ياريت حد يدينى خبرته فموضوع الكافيهات ده خاصه سيلنترو الواحد يشرب ايه و الاسعار عامله ازاى لانى ماليش خبرة فالموضوع ده عشان انا رايح مع اصحابى و عازمهم فياريت حد يفهمنى المصطلحات زى ال desert وال flavor يعنى عشان انا ميح فالحاجات ديه
عرض للطباعة
ياريت حد يدينى خبرته فموضوع الكافيهات ده خاصه سيلنترو الواحد يشرب ايه و الاسعار عامله ازاى لانى ماليش خبرة فالموضوع ده عشان انا رايح مع اصحابى و عازمهم فياريت حد يفهمنى المصطلحات زى ال desert وال flavor يعنى عشان انا ميح فالحاجات ديه
صديقي المواطن
ديزيرت يعني الحلو أو تحلي بإيه
وفلايفور يعني النكهات يعني تحب النسكافيه بنكهة القرفة وهكذا
وبالنسبة للأسعار لو حضرتك عازم صحابك فتحط في جيبك لكل نفر مواطن معاك من 25 إلى 35 جنيه
والمعدل العام ﻷسعار الطلبات هو 12 جنيه
صديقي المواطن
إنته إنتهيت خلاص
والنصيحة يا إما تمسح أرقام صحابك دول اللي حيخسروك الخسارة الجامدة دي أو تاخدهم لمطعم سوري أو لبناني فخم وتجيب لكل واحد ساندوتش شاورما لحمة مع تبولة وتومية وسندوتش فلافل وبطاطس وبيبسي وكبيبة وكله مش حيعمل 35 جنيه النفر وإسمك عزمت أما لو رحت لسينامن أو سيلانترو ففي اﻵخر إسمك عزمتهم على شاي وقهوة على بس على نظيف ومعاهم طبق عينة كيك تحلف عليها وبس ولا تسمن ولا تغني من جوع
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال
هههههههههههه والله عندك حق فعلا هفكر انى امسح ارقامهماقتباس:
المشاركة الأصلية كتبت بواسطة saddam
هذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ههههههههههههههه والله ردك زي العسل وفي الجون.اقتباس:
المشاركة الأصلية كتبت بواسطة saddam
بصراحة مفيش أحسن من المعاملة الإنجليزي
مالهم الإنجليز ياعم ناس متقدمة وزي الفل :C_laugh[1]:
25 ازاى للنفر قول 50 او 60 جنيه انا مرة انا والمدام فى 2010 قعدنا على سيلنترو اللى فى كارفور شربنا اتنين عصير و2 ديزرت بتاع كدة قد الاسبرينة متجيش بشلن ودفت 120 جنيه والكلام دا من 3 سنين
+11111111111 عندك حق واللهاقتباس:
المشاركة الأصلية كتبت بواسطة أبو آسر
لا والله بجد؟؟؟؟؟؟اقتباس:
المشاركة الأصلية كتبت بواسطة abdelrahmaaan
اه والله حتى لسة محتفظين بالورقة بتاعة الحساب لحد دلوقتى برغم ان الكتابة اللى عليها تمسحت
طب مفيش كافيه تانى فى الحنين و يكون محترم و مستواه عالىاقتباس:
المشاركة الأصلية كتبت بواسطة abdelrahmaaan
على حسب المكان اللى انت عايز تروح فين بس عالعموم اكيد ممكن تلاقى كافيهات حنينة ونضيفة
أنصحك بـ D. Cappuccino شارع ابن الهيثم متفرع من عباس العقاد - مدينة نصراقتباس:
المشاركة الأصلية كتبت بواسطة midooo_119
كافيه محترم مفيهوش أغاني مزعجة ولا دخان مقرف ولا سفالة وقلة أدب ونسوان قاعدة تشيش وحاطة رجل على رجل والقذارة اللي بنشوفها في كافيهات تانية دي
وفي نفس الوقت مستوى راقي وخدمة على أعلى مستوى وأكل ومشروبات محترمة وبأسعار معقولة
دي صفحتهم على الفيس بوك
https://www.facebook.com/D.Cappuccino.cafe
ودي فكرته
‫كافيه جديد بفكرة جديدة تعرف ايه عن دي كابتشينو ؟‬‎ - YouTube
اصل انا عاوز حاجه قريبه للمهندسين او وسط البلد
