الموضوع: برجاء المساعدة العاجلة من محترفي اللانوس

السلام عليكم ورحمة الله وبركاته
انا عندي عربية دايو لانوس 2001 عداد 179500 كم
العربية مخنوقة على طول
ولو جيت على مطب وهديت العربية تبطل
بخلاف الهباب اللي طالع من الشكمان لدرجة ان الهباب بيطلع حتت غير الدخان
روحت بيها مركز الصفاء بعد ما نصحني بيه بعض الاعضاء و قالي خلاص تمام و اخد 350 جنية تنظيف رشاشات و فحص عادم و جربنا العربية و دا من الساعة 10.30 صباحاً وحتى اذان المغرب
و العربية زي ما هي ( وهو بيقنعني ان العربية بقت تمام )
المهم رحت بالعربية لواحد تاني و تالت و في الاخر واحد قالي ان في صباب مقصر و عايزين ناخد من وش السلندر علشان نظبطة .
انا سمعت الكلام دا روكبي خبطت
المهم قولت لية يعني مش ممكن تمشيهالي شوية
المهم فصل حساس الشكمان و طلعت جربت العربية ماشية كويس و السحب اتحسن ، مش قوي بس احسن من الاول و العربية بطلت تبطل و انا بهدي
لكن المشكلة مستمرة هباب كتير
ولو قرصت على الموتور يطلع سحابة سودة من الشكمان
و مفيش حد عارف حاجة ولا عارف يحل مشكلتها
مع العلم اني مغير طقم كهرباء مرتين عند الميكانيكية على اساس ان دي المشكلة و مفيش جديد
بمعني اصح انا غيرت :
- طقم سلوك كهرباء .
- طقم بوجيهات .
- حساس شكمان .
- غيرت جوان وش سلندر .
- طقم سيرفيس سيور .
وكشفت عليها على الكمبيوتر 4 مرات و دايماَ مفيش عيوب .
ياريت لو تساعدوني انا لفيت بيها و قاعد ادفع فلوس ومحدش بيصلح العربية

وشكراً على وقتكم

طيب ممكن ميكانيكي كويس قريب من المطرية ، القاهره ؟؟؟
لاني لفيت على ميكانيكية كتير و مفيش حل