الموضوع: موقف حصل مع عساكر امن مركزى فى القطار عايز رايكم فيه

على فكره

وسائل النقل العامه مش مواصلات مدنيه

واكيد هما كانوا مضطرين يركبوا القطار

المشاركة الأصلية كتبت بواسطة RAPID

اشكرك حسام باشا
العسكري اللي ( مابيفكش الخط ) هوا اللي بيحميك وبيحمينا وهوا اللي سايب بيته واهله ومتغرب علشان خاطرنا وموش معني انه لو ينل حظه من التعليم ان يصبح محل سخريه فقد يكون يستحق الاحترام اكثر من بعض حمله الشهادات والاهم من ذلك الم يخطر علي بالك انه لو كانت هناك سيارات متاحه لنقل هؤلاء الجنود هل كان الظابط سيرفضها ويفضل القطار؟
طب في حاله اذا تعرضوا لهجوم ارهابي هل سيدافع الظابط والعساكر عن انفسهم ام سيدافعوا عن المدنيين الذين اصروا علي ركوب نفس العربه؟
اما من يقولك ان الظابط لايستطيع عمل شيء لك احب اقوله انه كان يقدر ولو امر العساكر باخراجك من العربه ماذا كنت ستفعل ؟ هل ستقدم شكوي وهل تعتقد ان في حد فاضي يسمع شكوي عن واحد نزل من عربيه القطار ؟ انا موش بحاول القاء اللوم عليك لكن مدام الظابط كان مهذب زي ماقلت ليه ماحاولتش تفهم وجهه نظره ؟



على رايك الظاهر كدة فعلا !




ما هو يا باشا لو عمل ارهابى هيكون فى القطر كله مش عربية معينة .. اللى غايظنى بس انك تكون قاعد فى امان الله تلاقى واحد مبيفكش الخط يقولك بكل تلامة وقلة ادب قوم من هنا وشوفلك مكان تانى (العسكرى) .. هى وصلت لكدة !

انا شايف انك مش غلطان
والموضوع بسيط

لو مكونتش عملت كدة كان هيتعمل معاك اكتر من كدة
تسلم عالتصرف ورد الفعل التمام ده.
كفانا مهانة ومذلة بقي.

المشاركة الأصلية كتبت بواسطة abouzaid555

يا اخ rapid هو انت ليه واخد الموضوع على اعصابك كدة و محسسنا انك عملت انجاز و تستاهل عليه جايزة نوبل يا اخى الفاضل محدش جرح كرامتك ولا احاسيسك و لا قلل من شانك و لكن لما يبقى فى ترحيل للجنود بطريقة مجمعة و باعداد كبيرة فهناك اساليب كثيرة لاتباع طرق تامينهم و خاصة لما يكون هناك اعداد كبيرة فى السيطرة عليهم و خاصة انهم كلهم من كافة بقاع الارض يعنى ما يعرفوش يتحركو فى اى حتة من غير الشخص اللى مرحلهم و خاصة لو واحد منهم تاه مثلا فى بلد ما يعرفش فيها حد ولا معاه فلوس يركب بيها اصلا
بكرة لما يبقى عند حضرتك اولاد و رايح بيهم مشوار بالمواصلات هتلاقيك ماسكهم بايدك الاتنين و حاططهم جوة عنيك عشان خايف عليهم و دة برده كان تصرف الظابط حاطط العساكر جوة عنيه مع انه ما يعرفهمش و اول مرة يشوفهم بس بيبقى خايف عليهم زى اولاده او اخواته بالظبط و المفروض اننا كلنا نساعده عارف ليه عشان حيجيلك يوم سواء حضرتك او احد اخواتك او احد افراد اسرتك او احد اولادك و تتحط فى نفس الموقف عارف لو العساكر دى فيهم اخوك او ابن خالتك كان زمانك اول واحد واخده فى حضنك و بتطبطب عليه و تقوله بكرة ايامك تعدى و ربنا يسهللك طريقك و تسأله معاه فلوس كمان ولا لا دون النظر لمؤهلاته الدراسية او منصبه الاجتماعى خد الامور بصدر رحب و بلاش الكبر و التعالى و حقوقك محفوظة يا سيدى و اتمنى اشوفك عسكرى فى الجيش و اقابلك بعدها و اشوف نظرتك هتتغير فى الناس اللى طالع عنيها عشان خاطر امثال حضرتك يتكبرو عليهم كدة من تواضع لله رفعه يا سيدى الفاضل

والله ابو زيد بيه انا لا متكبر ولا متعالى ولا اى حاجة واكتر صفة بكرهها فى الدنيا اصلا هى التعالى والغرور ولو بصيت للموضوع من زاوية مختلفة هتلاقى التعالى والتكبر على خلق الله كان من الطرف الاخر مش من طرفى وانا راجل غلبان قاعد فى حالى ودول جم يقومونى من مكانى لا لشئ الا لمجرد انهم الاقوى والاكتر فى زمن المواطن المصرى فيه بيتهزأ جوه وبره مصر .. قام عرق الوطنية والحرية والمواطنة نقح فى دماغى وحلفت مانا قايم .. فهل كدة ابقى غلطان؟!

المشاركة الأصلية كتبت بواسطة mohamed_hamid

تصرفك صح. أفراد الجيش لهم قطار حربى خاص بهم واذا حصل واضطروا يركبوا قطار مدنى يبقى المتوقع انه يكون بالتنسيق مع الجيش بيتحجز لهم عربية او اتنين ليهم يعنى ميجوش يقوموا الناس زى ما حصل معاك كدة. علشان كدة الضابط مكترش فى الكلام معاك.

بالظبط كدة محمد باشا

المشاركة الأصلية كتبت بواسطة محمود السيد

قانون مش من حقهم ولكن عرفا من حقهم لان اثنا الترحيل من مكان مكان بيكون معهم متعلقات عسكرية و مستلزمات واشياء اخرى فلذلك يجب تامينهم بقدر المستطاع وام تحفظى على الاخوة الى بتقول ما يعرفش الاف من كوز الدرة فيا اخى اتق الله الم يكن رسول الله امى لا يعرف الالقراءة ولا الكتابة وتذك قولى الله الن الله لا ينظر الى صواركم ولا اجسامكم ولاكن ينظر الى قلوبكم وتزكر لا يسخر قوم من قوم عسى ان يكونو خيرآ منهم

ونعم بالله

المشاركة الأصلية كتبت بواسطة amr011111

المفروض اللى انت عملته ده لو فى دوله من الدول المحترمه مكانش حد من العساكر يقدر يقوم الناس ولو كان حصل ده وانت مقمتش
كانت الناس اللى هتعلق هتقولك ان اللى انت عملته الصح
انما رغم ان اللى انت عملته سليم تماماً وده اللى بيخلى الضابط ده بعد كده يخاف يعمل الموقف ده تانى مع حد تانى
الا انه للاسف تلاقى ناس تقولك كنت المفروض تقوم وتسيب العربيه

يا راجل انا كنت متخيل هتحصل مظاهرة فى العربية من الركاب على الاسلوب اللى حصل بس كله خد الامر واختفى فى ثوانى .. حاجة تشل وتعل فى نفس الوقت

المشاركة الأصلية كتبت بواسطة elnakshabandy

على فكره

وسائل النقل العامه مش مواصلات مدنيه

واكيد هما كانوا مضطرين يركبوا القطار

رجاء التوضيح اكتر اخى الفاضل