و الله يا باشا الفكرتين دول اللي انا فاكرهم دلوقتي لكن الراجل قالي على حاجات كتير جدا
عموما رأيي في الموضوع ده ان الكلبش + الأنذار + فكره غير تقليديه لفصل المحرك
هو الحل الأمثل لأن كل الحرامي ما يجد صعوبات في العربيه هايفكر ان بدل ما يقرف نفسه و يعرض نفسه للخطر يشوف عمليه أسهل و خصوصا أننا بنتكلم في لانوس يعني من اكتر العربيات أنتشارا
و بالنسبه للكلبش: ده الكلبش اللي من الأخر و انا جايبه ب 250 جنيه
http://nileup.com/up/uploads/nilemotors_13910808411.jpg
و الكلبش اللي بيمسك الدركسيون فقط أكثر أمانا من اللي بيمسك الدركسيون من الدبرياج لأسباب كتير
و بالنسبه للأنذار: تقريبا كله نفس الأداء
و بالنسبه للحل غير التقليدي زي ما قال أستاذ ظريف أفصل الكهربا عن طلمبة البنزين أول الموبينه ثم أطلق العنان لتفكيرك زي مثلا ان مفتاح الفصل يكون حزام الأمان
هل ممكن حرامي يشد حزام الأمان قبل ما يسوق العربيه اللي سارقها ؟؟؟؟