الصنى الشكل القديم مقفوله على 160 كم ؟؟؟
السلام عليكم
انا من فترة بدور على التعليقات الممكنة على الصنى موديلات 2009 و حتى 2011
و من ضمن الكلام اللي قريته من مشاركات الناس
غووول بنزين-شخشيخة و بتزيق-العزل وحش جدا-صوت الموتور عالي
و اخرهم
العربية مقفوله على 160 كم في الساعة اخرها..
يعني ابقى شاري عربية بمبلغ و اخرها 160.انا عموما زي ناس تانيه كتير مش هواة جري.بس ساعات الامر مش بيسلم من انه يجري و الطريق مفتوح.انا باللانوس كنت ساعات بجيب 190
يا جماعه ارجو ان الناس تاخد الموضوع على محمل الجد لان فيه ناس مش بتسال عن حقيقة الموضوع و تجري يقولك صني ايه يا عم.دانا اجيب فيرنا احسن
يعني الفيرنا في نظر بعض الناس احسن من الصني..ازاي يعني؟؟؟؟
والناس دي محتاجة تعرف رائ من ملاكها.
محتاج اسمع من الناس ردود على الكلام ده
جزاكم الله خير
الرد المفيد على الاخ السائل
دى مشاركة منى سابقة فى شرح النيسان صنى بعد 100 الف كياو استعمال شخصى وليس سمع:
انا معايا صني سوبر صالون 2009 عاملة 100000كيلوا الشكل الجديد موديل2010 اشترتها زيروا من 8 2009 انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني
ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم.
ثانيا: اكذوبة ان العربية غول بنزين انا باعمل 350-380 كيلو جوة البلد 33-35 لتر بنزين ولما باسافر اسكندرية رايح جاي 35 لتر من 450-480 كيلو. وعلشان توفر فى البنزين خليك على اقل من 3000 RPM.
العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل.
سحب العربية ممتاز لكنة بيتاثر جدا بحاجتين في الاول لما تيجى على السلانسية بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية.
العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح اخر مصطنع. كل دة 103000 الف جنية.
بصوا للسوق وشوفوا العربيات بالامكانت دى بكام اما البكانتو 2011 1300 cc
96000 جندى.
العربية خلال 100000 كيلو لم تغير اى شىء غير الزيوت والتيل والسيور والكاوتش وقاعدة موتور عشان الكاوتش اللى فيها تاكل خلال اربع سنين ونصف.
نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام.
غيروالزيت واستخدموا valvoline او lquimoly انا فرق معايا جدا لما غيرت موبيل1*
وجبت فالفولين واستهلاك البنزين فرق معايا جدا.
واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة
واى استفسار انا فى الخدمة.
