مرجع لجميع مشكل و تعديلات النوبيرا وطرق الحل

**MMamdouh** · 16-12-2013 12:55 AM

ماشى انت بتتكلم دلوقتى عن موضوع للمشاكل الميكانيكية و حلولها و دة انا موافقك فيه... هى بس الفكرة ان بداية الكلام فى الموضوع كانت على تعديلات و اضافات و افكار و خلافة و دة موجود فى الفهرس

عموما ملحوقة.... مطلوب من رجالة النوبيرا تسرد خبراتها فى حل المشاكل الميكانيكية اللى قابلتها عن طريق ذكر وصف المشكلة و طريقة الحل و التكلفة

و نرجو ان الموضوع يبقى لسرد التجارب السابقة مش لمناقشة مشاكل قائمة عشان الموضوع ميفقدش اهميتة... و انا هبقى اشيل كل المداخلات السابقة لما الناس تبداء تكتب تجاربها عشان الموضوع يبقى متضبط

همتكم يا رجالة...

MMamdouh

**Lord of the flies** · 16-12-2013 02:52 AM

كان عندى فرده كوبلن شمال بتطقطق بقالها شهر تقريبا و انا مطنش لانى مش بروح بيها مشاوير يدوبك حولين البيت.
جاتلى سفريه الاسماعيليه و ماشى 120-150 الساعه 7 صباحا يوم الجمعه و بعد الكارته بشويه وقفت اشرب و جيت اتحرك الكوبلن اتكسر ...كلمت حد يبعتلى عربيه من الاسماعيليه و كلمت الميكانيكى عشان اسئله اقطرها ولا ارفعها على ونش بس طبعا مردش عشان الجمعه بدرى , المهم قطرتها لحد حدائق القبه ب 250 جنيه و اكتشفت بعد كده ان ده غلط عشان الاكس ممكن يكون اتعوج و تجنبا لذلك و بدل ما كنت جبت فرده كوبلن صينى ب 70 جنيه جبت اكس بكوبلن استيراد ب 150 جنيه و مقصات اسبانى من ابو الحسن ب 520 جنيه و تيل جولد ب 75جنيه و 100جنيه الميكانيكى فك و تركيب و رجلاش و تقريط عافشه و غسيل موتور و بعد كده ضبط زوايا ب 60 جنيه و شكرا

العبره من المشكله متمشيش بالعربيه نقصه حاجه رغم انى كنت بامشى بالريجاتا (الله يمسيها بالخير) بالسنه و الكوبلنين بيطقطقوا و عمر ما حصل كده ...الحمد لله

**sanhoty2000** · 16-12-2013 08:47 PM

ايوه كده ياله يارجالة نوبيرا نورى الناس اللى معاها لانوس ان بقى عندنا مرجع للنوبيرا بس ياريت يبقى فى القائمة اللى فوق زى موضوع الانوس
بجد هيبقى خطوه جامده
وانا قريبا داخل على تظبيط عفشه بالكامل و سمكره ودوكو وكمان هعزل العربيه كلها بالارمافليكس بس ال13 ميلى عشان يبقى صوت وحرارة وكمان عندى تظبيط فى دورة الميه واحتمال اروح عند ابو اليزيد بتاع الشكمانات عشان اظبط الشكمان
وكل كده هكتبه بالتفصيل الممل و الصور عشان افيد زى منا استفدت من المنتدى على ايد اخواتى
بس الرجاء وضع الموضوع فى القائمة اللى فوووووووووووق

**attyasat** · 18-12-2013 09:36 PM

اضم صوتى لصوتك ياريت الموضوع ده يتم

**Ahmed Nasser** · 18-12-2013 10:37 PM

ايام ما كانت طرومبة البنزين ضعيفة ومكنتش مقومة الموتور
حطيت مسمار فى الراجع واشتغلت فل
وفضلت على الحال دة كام شهر كدة

**zendo** · 19-12-2013 12:45 AM

كنت عاوز اسئل سؤال ايه الفرق بين النوبيرا البريميم المعاقين الكورى الاوروبى والنوبيرا التقفيل المصرى وانهو احسن من حيث الجوده والمتانة

**FAR!D** · 19-12-2013 02:55 AM

المشاركة الأصلية كتبت بواسطة zendo

كنت عاوز اسئل سؤال ايه الفرق بين النوبيرا البريميم المعاقين الكورى الاوروبى والنوبيرا التقفيل المصرى وانهو احسن من حيث الجوده والمتانة

انا اقولك باه
البريميم او الاروبي او المعاقين ماتور 1500 2 كامه بوابه كهربه بتنزل بجنوط الدايو ال 14 او 15 غالبا العربيه من جوه الطابلوه فرش بيج مطعم بابنوس و الطابلوه عريض تدويره العدادات واخده لبعد الساعه و التكييف تاتش و الكاسيت دبل دن والابواب فرش جلد بيج و السقف و القوايم بيج يعني كلها بيج من جوه مطعم بابنوس و منها بينزل ABS و فتحه سقف و 2 ايرباج ده اللي واثق منه نقلا عن عربيتي اما الفروق في العفشه اسمع ( اسمع) ان العفشه لصالح الاروبي يعني فيها تعديلات زي الميزان ورا موجود في المصري مش موجود و بيقى فيها دايره Drl بس عندي مش عارف اوصلها لسه وكلهم مكتوب عليهم من طرف الشنطه ورا Powernomics ( السر ده للحبايب عشان تعرف تميزها وش) وعلى الرفارف مكتوب premium