فين يا رجالهاقتباس:
المشاركة الأصلية كتبت بواسطة midooo_119
اقتباس:
المشاركة الأصلية كتبت بواسطة saddam
:C_laugh[1]::C_laugh[1]::C_laugh[1]::C_laugh[1]::C_laugh[1]::C_laugh[1]:
لو عاوز قريب من المهندسين فيه قهوه بلدى جنب سعودى الشاى بجنيه
ده حتى علشان متنتهيش خلاص:Copy of m-s5::Copy of m-s5:
Beano's Cafe اسعارهم كويسة فى شارع جامعة الدول العربية
صديقي المواطن
إنت إنتهيت خالص ومعادش ينفع
بالذمة يا مواطن بتكتب موضوع عشان تدور على مكان في الحنين وإنت منسق قسم جيلي الموقر ده أنا كنت بفكر أستلف منك كام مليون أشتري بيهم ساندوتش طعمية ينفع كده
طبعا أنا مش جاي العزومة بتاعتك ﻷنك حتمشيني جعان وأروح أدور على مطاعم
صديقي المواطن
قولا واحدا
الشاعر بيقلك إيه ؟
بيقلك
إذا غامرت في شرف مروم
فلا تقنع بما دون النجوم
وقلنالك الكافيهات في مصر لم تعد تصلح إن تشرفك كلها غالية ومقاربة ﻷسعار وقيمة عزومة تملا العين ﻷصحابك وقلنالك الكافيه غالي جدا وكمان قيمته في نظر أصحابك مش مقامك فإنت عازم عازم فأنصحك إنك تعزمهم على عشاء وزي مقلتلك مش حيكلفك أكتر من 35 جنيه للنفر بسلاطاتهم وبابا غنوجهم أما لو كافيه فحتصرف ال 35 وإسمك عازمهم على قهوة شيك
وعندك في جامعة الدول حضر موت وعندك جار القمر مطعم لبناني فخم ولو عايز حاجات غالية تروح لبلو نايل خلف اﻷوبرا لمطعم برضو جار القمر وعندهم الراقصة الموقرة نعيمه مسخرة وكان الدخول بالعشاء آخر مرة 140 بس دي نخليها لعزومة متقلات أكون أنا فيها
والخيارات كثيرة وفيه عندك كافيهين في شارع سوريا وجامعة الدول رخيصة ومحترمة ويجلس عليها معظم حثالات المجتمع حبايبنا بتوع زمان إيساف ومنه فضالي وجنات وساندي وكثير من المطربين والممثلين والشعراء والملحنين والصحفيين والمنتجين وكله متاح
وفي اﻵخر دي عزومتك وأنصح توفيرا ﻷيامنا السودة واﻷزمة المالية الطاحنة
ترمس شاي وترمس قهوة من الحاجة في البيت وكيلو سكر وشوية كرواسان من الفرن تحت البيت وتقعد في أي قهوة أي كلام من الشاي أبو جنيه وأهي عزومة والسلام ومحدش حيردها يا مواطن هو أنا لسه حوعيك ده إنته زميل في الكفاح وخبرة وطنية
وآخر نصيحة روح عشيهم وإضحك وإبتسم في وشهم وبيض وشك بعدها روح البيت وعيط براحتك على ما تم صرفه وقضيها فول وطعمية آخر الشهر وبلاش تزود العربية نتروجين وزودها هوا عادي وهي حتتلم وحتعوض الخسائر الجسيمة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
هههههههههههههه ياعم ديه صينى مش اودى عشان تبقى معايا الملايين هههههههههههههههههاقتباس:
المشاركة الأصلية كتبت بواسطة saddam
عليا النعمة انت برنس :36_1_1[1]::36_1_1[1]:اقتباس:
المشاركة الأصلية كتبت بواسطة saddam
ههههههههههههههه:new::new:اقتباس:
المشاركة الأصلية كتبت بواسطة saddam
كوستا كافيه أرخص وأنضف.... وفيه برضه سكاند كب فى جامعة الدولاقتباس:
المشاركة الأصلية كتبت بواسطة midooo_119
مالها يا عم القهوة البلدي
كوباية الشاي ب 2 جنية وفيه بعض القهاوي بجنية ونص
يعني تعزم اصحابك كلهم وتظبهم ومش هيكمل 30 جنية
سيلنترو ده بلجألو في حاله اني محتاج Wi-Fi
اضرب عصير ب 15 جنية واعيش ع النت :D