الموضوع: عربيتي الالفا رميو 146

ربنا كرمني بعربيه الفا رميو 164 موديل 1996 باور وتكييف و2 ازاز كهربه

الماتور :-
اكتر حاجه عجبتني في العربيه انها شبابيه ورياضيه ماتورها بوكسر 1600 سي سي صوته شبهه صوت اللامبروجيني و103 حصان ادائه قوي جدا. الماتور استيراد ب 3000 الف جنيه من بورسعيد او حرفيين السلام .

الشكل :-
والتصميم الخارجي من ابداع المبدع مصمم المبورجيني هيا بين هاتش باك وليفت باك شكل رياضي وجميل .

قطع غيارها :-
وبالنسبه لقطع غيارها متوفره والميزه في الالفا رميو انك بتشتري قطعه غيار غاليه نسبيا لكن الاصلي ومعمره جدا وممكن تنساها ومتوفره عند يوسف و الكيلاني وسعر سير الكاتينه 200 جنيه علشان سيرين مش سير واحد وسعر جوز مساعدين امامي غالي شويه ب 1200 خلفي ب 700 جنيه و300 تركيب عند الاسطي عادل في الحرفيين متخصص الالفا رميو ويجبلك اي قطعه استيراد تحتاجها وميزه العربيه ان قطع غيارها الاستيراد كتير مش نادره زي م الناس فاكره ومعمره جدا وانا عموما لسه جايب العربيه وبأذن الله كل حاجه حعملها في العربيه حبقا أنقلها هنا بأذن الله .

التكييف :-
بالنسبه للتكييف تلاجه بسبب ان العربيه بها اكثر من فتحه للتكييف من فوق التابلوه من الاعلي ودي ممكن تشغلها لو مش عايز التكييف يبقا مباشر عليك . وفي الابواب وفي الكنسول من الخلف للكنبه وطبعا فيه تحكم في كل فتحه بفتحها او غلقها او توجيها يمين ويسار .

أستهلاك البنزين :-
وبالنسبه للأستهلاك البنزين مكتوب في الكتالوج بتستهلك 6.1 لتر في كل 100 كيلو بسرعه 90 كيلو .
وبتستهلك 8.2 لتر في كل 100 كيلو علي سرعه 120

الصالون :-
التابلوه بقالو 12 سنه في الشمس بسم الله مشاء الله مصنوع من مكونات عاليه الجوده محافظ علي لونه وصلابته وشكلو الجذاب والرياضي والعداد 220 والسرعه القصوه 190 كيلو كما مبين بالكتالوج + Rpm
والكراسي اسبور شبيهه بالريكارو وشيك جدا والصالون بأمانه قيم جدا .

وبالنسبه للصيانه لسه حعملها سرفيس بأذن الله لائما في التوكيل لائما عند الاسطي عادل بتاع حرفيين السلام.
وابقو معانا