سؤال لاصحاب الدفايات الزيت

**Ahmed_selmy** · 15-12-2013 01:59 PM

السلام عليكم
انا امبارح اشتريت دفايه زيت اوليمبيك اليكتريك 11 ريشه....وانا بشتريها الراجل قالى ان الريشه تغطى مساحه 2 متر ....فانا حسبتها الاوضه 4 *4 يعنى 16 متر يعنى المفروض ال9 ريشه تغطيها ....فقولت اجيب ال11 افضل كمان.
المهم حطتها فى الاوضه وقعدت سايبها ...اخدت بتاع 3 ساعات علشان احس ان الاوضه بقت معقوله فى حين انى عندى دفايه تانيه كهربا بتخلى الاوضه 100 100 فى نص ساعه
قولت يمكن يكون فيها مشكله ولا حاجه ....اجسها الاقيها مولعه يعنى شغاله ....امال مبتسخنش الاوضه ليه؟؟؟
علما انى جايبها على اعلا حاجه والثرموستات على اعلا حاجه .....هل دا طبيعى انها تاخد كل الوقت دا ولا فى حاجه انا عاملها غلط او هيه فيها حاجه؟

**Rsarabia** · 15-12-2013 03:19 PM

انا كنت عاوز اشترى اوليمبك 11 ريشة
حضرتك جبتها بكام ؟؟
و متابع عشان اشوف اجيبها ولا اجيب توشيبا تورنيدو

**Dr.M_baz** · 15-12-2013 03:53 PM

الدفايه الزيت المفروض انها صحيه يعني بتاخد وقت شويه عشان ميحصلش تغيير مفلجئ في حرارة الجو ...بس مش لدرجة 3 ساعات. انا عندي واحده فيليبس 9 ريشه بتدفي الغرفه كويس في اقل من ساعه. وطبيعي ان الدفايه العاديه تكون اسرع.

**ayam7** · 15-12-2013 04:12 PM

هى فعلا ً بطيئة فى التسخين لكن صحية لانها ماتستهلكش الاكسجين من الجو بس ياريت لما تشغلها يكون باب الغرفة مغلق ويكون مفيش اى تسريب هواء بارد للغرفة عشان تاخد اسرع وقت فى التسخين ومبروووووك على الدفاية

**Ahmed_selmy** · 15-12-2013 05:05 PM

المشاركة الأصلية كتبت بواسطة Rsarabia

انا كنت عاوز اشترى اوليمبك 11 ريشة
حضرتك جبتها بكام ؟؟
و متابع عشان اشوف اجيبها ولا اجيب توشيبا تورنيدو

انا جبتها ب 510جنيه.....وكان فيه الblack & decker بس كانت ب 920 جنيه فحسيت انها غاليه اوى.
والراجل البياع قالى بتاعة اوليمبيك شغاله كويس ومفيش منها مشاكل.

**Ahmed_selmy** · 15-12-2013 05:06 PM

شكرا لجميع الردود, يبقى كدا فعلا هى بتاخد وقت , اصل كنت بقارنها بالكهربا .

**Rsarabia** · 15-12-2013 05:58 PM

المشاركة الأصلية كتبت بواسطة ahmed_selmy

شكرا لجميع الردود, يبقى كدا فعلا هى بتاخد وقت , اصل كنت بقارنها بالكهربا .

سؤال معلش هل هى بتتظبط على درجة حرارة معينة و لما بتوصلها بتفصل زى التكييف ولا متقدرش تتحكم فى درجة الحرارة ؟

**شريف** · 16-12-2013 02:34 PM

متابع

**Abo Yasso** · 16-12-2013 03:02 PM

وياترى اخبرها ايه فى استهلاك الكهرباء عشان التانيه حريقه فى الاستهلاك

**abdoumahros** · 16-12-2013 03:27 PM

دا طبيعي لان دفايات الزيت بتاخد وقت كبير علي ماتعطي تاثير ( يكون الواحد راح في النوم )
لكن ميزتها انها امان لو حد لمسها موش هاتحرقه والمفروض انها صحيه اكتر لانها مابترفعش حراره الاوضه اوي فلو خرجت بره لا تصاب ببرد وكمان امان لو قفلت الاوضه ونمت انها موش هاتحرق الاكسجين في الاوضه وتسبب الاختناق ( بعيد الشر )
اسرع نوع في تسخين الاوضه هوا الدفايه اللي بمروحه زي السشوار وهيا برضه امان من حيث اللمس او حدوث حرائق لكن برضه بتحرق الاكسجين
النوع اللي بشمعه او شمعتين دا اسوأ نوع من حيث الامان لانه بيسبب حرائق وحروق للي بيلمسه
ولكن ايضا تاثيره سريع
وخللي بالك الدفايه لازم تكون في مكان منخفض في الاوضه الارض مثلا علشان تحس بتاثيرها علي عكس التكييف البارد لازم يكون في العالي علشان يبرد كويس