم مثال بسيط على كده... تلاقو المباني القديمة اللي من أيام الانجليز شكلها تحفة وتصميمها رائع و مواصفاتها ممتازة .. نيجي احنا علشان مش بنعرف نعمل لها صيانة نمارس الهواية المصرية المفضلة لدى الجميع.. الهدم.. على طول نهدم المباني التاريخية الرائعة والتراث العريق ونروح نطلع مكانها بخرسانات يتميز منظرها بالقرف و النتانة .
طبعا لو فيه حد مهندس معماري أو ديكور هيفيد أكثر في الموضوع ده ..
أنا كنت بفطر في فندق يبص على البرج... الصراحة منظره جميل جدااااا و هي الاضاءه بتتغير فيه بأشكال و ألوان جميله...
أسف اني بخالف رأي الناس المعترضة بس هي دي الحقيقة...
على فكره انا شفتها و الصراحه عجبتنى جدا و مخليه شكل البرج حلو هى الاضائه تقريبا 3 الوان و طريقه التغيير من لون للون حلوه جدا
يا جماعة تصميم و تنفيذ الإضاءة الجديدة للبرج من شركة three brothers و دى شركة محترمة جدا و أنا شفت التصميم ده على الكمبيوتر من حوالى شهرين و ده مبنى على أحدث أنواع الإضاءة وهو ال "RGB"ـLED type ودى ليها خصائص جميلة جدا مثل التوفير الشديد للكهرباء و إمكانية توصيلها على controller لعمل عدد لا نهائي من الألوان و ألعاب الضوء كما أن عمرها الإفتراضى طويل جدا و بدأت هذه التقنيه تدخل عالم السيارات وفمثلا الباسات مستخدمة leds فى الكشافات الخلفية و الصالون الداخلى
صراحة حاجة جميلة جدا و خصوصا على النيل "المتنفس الأجمل و الأروع للقاهريين و ضيوفهم"
مش عارف إيه وجه الإعتراض