مشكلة جديدة وغريبة فى الفابيا بتنتش ومتبرجلة يرجى المشاركة

بسم الله الرحمن الرحيم

انا كنت راجع البيت فىمدينة بدر وواخد الطريق على 120 افاجاء وانا باخد الملف بعد ما قطعت 52 كيلو على الطريق السريع الاقى العربية نتشت واتبرجلت وبطلت وانا باخد الملف قلت اكمل بيها لحد البيت يمكن يكون المشكل فى المبينة او فى الوجيهات
غيرت المبينات كلهم لانها عملت معايا الحركة دى قبل كدة بس العيب فى مبينة من الموبينات
غيرت وجربت لانى معايا شايل 3 جداد للطوارىء لانى بسافر كتير بالعربية ونفس الكلام بردو البوجيهات معايا احنياطى لطن المشكلة مكنتش لا مباين ولا بوجيهات
حطيتها على الجهاز قرت ال agr حساس الهواء وحساس المياه غيرت حساس المياه بس ميخلهاش تتبرجل وتنتش لانى كنت مرة من 3 شهور شيلت الفيشة بتاعتو ومشيت عادى منتشت ولا اتبرجلت ورجعت الفيشة عادى خالص لكن بردو غيرتو فكيت بوابة الهواا ونظفتها وفكيت حساس الهوا ونضفتو كانى بعملها سيرفس لان دول لما بيتوسخو العربية سحبها بيقل
حساس الهوا بيسحب هوا والبوابة ايضا شغالة كويس شيكت على الفيوزات وبردو مازالت المشكلة لو حد عندو فكرة او قبلتو قبل كدة ياريت يفيدن العربية سكودا فابياموديل 2004 عدد السلندرات 3
فى انتظار مشاركتكو تحياتى

ممكن تكون المشكلة في دورة البنزين
لو لسة ممون يبقي ممكن البنزين مغشوش ومش كويس
اتأكد من حالة فلتر البنزين وطرمبة البنزين

شكرا يا عمور بس الطرمب سليم وفلتر البنزين غيرتو
تحياتى

فى انتظار التفاعل تحياتى

اصل حضرتك استبعدت كل الاحتمالات المنطقية فالحكاية اتصعبت شوية
بس انا لسة شاككك في حساس الهوا

وبردو لازم تاخد كلام استاذ عمرو في الحسبان
البنزين ممكن يكون مغشوش بس ده حيبان علي طول وحتتكرر النتشة

ارجع واقول احتمال كبييير يكون حساسا الهوا

تحياتي

اقتباس:

---

المشاركة الأصلية كتبت بواسطة mo7a_mo7a

اصل حضرتك استبعدت كل الاحتمالات المنطقية فالحكاية اتصعبت شوية
بس انا لسة شاككك في حساس الهوا

وبردو لازم تاخد كلام استاذ عمرو في الحسبان
البنزين ممكن يكون مغشوش بس ده حيبان علي طول وحتتكرر النتشة

ارجع واقول احتمال كبييير يكون حساسا الهوا

تحياتي

---

تحياتى وشكرا على الاهتمام

لا مش تسقيف بنزين مخشوش تنتيش كانك شايل بوجيه من العربية
والله مدوخنى شوية الموضوع والمشكلة يا كبيرة قوى يا صغيرة قوى لدرجة اننا مش واخدين بالنا
لو حد عندو اقتراحات ارجو اضافتها وانا لو وصلت لحل هضيفو زى ما بعمل على طول على شان يكون مرجع للجميع ان شاء الله
وربنا يعديها على
خير
والله المستعان تفائلو خير..... تجدوه
تحياتى كرم

انا نسيت اضيف ان البوجيهات بتطلع مهببة ..................
حتى لو جديدة تدور شوية تطلع مهببة

اقتباس:

---

المشاركة الأصلية كتبت بواسطة karamfone

انا نسيت اضيف ان البوجيهات بتطلع مهببة ..................
حتى لو جديدة تدور شوية تطلع مهببة

---

يبقي ال map حساس الهوا مفيش كلام

اقتباس:

---

المشاركة الأصلية كتبت بواسطة mo7a_mo7a

يبقي ال map حساس الهوا مفيش كلام

---

تمام لانو حاليا بيقرالى على الكمبيوتر

Manifold Absolute Pressure sensor reading too high

جارى تجربة واحد اخر واعلامكم بالنتيجة
بس الحقيقة مش عارف ممكن الاقيه بيتباع فين
حد عندو فكرة ؟؟؟
او بيكام

متابع معاك

الماب بيتغير ومبتجبش نتيجه التنضيف

اقتباس:

---

المشاركة الأصلية كتبت بواسطة rotanamasoud

الماب بيتغير ومبتجبش نتيجه التنضيف

---

طيب عندك فكرة اجيبو منين
وهل غيرتو قبل كدة ولا؟

اقتباس:

---

المشاركة الأصلية كتبت بواسطة karamfone

بسم الله الرحمن الرحيم

انا كنت راجع البيت فىمدينة بدر وواخد الطريق على 120 افاجاء وانا باخد الملف بعد ما قطعت 52 كيلو على الطريق السريع الاقى العربية نتشت واتبرجلت وبطلت وانا باخد الملف قلت اكمل بيها لحد البيت يمكن يكون المشكل فى المبينة او فى الوجيهات
غيرت المبينات كلهم لانها عملت معايا الحركة دى قبل كدة بس العيب فى مبينة من الموبينات
غيرت وجربت لانى معايا شايل 3 جداد للطوارىء لانى بسافر كتير بالعربية ونفس الكلام بردو البوجيهات معايا احنياطى لطن المشكلة مكنتش لا مباين ولا بوجيهات
حطيتها على الجهاز قرت ال agr حساس الهواء وحساس المياه غيرت حساس المياه بس ميخلهاش تتبرجل وتنتش لانى كنت مرة من 3 شهور شيلت الفيشة بتاعتو ومشيت عادى منتشت ولا اتبرجلت ورجعت الفيشة عادى خالص لكن بردو غيرتو فكيت بوابة الهواا ونظفتها وفكيت حساس الهوا ونضفتو كانى بعملها سيرفس لان دول لما بيتوسخو العربية سحبها بيقل
حساس الهوا بيسحب هوا والبوابة ايضا شغالة كويس شيكت على الفيوزات وبردو مازالت المشكلة لو حد عندو فكرة او قبلتو قبل كدة ياريت يفيدن العربية سكودا فابياموديل 2004 عدد السلندرات 3
فى انتظار مشاركتكو تحياتى

---

حضرتك بتقول egr ؟؟؟ صح كدا ؟؟؟

لو فعلا egr يبقا هو ده سبب البرجلة ... الحل
يتغير بواحد تاني جديد

فيه ناس بتقول يتنضف .. بس بعد ما بيتنضف بيشتغل شوية و يرجع تاني يعطل
لانه من الداخل عباره عن ملف

جربت تشوف حساس الكامه

قطع الغيار من الهاشمية (ودول مبحبحمش)
او دير الملاك او الفنية في مدينة نصر

مستني النتيجه لائني متابع العربيه الفابيا من بعيد لبعيد عشان عاوز اجبها وخايف فبشوف اي موضوع عنها وبقراءه للاخر عشان المشاكلوقطع الغيار