السهم دليل ايه .. حلاوتك يا عم سيد

**مصراوي جدا** · 20-09-2008 04:01 PM

دعوة غريبة جدا في اعلانات التلفزيون كل يوم تدعو الفقراء والبسطاء (بواب / خادمة / سائق تاكسي وغيرهم ) الى المشاركة في البورصة وشراء اسهم ليكونوا اصحاب ملك وكل منهم صاحب مصنع وصاحب بنك كما يقول الاعلان.. والسهم دليل الملكية.. وحلاوتك يا عم سيد

في حين تأتينا الأخبار بانخفاضات حادة في البورصة (سواء المصرية او العالمية)

انا مليش في البورصة وما افهمش فيها انما اللي بيحصل ده مسخرة ... اني ادعو اللي محوش 100 جنيه و1000 جنيه وبالكتير اوي 5000 جنيه انه يحطهم في البورصة

ادنى مستوى للأسهم المصرية منذ عام ونصف

القاهرة: أنهى مؤشر البورصة المصرية الرئيسي "case 30" تعاملات الأسبوع الثالث من شهر سبتمبر على تراجع حاد بلغت نسبته 13.5% فاقداً أكثر من 1107 نقاط من قيمته في أسبوع ليغلق عند مستوى 7066.21 نقطة هي أدنى قيمة سجلها المؤشر منذ 18شهراً.

**mina_ramsis** · 20-09-2008 04:48 PM

معاك فيه وجهه نظر حضرتك بس كان ليا سؤال حتى لو معاك فلوس اقل مبلغ ممكن تستثمره فى البورصة هو كام مع العلم انى لا اعلم شئ فى البورصة

**Hisham** · 21-09-2008 12:45 AM

فاروق جويده كاتب مقال جامد فى هذا الموضوع فى اهرام الجمعه

**OlaOsman** · 21-09-2008 08:44 AM

بس هي ليه الدعوة دي أصلا؟ انا مستغرباها جدا الصراحة.. و حيث انه ثبت علميا ان الحداية ما بتحدفش كتاكيت - على مقولة أخونا حسام حسن - فأنا بتساءل هايستفيدوا ايه لما البسطاء يشتروا أسهم في شركات و يستثمروها في البورصة؟

**Dr_Mido** · 21-09-2008 08:59 AM

انهم هيلاقو حد يشترى اسهم الشركات اللى وقف حالها اليويمن دول لان مفيش حركه شراء تقريبا الاى فى مجموعه شركات معينه و كبيرة زى فودافون مدينه الانتاج الاعلامى كدة

**محمد عز** · 21-09-2008 09:04 AM

عاوزين ينفضوا الناس

وقلة قليلة فى البورصه المصريه اللى بتكسب وبتكسب بمئات الملايين وده على حساب الغلابه اللى قالوا نجرب نستثمر فى البورصه

مش لاقيين غير الغلابه

**sab3aawy** · 21-09-2008 09:40 AM

ماهو الناس رجعت تسافر الخليج وتجيب فلوس من هناك بعد ما كانت الحكاية دى اضمحلت فى التسعينات

زى ما اتنفضوا فى التمانينات بمجهودات مخلصة من الريان والسعد

يتنفضوا الأيام دى فى البورصة ، والطعم فى الحالتين هو الطمع فى فايدة اكتر من فايدة البنك

فن النصب من قديم الأزل هو فن يقوم على ان تقدم الضحية المال المنهوب بنفسها الى النصاب وفى 90% من الاحوال يكون ذلك عن طريق طعم يتم القاؤه للضحية يجعلها تطمع فى مكسب كبير لقاء ما تخرجه من مال ، وهى دى اللعبة اللى اتعملت ايام الريان فى التمانينات، وايام تخفيض الدولار ورفع الفايدة على الجنيه فى التسعينات،وايام البورصة النهاردة

**Ramytoyota** · 21-09-2008 11:32 AM

الحكايه ان البورصه لما و قعت اليوممييين اللى فاتوا دول كل الناس كانت بتبيع و كان المشترى طبعا ياما العرب او الاجانب بالتالى ملكيه لاسهم و الشركات دى بقت عند الاجانب و العرب و الحكومه خافت من كده غير كده كمان لما كل الناس تبيع فى و قت واحد السوق هايتهدا اسرع ماهو مهدود

**GoldenManEye** · 21-09-2008 11:44 AM

عمرى ما شفت حد كسب من البورصة دى!

سمعت بس :)

حد فيكم يعرف حد كسب من البورصة، يعرف.... مش سمع عن حد كسب؟؟!

-

الموضوع: السهم دليل ايه .. حلاوتك يا عم سيد

LinkBack

أدوات الموضوع

عرض

السهم دليل ايه .. حلاوتك يا عم سيد - انشر الموضوع فى :

-

-

-

-

المواضيع المتشابهه

سكودا............السهم المجنح

هيونداي جينيسيس كوبيه 2013 ... اسرع من السهم !

مستوى المياة داخل القربه نزل تحت السهم

صور:( إطارات نسر) هايل، عظمة، شياكة، حلاوتك

الكلمات الدلالية لهذا الموضوع

المفضلات

المفضلات

ضوابط المشاركة