عندى سياره نيسان اكس تريل موديل ٢٠٠٨ ، و عاوز اغير موتورها و أحط واحد ديزل بشرط عدم تغيير قواعد الموتور (و هو شرط ادارة المرور و التراخيص) ، يا ترى ما هو المحرك الذى يتواءم مع هذه السباره
عرض للطباعة
عندى سياره نيسان اكس تريل موديل ٢٠٠٨ ، و عاوز اغير موتورها و أحط واحد ديزل بشرط عدم تغيير قواعد الموتور (و هو شرط ادارة المرور و التراخيص) ، يا ترى ما هو المحرك الذى يتواءم مع هذه السباره
صديقي المواطن
حضرتك مقبل على عمل جريمة في حق نفسك وفي حق العربية فيه حد مهما بلغت اﻷسباب يقلب عربية عظيمة زي دي لمحركات الوساخة والقاذورات الديزل والصوت البشع وكل شوية تعيار رشاشات ومكن صعب وصنايعته قليلين وعمرته غالية عامة ربنا يهديك ويصلح حالك دي عربيتك وإنت أدرى بظروفك
ونادر متلاقي مكنة تنزل بنفس القواعد لازم تعمل قواعد ثم مكن الديزل غالي جدا جدا مش زي محضرتك متخيل روح إعمل بتاعتك غاز أحسن
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
حرام
ممكن تبيعها وتشتري تويوتا دوبل كابينه هاي لوكس
وتقفل صندوقها
حضرتك كده هتخلي العربيه في اسوء حاله و هتكرهها و لة قررت تبيعها هترميها بسعر رخيص جدآ .. نصيحه متفكرش في الموضوع ده
افضل اك بيع واشترى برادو ديزل
اختلف معاك يا استاذ صدام هو فعلان الى الراجل عاوز يعملة دا هيقتل العربية بس عيب لما نقول محركات القاذورات و الوساخة انتا مين قالك كدا ممكن اعرف مين قلك ان محركات الديزل كدا حتى لو كدا ينفع نوصفها بل طريقة دى اولا يا سيدى انا معاية سانج يونج موسو 2007 ديزل يعنى هقولك عن تجربة مش اى كلام بيتقال حضرتك الديزل مميزاتة توفير فلوس كتيير جدا يعنى ممكن تركب عربية 3000 سى سى تستهلك زى عربية 1600 مثلا فى الفلوس و بموضوع الصوت العربية لو قافل الازاز هتنسا ان العربية دايرة اصلا حضرتك متفتكرش ان مواتير الجاز بس الميكروباص و النص نقل لا طيب حضرتك اركب عربية برادو جاز نفس الحكاية المتور صوتة خفيف جدا حضرتك اركب هايلوكس 2 كبينة 2007 ولا حاجة نفس الكلام اركب لاند كروزر نفس الكلام و موضوع تغير رشاشات دا زيها زى اى عربية من الزفت الى فى جاز وبنزين بلدك و مع زالك انا مغيرتش الرشاشات من 2007 ولا مرة و العربية بسم اللة مشاء اللة عليها جميلة بغير فلتر جاز كل فترة لكن رشاشات لا مين قالك صنعينة قليلان شغالاين في الجاز حضرتك انزل الحرفين و اسئل هناك عن الناس الى بتشتغل فى مواتير الجاز وشكرا لحضرتك و على فكرة مش معنا انى بدافع عن واتير الجاز انى بقول لصاحب الموضوع يعمل كدا لا اوعى هتندم عربيتك لسة جديدة
صديقي المواطن
قولا واحدا يبدولي حضرتك وصلتلك معلومتي بصورة مغايرة لمقاصدي
فكلمة وساخة وقاذورات ليست مقصدها الدارجة عندنا في مصر شتيمة أنا أقصد معناها الحرفي بالظبط العربية الكاز هو في تكوينه زيت فدايما لما تمون لو وقع على الرفرف شوية سولار بعد شوية حيلم تراب ويبقه طين ولو جي جنب هدومك حيضيعك وكذلك منظر المحرك العام دايما مليء بالسخام والشحم والسواد
