خلاص قربت اتجنن من العفشة يا لانوس حرام عليكى

**abzoabzo** · 20-09-2008 04:26 PM

انا الاسبوع اللى فات المقص اتكسر بيه وانا فوق كوبرى اكتوبر
المشكلة دلوقتى بعد متاكد ان المقص التانى سليم وظبط زوايا
فى بنزينة ميدان الجلاء
كل الناس مقتنعين ان صوت الطرقعة اللى بتحصل معايا وان نازل من على اى مطب صناعى او حتة اسفلت متكسرة ده طبيعى وفى كل الانوس

وتسمع بقى مشعوزين واحد يقولك اعمل تقرير عفشة فى موبيل شارع السودان
والميكانيكى يقولك ده كوبلن
والعفشجى يقولك سيبها شوية لغاية متظهر
وواحد يفتيلك فى المساعدين
وانا بينى وبينكم بقيت خايف امشى بيها ليحصلى حاجة تانى

ياريت يا جماعلة لو حد مر بالمشكلة ده يقولى عامل ايه

او حد يفهم فى اصلاح المشكلة ده ياريت يفدنا

وجزاكم الله خير

**abzoabzo** · 20-09-2008 07:45 PM

ياجماعة هى المشكلة ده عندى بس ولا ايه

**Hossam_Hassan** · 20-09-2008 07:46 PM

بص، انت لازم تروح لعفشجى محترم و ارشحلك الحاج صابر اللى ورا مرور عين الصيرة

**Strong** · 20-09-2008 08:26 PM

بص هو في صوت طرقعة بتحصل معايا لما بامشي في مكان فيه طالع ونازل كتير ده أنا باسمعه عندي وكشفت على العفشة قاللي سليمة لو هو الصوت ده اعتقد كده خلاص

الصوت ده بيظهر لما بيكون الطريق في طالع ونازل او لو منزل صغير زي الحفرة الواسعة في اللحظة دي بتظهر الطرقعة

واتأكد عندك لحسن يكون في مشكلة ولا حاجة تاني

**m.farouk** · 20-09-2008 08:57 PM

احتمال تكون البتاعه البلستك الموجوده فوق المساعد تكون متنية وعلشان كده بتخبط فى المساعد هى عباره عن حاجة زى الكوبية

**abzoabzo** · 21-09-2008 12:38 AM

جزاك الله خيرا
بس ياريت الاستاذ محمد ممدوح
يحسم لينا لموقف

**MoMohsen** · 21-09-2008 12:51 AM

غالبا دية علبة دركسيون ...روح لعفشجى كويس يكشفلك عليها

**D . a .\ AYMAN** · 21-09-2008 01:02 AM

انا كان معايا نوبيرا وكانت بتعمل صوت الطقطقة ده في الشوارع المكسرة دايما وروحت لواحد عفشجي معرفوش وقاللى ده طبيعي !!!!!!

بس بعد كدة روحت لمحمد عبده وقاللى انها كده عايزو شغل في العفشة لكن مالحقناش نبص عليها لأني بعتها على طول عشان اتخنقت منها

عموما صعب يبقى فيه عربية بتعمل صوت الطقطقة ده ويبقى طبيعي !!

المقصات بتاعة الدايو عموما مش حلوة على حسب مافهمت من محمد عبده وبتتغير بمقصات اسباني أو برازيلي مش فاكر طبعا اللى هايفيد في الموضوع ده أكتر أستاذنا الكبير محمد ممدوح باشا

**Akram** · 21-09-2008 01:55 AM

انا عندي صوت طقطقة برده لما بكون ماشي بسرعة شوية و أعدي على حفر ,
غيرت مساعدين و بيض و طرف بارات و كوبايات و بطاحات ,
و الصوت قل و الدنيا اتحسنت كتير , بس الصوت ما زال بحس بيه ,

رغم ان واحد صاحبي معاه لانوس 2006 بس ما شاء الله مفيهاش الصوت ده ,
متهيألي الواحد محتاج يروح لصنيعي تاني غير اللي بيتعامل معاهم و هو يشوف ايه الأخبار.

**acounter01** · 21-09-2008 10:56 AM

حاجة اسمها كوزة بتركب فوق المقص دي ممكن تكون متنية أو معوجة أو مش راكبة صح
روح للفشجي وقله يبصلك عليها

الموضوع: خلاص قربت اتجنن من العفشة يا لانوس حرام عليكى

LinkBack

أدوات الموضوع

عرض

-

-

-

-

المواضيع المتشابهه

انا قربت اتجنن خلاص

انا قربت اتجنن من العربية خلاص""

افيو ولا نيو اكسنت...........خلاص قربت اتجنن

خلاص قربت اتجنن

ياجماعة حد يقولى الأصوات دى جاية منين عشان خلاص قربت اتجنن

الكلمات الدلالية لهذا الموضوع

المفضلات

المفضلات

ضوابط المشاركة