رحلة عذاب مع بلية دبرياج فيكترا 1600 2001
السلام عليكم و رحمة الله و بركاته
انا بكتب الموضوع ده لانه تانى مره تتكرر معايا خلال سنه و لانى ليا وية اسئله ارجو من الاخوه الافاضل يردوا عليها
من 10 ايام كده جيت اركب العربيه و دورت و لسا بدوس دبرياج لاقيت الدبرياج هوا خالص تحت رجلى و النقلات مبتنقلش خالص انا قولت وقتها يمكن الدبرياج واخد هوا ولا حاجه جبت ميكانيكى معرفه لحد العربيه بص و قالى البليه من تحت بتجيب زيت مع العلم انى مغير بلية دبرياج برازيلى من حوالى 10 شهور يعنى من حوالى 10000 كيلو بس و المارشدير عندى خلفى المهم طبعا موثقتش فى كلامه و جبت ميكانيكى تانى قالى نفس الكلام طبعا سعتها اتاكدت ان كلامهم صح و قولت الله يسامح اللى باع لى البليه الاولانيه طبعا روحت سالت عليها جديده او استيراد مش موجوده خالص عندنا فى الاسماعيليه طبعا طلعت على مركز صيانه معروف و هو دايما اللى بوديله العربيه يعمل اى شغل فيها بص عليها و قالى هى البليه اللى ضربت
و قالى هاتلى بليه جديده و كمان ماستر علوى حتى لو سليم عشان ممكن يائر على البليه طبعا روحت سالت عن البليه مش موجوده خالص بس واحد من التجار قالى انا بجبها بالطلب عشان غاليه اجبلك من مصر بلية دبرياج fte على 1150 و ماستر علوى على 550 نفس الماركه المهم قولتله استنى اشويه اما اخد وقتى و افكر المهم قررت انى انزل الحرفيين و انى اجيب بليه بس و اجل موضوع الماستر العلوى ده شهر كمان ولا حاجه لانى الفلوس كانت مزنقه معايا اوى المهم روحت ولاقيت انواع الصينى ب 600 و الايطالى 850 و ال fte المضرويه ب 1000 و الاستيراد ب 500 و الfte الاصلى عليها برشامة الشركه و علبتها و محفور على جسمها مركة الشركه و شكلها نضيف جدا و جبتها على 1300 المهم طبعا رجعت بيها و تانى يوم ودت العربيه للمركز ده و طبعا بدا بحل المكنه و رفعها و بالمره خليته يغيرلى سير الكاتيته و الدينامو بالبلى بتاعهم بلية كاتيته كندى ب 250 و بلية شداد دينامو ب 100 و الحمد الله الموضوع تم على خير و اخد فى ايده حوالى 5 ساعات و طبعا بص على الديسك و الاسطوانه و قالى لا حلويين و طبعا طلع البليه اللى كنت مغيرها من 10 شهور لاقاها ملهاش ماركه ولا نوع و قالى دى صينى مضروب و الحمد الله اقدر يحافظ على شحن التكييف و طلعنا جربنا العربيه اختلفت اختلاف كبير و صوتها هدى جدا تحس انها بقيت زيرو المهم طبعا الراجل اخد حسابه 275 جنيه على كل الشغل و قالى ان الفيكترا المارشدير خلفى بتاكل البليه بتاعتها و الوضوع ده حصل كتيرو بعدها ركبت و جيت اطلع لاقيت الدبرياج بقى واطى غير الاول و ناعم جدا بس بحس بهوا فى اول الضغط نزلت قولت للميكانيكى على موضوع الهوا ده قالى انا اخدت هوا خلاص يا باشا دا بس تلاقى البليه لسا مطبعتش المهم مشيت و تانى يوم بدات احس ان النقلات تقيله اوى و بعدها بدات الاقى النقلات مش عاوزه تيجى خالص و اضطر اقف فى نص الشارع احاول و فجاءه الاقيها رجعت ممتازه و ناعمه تانى امشى شويه الاقيها مش عاوزه تنقل تانى معايا فانا مش عارف ايه السبب ساعات تبقى كويسه جدا جدا و ساعات احس ان مشوار الدبرياج قل لواحده و النقلات تبقى حجر لازم احاول فيها كتير عشان تيجى
الاسئله
هل فعلا لو مغيرتش الماستر العلوى ممكن يضرب البليه الجديده
ايه سبب ان النقلات ساعات متجيش والاقى الدبرياج مشواره قل لوحده ساعات الاقيها سلسه جدا مفيش اى مشكله هل ممكن زيت الفتيس نقص او الدبرياج لسا واخد هوا
ايه الفرق بين نقلة المارشدير الخلفى و الامامى و هل فعلا الخلفى بتاكل بلية الدبرياج بسرعه مع العلم ان العربيه حالتها ما شاء الله و فابريكه بره و جوه و ماتحلش منها حاجه خالص غير طقم الدبرياج بس و تكيفها ما شاء الله و لا الكورى
