عرض للطباعة
للأسف الموضوع مش مقتصر علي الشركة دي، شركات كتير في مصر - توكيلات - كمان بنفسها إلي بتعمل كدة، ما بالك موزع بقي خبطها... أنا كنت بشوف في مدينة الحرفيين عربيات جاية زيرو لسة بترش إكسدمات، و عربيات زيرو كوري موزع بيركبلها فتحات سقف... البلد كلها شمال يا جدعان، و أكيد مش هتنزل تجيب عربية زيرو و تعاينها
https://www.youtube.com/watch?v=rIsaHmd2MUQ
ربنا موجود
البلد دى خلاص مبقاش منها فايدة
الغش بقا فى كل حاجة لما الزيرو يبقا بالشكل دا ومن التوكيل
نجيب عربيات من الفضاء ولا نعمل ايه
عليه العوض ومنه العوض
هيه دى مصر يا عبله
شفت الفيديو امبارح و للاسف حاجة زي الزفت ومفيش ضمير ولا في خوف من ربنا ولا في جهاز محترم يراقب البلاوي دي ويعاقب عليها وبالتالي بنكون احنا المستهلكين ضحية سهلة لولاد ال............ دول و خسارة ان الشتيمة ممنوعة هنا
بص انا حاحكيلكم حكايتي
انا كنت شاري النترا 2010 اشتريتها نوفمبر 2009 وطبعا شاريه وكيل من موزع معتمد
وكنت فرحان بيها ومحدش ركبها غيري يعني مفيش مجال ان يكون حد عمل فيها اي حاجه
المهم جيت ابيع العربيه شهر اكتوبر اللي فات والتاجر عاين العربيه(بعد العشاء) واتفقنا علس السعر وكتبنا العقود وكل حاجه ومشيت
المهم نص ساعه ولاقيته بيتصل بيا
رحتوله لاقيته بيقولي انا زعلان والكلام ده قولتله خير ايه اللي حصل
بيقوللي الباب اللي ورا يمين راشش وفيه بويه ( طبعا انا سمعت الكلام ده ضغطي علي وكان معايا ناس زمايلي قولتله انت عاوز ترجع في البيعه خاصة انه واخد العربيه غاليه)
قالي والله العظيم ابدا بس انا حبيت اقوللك وطبعا الفهلوه بتاع الناس اللي عنده في المعرض اشتغلت واللي يقولك افك فرش الباب واللي يقولك ده واخد ورنيش
المهم واحد من زمايلنا راح جاب من واحد زميله جهاز اللي بيكشف البويه
يجربه علي كل العربية مفيش اي حاجه يجي على حته معينه تحت في الباب المذكور ينو احمر
قولتله نستنى للصبح عشان انا مش مقتنع المهم تاني يوم اعرف واحد قريبي بتاع دوكو قولتله تعالا معايا
المهم رحنا الصبح وطلع فعلا الباب راشش ورنيش ( محدش يسالني يعني ايه)
المهم قولت للراجل اللي خد العربيه طلاباتك قالي سلامتك وخدش مني اي حاجه ومرجعش العربيه
ودي حكايت مع عربيه زيرو انا اللي شاريها بنفسي وطلع فيها باب راشش
حسبي الله ونعم الوكيل في اللي عمل كدة سواء الموزع او الوكيل او الشركه الام
عن أبى هريرة رضي الله عنه أن رسول الله -صلى الله عليه وسلم- مرّ على صُبْرَة طعام، فأدخل يده فيها فنالت أصابعه بللاً، فقال: ( ما هذا يا صاحب الطعام؟ ) ، قال: أصابته السماء يا رسول الله، قال: ( أفلا جعلته فوق الطعام كي يراه الناس؟ من غشّ فليس مني) رواه مسلم .
وفي رواية أخرى للحديث عند مسلم : (من غشنا فليس منا) .
شكرا لك ايها العضو الكريم
وشكرا جزيلا لمصور الفيديو لكشف الغش
حسبي الله ونعم الوكيل ....
حسبنا الله و نعم الوكيل
يعني على كدا المستعمل أضمن بقى على الأقل صاحبها بيبقى قايل انها راشة..حسبنا الله ونعم الوكيل.
طب العربيات دى بتترش ليه ؟
حسبنا الله ونعم الوكيل
يعني الواحد بعد كده و هو رايح يستلم عربيه زيرو ياخد معاه ميكانيكي و سمكري كأنه بيشتري مستعمل
لا حول و لا قوة الا بالله على الحال اللي وصلناله في مصر
هو عادي ان فيه عربيات تتجرح اثناء النقل او تتحك في السفن او المواني فتترم الحتت دي او تتغير لو باب او رفرف امامي لكن المشكله ان لازم صاحب المعرض او توكيل يعرف اللي بيشتري و ينزل نسبه محترمه مقابل ده لو الشاري قبل
المشكله انها تكون علي لو علي قد الحكات و التجاريح
المفروض اصلا العربيات اللي في العرض و الناس بتجربها قاعده بس بتتنزل من قيمتها
حسبى الله و نعم الوكيل
انا قرأت مرة برضو ان واحد اشتري عربية اوبترا كانت راشة اكصدام تقريبا هنا في المنتدي ...اقتباس:
المشاركة الأصلية كتبت بواسطة hhendmos
حسبنا الله ونعم الوكيل في كل غشاش وكل طماع
ما العربيات دى اصلا فىه منها بيتنقل بسواقين مقفلين العداد على الصحراوى
اشتروا عربياتكم من على خط الانتاج اضمن
و الله يا جماعة انا مقتنع ان ف الفترة الحالية ,, المستعمل افضل ميت مرة من الزيرو
بالنسبة للى بيشترى زيرو و لما يجى يبيع بيكتشف انها راشه
احب اقوله ان احيانا (مش دايما) بيكون حد من البيت اخد العربية من وراك و خبطها و صلحها من غير ما انت تعرف
و الموضوع دا حصل مع 2 اصحابى و انا كنت بوديهم يسمكروا و يرشوا نفس اليوم خدمة انسانية
ههههههههههه
شئ محزن جداً وللاسف يتكرر كثيراً ... لك الله يا مصر
طب اعرف واحد اشترى اوبل فيكترا زيرو وطلعت مغيرة نص وعرف كدة لما عمل بيها حادث بان اماكن اللحام والمعجون
ولا اخد حق ولا باطل--من 7 سنين
اعتقد كده الحل الوحيد ان الواحد وهو بيشتري زيرو
ياخد العربية يكشف عليها بره !!
حقا انها مشكلة امانة