يا جماعه الخير
المايه السخنه ضعيفه جدا مع العلم ان فى موتور بعكس المايه الساقعه شدتها اكتر بكتير هل ده عيب ف السخان ولا اى بالظبط ؟؟ السخان كهربا اوليمبك بقالو كزا سنه وكان شغال زى الفل السنادى مش عارف اى اللى حصلو
عرض للطباعة
يا جماعه الخير
المايه السخنه ضعيفه جدا مع العلم ان فى موتور بعكس المايه الساقعه شدتها اكتر بكتير هل ده عيب ف السخان ولا اى بالظبط ؟؟ السخان كهربا اوليمبك بقالو كزا سنه وكان شغال زى الفل السنادى مش عارف اى اللى حصلو
متابع
احتمال كبير يكون السكس بلف فيه مشكله
عندي نفس الكلام
ومش عارف السبب
بص يا سيدى ....
اولا متاكد ان الضغط بتاع الميه اللى داخل على السخان كويس ..ودة عن طريق فك الوصله اللى داخل على السخان وتشوف الضغط
ثانيا تتاكد ان السكس بلف تمام ..بانك تفكه من السختن وتركبه فى الوصله وتفتح الميه وشوف الضغط قبل ما ركبته وبعد ما ركبته........او انك تفكه وتوصل على السخان علطول وتشوف هل حتفرق ولا لسه الوضع سئ
ثالثا افصل الوصله اللى خارخه من السخان وشوف هل ضغط الميه زى قبل السخان ولا لا
وربنا يوفقك
جارى التنفيذ وشكرا ليكوا يارجاله
انا كمان كان عندى كدة الاسبوع اللى فات بس سخان غاز جبت واحد غير لى جلدة الرداخ و بقت زى الفل
طب عملت ايه ؟؟
انا نفس العيب
اسرع طريقة لمعرفة العيب فك ال2 لي الي داخل والي خارج من السخان ووصل مباشر من ماسورة الدخل الي ماسورة الخرج بلي منهم وجرب المياه لو ضعيفة يبقي مواسير السخن فيها رواسب وصدأ لو المياه قوية يبقي شوف السكس بلف لو سليم يبقي السخان فيه صدأ وعايز يتفك ويتغسل من جواه
الحمدلله تم حل المشكله واستحميت اخيرا تحت شلال المايه السخنه عقبال كل اللى محروم من النعمه دى :))
استلفت مفتاح انجليزى من صاحبي واول حاجه فكيت الماسورة الخارج لقيت صدا وسدد فى المدخل الماسوره من فوق ومن تحت نضفت وظبت وركبتهها تاني وبعدين فكيت ماسورة المحبس لقيت المحبس فى صدا ومعرفتش احل السكس بالف م الماسوره خلعته بيها ورحت اشتريت محبس وماسورة وسكس بالف جديد التكلفه 40 جنيه ورجعت ركبتهم وكله تمااااااام وعيش مع شلالات المايه السخنه
شكرا ليكوا يارجاله
عزيزي
كلامك صح وظيفه السكس بلف ( بلف عدم الرجوع ) انه يمنع رجوع الميه من السخان للمواسير في حاله انقطاع المياه
بس انت نسيت ان السخان علشان يخرج ميه سخنه لازم تدخله نفس كميه المياه البارده فلو البلف مسدود شويه ده هايضعف ميه الدخول وبالتالي هاتضعف ميه الخروج ( السخنه )
نصيحتي فك البلف واذا كان بلاستيك غيره لواحد نحاس ( حوالي 13 جنيه ) واذا كان نحاس نضفه بس
خللي بالك افصل الكهرباء الاول عن السخان - فرغ السخان من المياه السخنه - اقفل محبس المياه المغذي للسخان او محبس المياه العمومي للشقه - فك الوصله المرنه من اسفل السكس بلف لو في ميه نزلت يبقا البلف بايظ ولازم يتغير
وبرضه لو في محبس علي الدخول ممكن يكون القلب بايظ وخانق ميه الدخول
بعد كده فك البلف وغيره