استفسار عن بيجو 208 هاتشباك

**Ahmed_bokhary** · 14-12-2013 02:17 AM

لو سمحتم يا جماعه ممكن حد عنده العربيه دي او ركبها يقولنا ايه رأيه فيها ؟
و ياترى ايه افضل مكان الواحد يشتريها منه و بيسلم بسرعه في اسكندريه او القاهره ؟ اللي في صلاح سالم ولا مكان تاني ؟
وممكن أعرف لو ححجزها دلوقتي هل حدفع تمنها كله ولا حجز بدون مقابل ؟
و آخر حاجه حد يعرف اسعار قطع غيارها ايه نطامه ؟
اتمنى حد يفيدنا بالمعلومات في اقرب وقت

**shadeofvodoo** · 17-12-2013 03:37 PM

أنا جبتها الحمد لله من اسبوع بالظبط وعملة معايا 400 km لحد دلوقتي .. جبتها من المصرية في الاسكندرية الفئة الكل 150 ألف .... الصراحة مريحني جدا وجميلة جدا جدا ....

الحجز مش بتدفع الفلوس كلها بس بيبقى على حسب المكان في المصرية حجزتها بـألف جنيه بس ولما قربت تيجي قال لي زودهم 10 وبقية الفلوس عند الاستلام .. في اماكن تانية بيطلب 10 من الاول بس معرفش كل الاماكن إيه نظامها بس أكيد مش بدفع كله ...

لسة معملتش صيانة ال 1000 فمعرفش حاجة عن قطع الغيار مقدرش افتيك فيها

خد بالك كويس بس وانت بتستلم عشان فئة ال 150 دي 2014 نازلة half option يعني الازاز كهرباء قدام ورا بكر وفيها حاجات ناقصة كانت موجوده في 2013 .. ده لو كنت ناوي عليها .... لو الكاملة يبقى قشطة ربنا يباركلك فيها :) ...
بس في رايي اختيار موفق إن شاء الله

**Ahmed_bokhary** · 18-12-2013 01:14 AM

بجد الف شكر على ردك , ربنا يباركلك فيها , انت شجعتني جدا بجد :)
ممكن تكمل جميلك و تقولي ايه نظام ثباتها في السرعات العاليه ؟ و الفتيس بتاعها تمام و مريح ولا في حاجه ؟
و المصريه ده اللي في جرين بلازا ؟ ممكن تكون معروضه عندهم ولا لما اشترتها مكانتش معروضه ؟

**shadeofvodoo** · 19-12-2013 02:07 AM

هو أنا أقصي حاجة معايا كانت 120 عشان حوار التليين و كده وكانت كويسة والفتيس مفيهوش مشاكل بالنسبالي بس مقدرش افتيك في السرعات العالية ...

اه اللي في جرين بلازا هم معروض عندهم الفضي بس أنا كنت عايز لون تاني فاستنيت شهر لحد الدفعة دي ما اتسلمت فمعرفش عندهم ايه تاني بس هتلاقي الفضي معروضة هناك

**Ahmed_bokhary** · 19-12-2013 07:18 PM

الف شكر ياباشا

**Ahmed Amin** · 20-12-2013 04:25 AM

المشاركة الأصلية كتبت بواسطة shadeofvodoo

أنا جبتها الحمد لله من اسبوع بالظبط وعملة معايا 400 km لحد دلوقتي .. جبتها من المصرية في الاسكندرية الفئة الكل 150 ألف .... الصراحة مريحني جدا وجميلة جدا جدا ....

أمسسسسسسسككككك الناس اللي بتجيب 208 ومتخفية ومبتقولناش دي,

ألف مبروك علي العريبة.

ومستنين منك أحلي تقرير مفصل عنها بقي,,

لأن مفيش تقارير عنها في المنتدي وأكتر من واحد سئلو عليها الفترة اللي فاتت.

**Dr_Moustafa** · 20-12-2013 02:55 PM

طب يا ريت مواصفات الفول اوبشن لو سمحت
لانى بحثت فى موقع بيجو مصر ولم أجدها

وشكرا

**shadeofvodoo** · 21-12-2013 12:13 AM

هتلاقي فيها زياده ازاز كهرباء ورا و سينسور نور و مطر و سينسور ورا للركنات . و فتحة السقف والمراية الي في النص اوتوماتيك بتغمق مع النورالعالى عشان اما ححد يضرب نور في وشك متتعماش :)
دول كانوا في موديل 2013 ..معرفش2014 إيه نظامها

**Ahmed Amin** · 21-12-2013 01:27 AM

المشاركة الأصلية كتبت بواسطة shadeofvodoo

الله يبارك فيك يا باشا ربنا يكرمك :)))

أنا كنت ناوي اعمل حاجة كده بس أنا مش كويس في التقرير بس بما أني كنت من الناس اللي بيسألوا عليها هنا قبل ما اجيبها فهاستنا كده لحد مخلص اول 1000 إن شاء الله وهاكتب تجربتي .. البيجو وانا :)

أنا كنت هقولك برضه مستنين إنطباعك بعد أول ١٠٠٠ كم مع العربية,
ومتقلقش أي تقرير هيبقي حلو منك.

أنا برضه ماليش في التقارير أووي, بس ممكن تراجع علي تقرير ال ٥٠٨ المتثبت وتقراير ال ٣٠١
عشان تاخد فكرة عن طريقة عمل التقارير,
وتشوف الناس بتركز علي أيه وتحكي لنا عنه في ال ٢٠٨ والمزايا والعيوب من وجهة نظرك.

وطبعاً تحكي لنا عن الأوبشن المتاحة في الفئة اللي معاك وسعرها الحالي,
وباقي الفئات وأسعارهم لأنك هتبقي أدري بيهم مننا ومن أي حا ميعرفش حاجة عن العربية لسه.

أمثلة عن التقارير, عشان تساعدك في تقريرك:
http://www.nilemotors.net/Nile/359777-301.html
http://www.nilemotors.net/Nile/291613-508.html
http://www.nilemotors.net/Nile/128989-307sw.html