-
حادثه فى المحور
من ساعتين كنت فى المحور و لسا واصل فى وسط الطريق لقيت لمه بصيت لقيت النترا سوداء موديل 2008 الطنبوره بالعجله فكوا و العربيه معلمه على الأسفلت. السؤال هو ازاى الطنبوره تتفك كده ببساطه فى وسط الطريق و اكشف على ايه عندى علشان انا اترعبت لما شوفت المنظر خصوصآ انا بمشى على المحور و سهل اوى حركه زى ديه تعمل كوارث و شكرآ
-
ياحول و لا قوة الا بالله .........ز حاجة فعلاً تخوف جداً .....ربنا يسترها معانا و يكفينا شر الطريق
-
انا شفت المنظر ده قبل كده فى ميكروباص تويوتا بس ده قبل المحور مايتصلح وده لان السواق كد درب فرملة على مفصلة مش موجودة اصلا فالعجلة بالطنبورة بحجات كتير طلعت من العربية
وبعدين يا عم تحيا مصر
واحنا مش مهم
اهم حاجة ان اللى كان راكب العربية مش اجنبى
علشان شغلنا يبقى فى السليم
-
اللى بيحصل ان الفرامل بتكون خفيفة فى العربية فلما بتضغط على الفرامل وهى خفيفة بيحدث احتكاك حديد بحديد مع كثرة الاحتكاك يحدث التلف الذى انت قلت علية
-
شكرآ يا جماعه على الرد ياعنى ايه الفرامل خفيفه؟ يعنى التسل متاكل مثلآ و فرمل جامد؟و على كده الواحد ميآمنش لأى عربيه جديده او قديمه فعلآ اللى ربنا كاتبه هيحصل حتى لو كانت خارجه من التوكيل.
Content Relevant URLs by
vBSEO 3.6.0 PL2