ثم نرجع ونعيد ونزيد أرجوكم يا إخواني أرجوكم أرجوكم أنا لا أنطق من فراغ وأنا كنت مالك وراكب ومستورد عشرات العرببات السولار ومئات العربيات البنزين وجربت أكثر من ألف نوع عربيات في حياتي وعربيتك السانج يونج دي أنا سايقها في بلدها كوريا ضصات نفسها واللي أحدث وأشيك منها هناك كمان الريكستون أكيد حضرتك عارفها
ومن قال لك إن البرادو كاز عربية ناعمه دي عربية خشنة وخشنة وخشنة بس حضرتك من عاشر القوم أربعين يوما صار منهم والظاهر حضرتك من كثر ركوب الجاز إعتبرت إن هو ده الطبيعي ومعروف جدا إن الكاز إقتصادي ﻷنه في مصر رخيص لكن لو بتشال الدعم منه حتتصدم وتروح كل مزاياه عامة اللي حضرتك شايفه صح وكذلك ما يراه صاحب الموضوع صح إعملوه فهذا مالكم وأنتم أحرار به
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
لا انا فهمتك صح حضرتك بخصوص كام نقطة كدا هفهمها لحضرتك مين قال ان ديما بيقع على العربية جاز ؟؟؟؟؟؟ غريبة دى اوى بس هقلك الحل بسيط اوى قول لل واد الى بيفول اول فصلة هههههه يا راجل يا طيب دى مش حاجة نقول عليها عيب يعنى واللة موضوع الطين دا ضحكنى بجد :new: وبردو حضرتك بتقول ان المنظر العام ملى المحرك العام دايما مليء بالسخام والشحم والسواد بردو حضرتك مصر على العربيات النص نقل و المكيربوصات طيب هصورلك لو عاوز منظر المحرك لو عرفت تفرق مبينو وبين اى محرك بنزين قول مين قال ان البرادو خشنة خشنة لا عن تجربة مواتير برادو كتيير منها موديل 2007 و منها موديل 2012 عربية جمرك كانت جاز بردو و انا بتكلم عن نعومة المتور و حضرتك بتقول ن عاشر القوم أربعين يوما صار منهم والظاهر حضرتك من كثر ركوب الجاز إعتبرت إن هو ده الطبيعي لا على فكرة انا معاية لانسر بومة 2008 و سوقت عربيات بنزين كتير جدا و عارف يعنى اية نعومة متور و على موضوع الدعم حتى لو اتشال مع دا مش هيحصل هيبقى بردو ارحم من البنزين بكتير مش بيقولو سعر لتر البنزين هيبقا 5 جنية هتلاقى الجاز 3 مع ان دا مش هيحصل و بكلامى دا مش معنا ابدا ان صاحب الموضوع يغير متور بجاز لااالا العربية لو مش نازلة جاز على بوها زى مبيقولو هتتعبك جدا
صديقي المواطن
قولا واحدا كل ما قلته أنت أصاب عين الحقيقة وأنت أعلم وأدرى مني ولا زلت أتعلم منك فأعذرني وأنت من الشخصيات المحترمة الفعالة في المنتدى ونسأل الله أن ينفع بك أمة محمد والبشرية جمعاء
وكل ما قلته أنا هو عين الخطأ والضلال وأعتذر لقلة خبرتي في عالم السيارات ونعتذر من المواطن صاحب الموضوع والسولار أحسن وأنظف من البنزين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
لالالالالالا بردو حضرتك مفهمتنيش صح عمر السلار ما هيبقا انضف من البنزين ابد و دى حاجة معروفة الموتير البنزين طبعا انضف و محافظة على البيئة اكتر و صدقنى انا مقصدش ابدا اوص
لك الفكرة دى انا بحب النقاش و انت واللة من الشخصيات المحترمة جدااااا فى المنتدى و الفعالة بدون جدال و انت واللة كنز للمنتدى كلة واللة و معلش اصل انا مدمن عربيات عشان كدا كل حاجة بسئل عليها و بتناقش فيها و مبصدق القى انسان زى حضرتك بتعشق العربيات و اتناقش معااااااااة و اسف لو رخمت عليك انا زى اخوك الصغير :15_2_143: